Usec. Zeny Maglaya (Dept. Of Trade And Industry) Kalye Escalera Interview Feb. 2, 2012/ 8 to 9am. DZRB 738 Khz/ Radyo ng Bayan
KE: Usec. Maglaya magandang umaga po! Kayo ay live sa 738 Kalye Escalera, si Kuya Marlo, Joee at si Ms. Tea ang inyong kausap.
ZM: Good morning po!
KE: Sabi ho ni Cong. Angelo Palmones ay baka may salmonella yung imported na manok. Ano ang obserbasiyon ng DTI dito?
ZM: Alam niyo lahat ng inaangkat at lahat ng kinakatay na manok o baboy dapat ay dumadaan sa pagsusuri ng National Meat Inspection Service (NMIS). Mahalaga yan na dumadaan sa pagsusuri dahil delikado yan kung ibebenta at hindi na-inspeksiyon baka merong mga kontaminasiyon.
KE: Ganito na lang ma’am para ho sigurado ang mga mamimili na walang salmonella yung mga manok na binibili yung imported dahil sa mas mura sa local. Saan ba sila dapat mamimili at ano ang katangian ng palengke na dapat nilang puntahan?
ZM: Saan mang palengke man ito kailangan ay tinitignan nila yung NMIS certificate yan po ay araw-araw na binibigay. Nakapaskil sa bawat stall sa palengke kung hindi nakakasiguro yung nasa sidewalk hindi ko naman nilalahat. Mahirap ho pag nakalatag lang kung saan-saan at walang nag-i-inspeksiyon.
KE: Madagdag ko lang na ang sidewalk hindi tindahan ng karne ng manok.
ZM: Tama po yun! Minsan po kasi may talipapa tayo o palengke na lumalampas po at minsan ay nasa tabi ng palengke na hindi authorize.
KE: Kasi dun sa panawagan nitong si Cong. Palmones nilahad niya na iwasan itong mga imported na manok. Sinabi niyo naman na may inaaangkat na nagdadaan naman sa inspeksiyon tama ba na-i-generalize. Baka naman totally hindi na bilhin ng mga mamamayan ang mga imported na manok kung talagang legal naman ang pagkakapasok nang iba diyan di ba?
ZM: Palagay ko ang concern ni Cong. Palmones ay sa dahilan na ito ay frozen kapag ito ay inaangkat hindi naman ito katulad ng ating nakikita sa palengke, na talagang bagong katay. Mainit-init pa at talagang nakakasiguro tayo na maayos pag mali kasi ang handling at naibenta at kahit na test na ito at nakalatag puwedeng makontaminahan ng bacteria. Palagay ko yun ang concern ni Cong. para sa kanya mas nakaksiguro tayo dito sa mga local na manok.
KE: Bakit po imported lang ang lokal ay hindi puwedeng magka-salmonella dapat sabihin din na yung lokal ay tignan natin baka may salamonella din?
ZM: Kasama po yan sa sinusuri pero ang palagay ko lang ang sinasabi niya kung sa contamination ay yung mga talagang frozen. Nawawala yung pagka-frozen niya pag nakalatag na kaya requirement po ng DA na magkaroon ng freezer ang mga nagbebenta nito.
KE: Kapag produktong manok po ang pinag-uusapan kapag may problema ho diyan puwede ho bang ibigay ang problema sa DTI, sino ho ang may jurisdiction sa bagay na yan?
ZM: Yun atin naman pong hotline ay laging bukas ang lahat ng reklamo ay puwede po nilang ipadala sa amin yung kanilang problema. Pero para mas diretso ang jurisdiction po nito ay Dept. of Agriculture particularly the NMIS.
KE: Bastat manok na sobrang bigat yun pala puro tubig ang laman puwedeng ireklamo sa DA?
ZM: Manok, baboy, baka basta in a raw form at hindi pa ho na-process ay sa DA po yan.
