Ms. Aileen Lucero (Spokesperson-EcoWaste Coalition) Kalye Escalera Interview Dec. 29, 2011/ 8 to 9am. DZRB 738 Khz/ Radyo ng Bayan

Ms. Aileen Lucero (Spokesperson-EcoWaste Coalition) Kalye Escalera Interview Dec. 29, 2011/ 8 to 9am. DZRB 738 Khz/ Radyo ng Bayan

KE: Hi Aileen, good morning!

AL: Good morning sa inyo at sa inyong mga tagapakinig ng Radyo ng bayan!

KE: Welcome sa aming programa! Ms. Aileen ang EcoWaste Coalition ay pukpukan na sa inyong ginagawang kampanya dahil dun sa pagsalubong sa bagong taon.

AL: Maraming tao ang sumama sa aming kampanya.

KE: Sa tingin niyo maraming nakinig sa inyong panawagan?

AL: Sa tingin naman namin dumadami naman kasi sabi ng mga nagbebenta ng mga paputok ay bumababa yung kanilang benta. Hindi lang namin makuha dun sa bilang ng nasasakatan talaga kasing ang dami pa rin.

KE: Binalita mo na tingin niyo dumadami naman ang nakikinig sa inyo dahil bumababa ang sales ng nagatitinda ng paputok. Pero siguro pag nag-i-interview kayo ng mga nagtitinda ng paputok siguro isipin mo na lang kung ano ang nasa utak nila habang nagtatanong kayo sabi nila ito na yung mga kontrabida sa buhay namin, marami bang nagagalilt sa inyo?

AL: Yun din ang isa na kino-consider ang talagang panawagan ng ecowaste ay total banning ng firecrackers at fireworks. Dahil ito ay nakakaapekto land, air at water pollution pero dahil meron pa rin consideration for the manufacturer ng firecracker at industriya ng paputok. Hindi nago-go yung banning kino-consider pa rin sila.

KE: Balita ko pag pinagpatuloy pa rin yung pagpu-push dito sa total ban ng paputok magiging ban na rin kayo sa lalawigan ng Bulacan, bawal na kayong tumapak dun?

AL: Huwag naman sana kasi para sa kaligtasan at kapakanan ng higit na mas nakakarami  yug sinusulong ng EcoWaste Coalition.

KE: Give us some guidelines balikan natin ang inyong mga panawagan, Ano ba ang dapat just in case na wala pa tayong total ban sa firecrackers at this point so meron pa rin diyang makukulit na bibili ng paputok. Okey kung bibili ka ano ang pamantayan, patuntunan sa pagbili ng tamang paputok?

AL: Gaya ng DTI dapat meron yang lisensiya, may proper labeling para alam mo kung sino ang hahanapin mo. Ang no. 1 talaga huwag hayaan ng mga magulang yung mga bata na bumili ng mga paputok lalo na yung piccolo kasi puro bata yung nagiging biktima nito. Eto yung mga 6 yrs. old pababa tapos gumamit tayo ng mga alternative news makers kasi noong araw ang pampaingay kinakabit lang natin sa bisikleta sa mga vehicles natin yun ang ginagamit nating pampaingay. Meron pa tayong torotot yung pet bottles puwede rin nating gamitin.

KE: May mga nagsasabi na mapanganib sa pandinig naman yung torotot meron ba kayong mga tips na maibibigay kung sino man ang gagamit niyan?

AL: Ang allowable na decibels ay 60 kung meron gagamit ng torotot na masyadong malakas ingatan na tumapat ito sa mismong tenga ng mga tao.  Mas maganda na ihipan siya papalabas dun sa ating bahay at sa ating kapaligiran huwag po talagang itatapat sa tenga.

KE: Yung iba bata makulit itatapat talaga sa tenga ng kanila kapwa bata.

AL: Yung mga paputok natin ngayon ay mas doble po yung ingay na nalilikha niya mas mataas sa 60 decibels na sine-set natin.

KE: Paano ba nasusukat itong no. of decibels?

AL: Yun pong kayang i-tolerate ng ating tenga ay hindi pa pumapalo sa 60 decibels hindi siya nakaka-cause ng pagkakabingi.