KE:Maiba ako ng konti kasi yung buwan ng Pebrero gusto ko talagang magregalo ngayon ng bulaklak sa aking maybahay at sa aking kapatid na babae. Hindi ho ba ako kakapusin sa budget kung ako ay magpunta sa Dangwa ngayon?
ZM: Ang tsokolate at bulaklak ay unfortunately hindi kasama sa mga basic goods. Hindi po natin ito mino-monitor kaya wala ho tayong basehan pagdating sa presyo ngayon at pagdating ng Valentines Day. Kaya may karapatan ang mamimili na mag reklamo kung sa kanyang palagay ay sobra naman ang tinaas. For example alam naman natin 1 dozen P150 at biglang naging P500 at baka sa ibang tindahan ay P300 lamang maaring pong magreklamo.
KE: Yun pong kandila baka merong may balak mag-regalo ng kandila at tsaka festival ng kandila sa Iloilo Usec.
ZM: Tama po yun Candelaria, well again yung mino-monitor natin sa kandila ay yung ordinary at of course sa dami na klase ng candles ngayon. Sa dami ng disenyo at may scent pa yung iba tlagang decorative na ang kandila at all year round na ang kandila it may become a present or a gift.
KE: Ang kulang na nga lang ho ay gumawa sila ng kandila na puwedeng iulam.
ZM: Minsan ho may amoy kendi.
KE: Natatakot ako medyo concern lang ako eto na naman tumataas na naman ang presyo ng produktong petrolyo. Natatakot ako sa mga presyo ng bilihin I’m sure pag narinig yan ng mga nagtitinda ay rason na naman yan para magtaas sila ng presyo?
ZM: Kamakailan lang naglabas tayo ng SRP ito yung mga presyo ng ating mga pangunahing bilihin. Sa process goods po walang tayong bagong SRP except sa sardinas tatlong brand ang nagkakaroon ng adjustment nitong Enero. Dahil hanggang ngayon meron pa rin tayong fishing ban medyo mahal ang isdang na ban sa Zamboanga. Sa others ay wala tayong dahilan para magtaas ng presyo kung mas gumagamit ng dahilan tumataas ang presyo dahil sa gasolina ay napakaliit lang na porsiyento para mgakaroon ng epekto. Kapag may singkuwenta sentimos na increase hindi naman siguro dapat i-increase ng sigkuwenta sentimos ang per kilo ng gulay, baboy.
KE: Piso lamang yung itinaas ng lata ng sardinas o lumagpas pa dun?
ZM: Maximum na yung piso pero from the last semester of 2011 dahil sa tatlong beses silang humihingi ng increase hindi natin ito napagbigyan dahil meron tayong inaayos na datus galing sa kanila. Kaya itong Enero na lang natin sila nabigyan ng approval para mag-adjust kaya medyo umakyat sa piso ang increase.
KE: So yung ganung adjustment accepted na yun at wala na hong susunod pa?
ZM: Siguro naman wala ng dahilan after this month of Feb. dapat ay wala na yung fishing ban at ating babantayan ang presyo ng isda at kung bababa ang presyo ng isda ay dapat din silang magbaba ng presyo.
KE: Sa lahat ng paggalaw sa presyo ay saan naman po kayo magva-valentine’s day?
ZM: Dito lang may pasok naman po yun at hindi niyo naitatanong b-day ko after valentine’s day.
KE: Advance happy b-day!
ZM: Thank you very much! kaya sa 15 po ay mura na ang bulaklak.
KE: Puwede na nating padalhan ng bulaklak si Usec.
ZM: Sa lahat po ng magce-celebrate ay lets’ make it simple ang imporatante lang naman po ay maramdaman ang pagmamahal sa bawat isa.
KE: Magandang umaga at advance happy valentine’s day at advance happy b-day Usec. Maglaya!
ZM: Maraming salamat po at good morning!
Walang komento:
Mag-post ng isang Komento