KE: Nasa pitch siguro yun at ingay kasi meron ngang mababa pero parang nakakadagundong ng puso mo. Pero itong mga torotot hindi rin ba ito delikado sa tenga sa pandinig. Balita ko delikado daw ito sa lalamunan?

AL: Yes po, isa po yan sa lumabas na health advisory FDA na ito ay puwedeng maging choking hazard. May mga ilang torotot natatanggal po yung mismong pampito niya na nakabalot lang sa foil. Natatanggal siya pag yung bata umiihip pa ng hangin nakakabit pa ring yung torotot pag natanggal yun puwede nilang makuha.

KE: Bigyan ko lang ng karagdagan tulong ko na sa Ecowaste Coalition yang paggamit ng torotot ay mag-ingat kayo lalo na sa mga kabataan na magtuturo ng ilang mga habits na di maganda paglaki nila. Kasi naman tandaan niyo hindi po isinusubo ang mga bagay na hindi naman pagkain. Marami kasi ang nagsusubo ng kung ano-ano ayan nacho-choke tuloy kayo.

AL: Mahalaga talaga yung guidance ng magulang.

KE: Ano naman a ng masasabi ninyo sa kampanya mg DOH naglabas sila ng bagong CD na ang laman ay mismong tunog ng mga paputok?

AL: Natutuwa kami sa ginawa ng DOH at kami ay nakikiisa sa kanilang programa, maganda po yun ang bottom line kasi makapag-produce lang ng ingay ng paputok. Yun na hindi na kailangang magpaputok na actual kundi patutugtugin mo lang siya kaya maganda yung ginawa nila.

KE: Kaya lang some of my friends nakablita nito ang sabi ang corny naman para namang niloloko ko sarili ko nanonood ako tapos palakpak ako ng palakpak eh puwede ko namang i-replay.

AL: Puwede naman kasing yung kasabay ng kanilang panawagan na community fireworks display. Habang nanonood ka ng fireworks display at nasa bahay ka puwede mong patugtugin yung kanilang CD player at least hindi ka na gagastos at actual na magpapaputok.

KE: At mayroon pa dung isang kanta ng 6 cycle mind na puwede raw gamitin pag merong street party.

AL: Sana yung mga mahilig magpaputok yan yung puwede nilang gawin na magbabarkada yung mag-street party.

KE: So pabor ang EcoWaste Coalition sa hakbang ng DOH na yan?

AL: Opo! mas maganda kasi yung pera na gagamitin natin imbes na bumili ng paputok ng ilang minute na lang na mag-iisparkle pambili na lang natin ng pang media noche natin. Kung masyado namang sobra yung pera i-donate na lang natin for the Sendong victims kasi mas malaki ang mararating ng ating pera kesa yung 15 mins. na pailaw. Kawawa yung mga bata at matatanda na makakalanghap ng usok na puwedeng magkaroon ng asthma.

KE: Makakaasa ka na ako personally I’m committing pledge ko to na ako rin ay I’m joining sa kampanya na huwag ng magpaputok this New Years eve. Ang kampanya ko nga gagamit na lang ng torotot at ang panawagan ko pag magtotorotot kayo ay blow gently, blow softly.

AL: Maraming salamat!

KE: Maraming salamat din sa iyo!

           

Usec.Salvador Salacup (Dept. of Agriculture) Kalye Escalera Interview Dec. 22, 2011/ 8 to 9am. DZRB 738 Khz/ Radyo ng Bayan

Usec.Salvador Salacup (Dept. of Agriculture) Kalye Escalera Interview Dec. 22, 2011/ 8 to 9am. DZRB 738 Khz/ Radyo ng Bayan

KE: Hello sir, good morning!

SS: Good morning at mabuhay! I’m broadcasting live at Dagohoy market dito po sa San Andres Bukid  together with Sec. Gregory Domingo of Departmen of Trade and Industry. Well kumpletuhin na nating yung report ang nakikita namin ni Sec. Domingo at Usec. Zeny Maglaya ay very stable ang ating prime at basic commodities. Lalo na yung mga agricultural products yung manok, baboy, isda napakaraming supply dito. Which is reflective of the vibrant need ng ating industriya ina-assure po natin ang publiko despite the calamities na dinaanan ng ating bansa very stable ang supply ng ating agricultural product. At the same time yung price level ay parehas po walang nagsasamantala at agad yung report natin kung meron kayong nararamdaman na merong nagsasamantala sa mga price level. But as of this morning base on the declaration na tayo ay under price freeze noong inanounce ng ating mahal na Pangulo ay stable po ang price level ng ating mga commodities.

KE: Ano ho ba ang mga imported na isda ang binebenta ngayo sa ating pamilihan. Dahil dito sa mga balita sinasabi ng BFAR mino-monitor nila yung pagbagsak ng mga imported na isda dito meron ba kayong information kung ano itong mga imported na isda na ito?

SS: Usually ang ini-import na isda ay para sa canneries natin yung mga pang sardinas, talakitok, galunggong ini-import po yan. Meron po tayong polisiya kapag ito ay inimport diretso dapat yan cannery at processing facility. Bawal yan iduretso sa wet market kaya napapansin niyo for 2 wks. may nira-raid na mga palengke ang ating gobyerno. Kasi nga bawal yan at hindi rin tayo sigurado na pag nilalabas nila ay ano ang dahilan nun. At pinalulusot nila kaya nga yung seguridad, food safety, hygiene ay isa sa tinututukan ng pamahalaan. Para ang ating consumers ay maging kampante na ang kanilang binibili ay mura, malinis at walang kargang sakit o peste.

KE: Di po ba parang sosyal sasabihin ko ang galunggong ko ay imported?

SS: Meron niyan, meron din yung local kasi ang galunggong ay isa sa mga highly demanded na isda sa ating bansa. So there are some importers who brings it in kaya nga lang ho ang warning dapat sa processing facility.

KE: Seryosong tanong kasi yung nangyari sa Mindanao ditio sa Cagayan De Oro particularly. Sa ngayon po siguro wala pa talagang impact yan sa ating mga produkto dahil of course harvest nung mga nakaraang panahon. What particular crops do we source from these areas affected by Sendong?

SS: Well it’s a very good question, yung mga nanggagaling sa Region 10 at 9 na sinalanta ni Sendong kasama na sa Negros Oriental. Ang nangagaling po diyan karamihan ay palay, mais, gulay at konting produktong manok yan ang binabantayan naming mabuti with regards to the supply level. Pero huwag hong mag-aalala ang taong bayan ang supply na nanggagaling diyan ay very minimal lang po. Ang palay at mais for instance yung dinaanan ni Sendong yan ay nasa seedlin, so hindi pa po yan makakapinsala ng malaki dahil bagong tanim at nagsisimula palang tumubo. Kaya madali pang makaka-recover yan at ang ating mahal na kalihim si Sec. Alcala ay nagbigay na ng directive na ma-identify na yung mga natamaang magsasaka ng palay at mais at gulay. Para sila ay masuportahan ang palit tanim program.

KE: Yan na ay pino-proseso na ngayon?

SS: Opo, papalitan yun para mabilis maka-recover yung mga nasalanta ng bagyong Sendong. Kaya nandito kami ni Sec. Domingo para i-assure public umiikot kami ngayon sa mga pamilihan bayan to ensure na ang availability, stability ng prices ng ating basic and prime commodities  is at a very stable level.  Yung assurance na ginagawa ng gobyerno ngayon wala ho tayong dapat ipangamba, tinitignan din namin ni Sec. Domingo yung rice station dito sa bentahan ng bigas at nakita natin na ang pinakamababang presyo ng commercial rice is P29.00 to P230.00 per kilo, the assurance is there.

KE: Kasama niyo po ngayon si DTI Sec. Domingo marami nagtataka Usec. sapagkat normally ang ginagawa ng DTI ay surprise visit for inspection, pero bakit po ngayon ay naka-broadcast ang pag-iinspeksiyon sa mga  pamilihan. Baka maagang narinig ng mga tindera at agad nilang binaba yung presyo?

SS: Hindi po in fact hindi namin inanounce ang bibisitahin namin and for the rest of the week, we will continue to monitor. Strategically located buying areas wet market hindi lang supermarket just to ensure. Alam niyo naman ngayong kapaskuhan may gustong tumaas ang tubo ay kailangang i-control sila at makisama sa kapanahunan ng kailangan ay lahat masaya from our farmer, fishermen, biyaheros and of course to the consuming public everybody should be happy ngayong kapaskuhan.

KE: Magkano na po ang presyo ng manok at pork?

SS: Dito po sa Dagohoy market very stable ang manok P125 to P130 presyo na yan as 4 months ago. Ang baboy naman ay P150 to P180, ang bigas ang pinakamura ay still P29 to P30 per kilo. Ang gulay po ay nagra-range ng P40 to P50 which is stable price for this period. So generally yan ang report stable na stable ang ating prime and basic commodities.

KE: Sa ngayon ina-asses pa yung pinsala sa mga pananim dulot ng bagyong Sendong pero dun initial crop damage magkano na ang inabot?

SS: Sa report yesterday nasa P15M for 4 Regions 10, 9, 4B at 7, but we’re expecting a little bit more additional damage. Pero ang sabi nga natin hindi ganung kalaki yan bec. yung sa palay at mais ay nasa vegetative and seedling stages lang po yun. So no worry that the supply levels for the consuming public will be affected by this tragedy that typhoon Sendong brought about.

KE: P15M nakikita po namin ay maliit ito at maaring mas malaki ang pinsala ng bagyong Sendong sa mga mismong tao?

SS: Tandaan po natin that the tragedy was in the city in the urban area in the form of floods, but with regards of heavy which damage our agriculture production areas walang masyadong report from that. Tuloy pa rin ang aming monitoring para agad masuportahan natin yung mga affected farmers para po madali silang maka-recover dito sa naganap na damage na binigay ni bagyong Sendong.

KE: Natitiyak ba ng mga consumers  na hindi maapektuhan yung supply ng bigas sa susunod na taon?

SS: Dito sa P15M very minimal 2,000 hectares pa po yan and as I said they are in the seedling and vegetative stages madali po yang mapapalitan ng mga binhi na available sa Dept. of Agriculture. As we are partnering with the local govt. units yan ang tinatawag ni Sec. Alcala na palit tanim program. So kailangang mag-enlist lang yung mga affected farmers palay, mais o gulay with their local govt. unit yung kanilang municipal agriculture office. At agad po pag na-validate na yan ay ipapamahagi na namin yung palit tanim na seedlings na pamalit doon san a-damage na pananiman.

KE: Final question na po ito Usec. Salacup what is your Christmas wish?

SS: Since I’m from the Dept. of Agriculture I would want a vibrant and healthy Philippine Agriculture to ensure full security to our countrymen. Kailangan ang magsasaka, mangingisda maging highly productive sila para available ang pagkain para sa ating bansa.

KE: Alright, panalo maraiming salamat po at Merry Christmas sa inyo Usec. Salacup!

SS: Thank you!

Sec.Butch Abad (DBM) Kalye Escalera Interview Dec. 15, 2011/ 8 to 9am. DZRB 738 Khz/ Radyo ng Bayan

Sec.Butch Abad (DBM) Kalye Escalera Interview Dec. 15, 2011/ 8 to 9am. DZRB 738 Khz/ Radyo ng Bayan

KE: Sec. Butch Abad good morning!

BA: Magandang umaga!

KE: Kasama niyo po si Kuya Marlo Dalisay, si Joee G. at si Ms. Tea. Sec. all set to go na talaga na pipirmahan na ni Presidente ngayong araw itong ating national budget para sa susunod na taon?

BA: Mamayang  alas-diyes nakatakda na yung pirmahan at dadalo dun ang Senate President, ang Speaker, ang Chairman ng Committee on Finance at Chairman ng Committee on Appropriation tsaka yung mga kasapi ng Committee on Appropriation at mga kawani ng gobyerno.

KE: Dito po sa halagang P1.8T ay ito talaga yung ipinanukala niyo o ito ay nabago ng Kongreso?

BA: Hindi na nabago buong-buo naipasa sa House at buong-buo na naipasa sa Senado, so walang dagdag, walang bawas.

KE: Congrats sir! patunay iyon na talagang malakas ang suporta ng ating Kongreso ngayon sa ating administrasyon.

BA: Natutuwa po kami at nagpapasalamat kami kay Sen. Enrile tsaka kay Speaker Belmonte. Dahil hindi lamang napasa ng buong-buo kundi nasunod talaga yung schedule. Nag-umpisa kami nung July 27 nung aming isinumite yung budget dun palang nagkasundo na kami sa akinse ng Disyembre malalagdaan ito ng Presidente. Kaya nasunod yung usapan eto yung kauna-unahang pagkakataon na pinakamaagang malalagdaan ng Pangulo ang budget sa kasaysayan ng pagba-budget.

KE: in terms of allocation ano po yung top five budget getters kumbaga?

BA: Ang pinakamalaki napunta sa social services katulad ng Conditional Cash Transfer, basic education, proper health at sa affordable housing yung mga tulong sa mga mahihirap. Pangalawa yung economic services halimbawa yung paggawa ng kalye, irigasyon. Kung sa mga expenditure items pinakamalaki yung sahod ng mga nasa gobyerno na umaabot ng limang daang bilyong piso at susunod dito ay serbisyo para sa mga tao.

KE: Previously there was also emphasis of military Armed Forces malaki rin po ba ang alokasyon ang sektor na ito?

BA: Malaki ang alokasyon ng Armed Forces at kapulisan mahigit isang daang libo bawat isa. Of course ang pinakamarami DepEd meron silang 560,000 teachers palang.

KE: Pero ito po ay budget natin sa susunod na taon 2012, balikan ko po  itong kasalukuyang budget Sec. meron pa ba tayong natitira o may savings tayo ngayon?

BA: Siguro na-release namin at this point mga 95% .

KE: Ano ho ang gagawin sa 5% na matitira kung ito po ay hindi natin mako-consume hanggang sa matapos ang Dec. 31?

BA: Dalawang bagay ang puwedeng mangyari dun magawa na siyang savings hindi na siya gagstusin para makatipid ang gobyerno. Pero kung infrastructure yang maca-carry over next year para maipagpatuloy ang pagsasagawa nito sa susunod na taon.

KE: Pero ano ho yung malaki ngayon savings o infrastructure?

BA: Mas malaki yung infrastructure yung savings hanggat maaari ay nagtitipid maliban lamang kung halimbawa yung savings natin sa interest payment P37B savings na yun.

KE: Wala na ho bang nakalimutang ibigay ang DBM na benepisyo  ngayong taon dito sa mga empleyado ng gobyerno. Including yung huling 10,000 na pesos na inanunsiyo ni P-Noy?

BA: Yan ang pinakamabilis na naibigay pa gang pinag-uusapan ay benepisyo mabilis pa yan sa metro ng taxi.

KE: Sec. kasi may nagtataka bakit daw po hindi pa raw nila nakukuha yung additional bonus samantalang sa ibang govt. agency ay mas nauna na, ano po yung paliwanag doon?

BA: Yan ang hindi ko alam kasi kung walang detalya mahirap sagutin, peroa alam mo nung January palang etong mga bonus ni-release na namin sa mga tanggapan. Ang hinahawakan lamang nila ito pag nakatanggap sila ng order na puwede ng i-release. Nire-release na  so Enero palang wala na sa atin yung mga cash gift at mga 13th month pay. Yung additional P10,000 ni-release namin yan umpisa Dec. 8.

KE: Kasi marami hong nagtatanong , bakit sa amin wala pa.

BA: Halimbawa ang local govt.  at GOCC hindi galing sa gobyerno yung kanilang bonus galing dun sa kani-kanilang opisina. Halimbawa kung lungsod ka hindi mangagaling sa national govt. kundi sa kanilang NGO o kaya GOCC hindi mangagaling sa national govt. kundi sa mismong tanggapan ninyo.

KE: Nitong mga nakalipas po na araw naging kontrobersiyal at ginawa ng mraming estudyante ay nagprotesta sa sinasabing budget cut. Ang sinasabi niyo po ay buong naaprubahan na at yan ba ay maibibigay na at yan po ba ay kumpirmasyon na wala talagang budget cut?

BA: Liwanaginn natin kasi minsan hindi naman totoo yung mga sinasabi, ngayon mismo hahamunin ko kayo ngayon palang pumunta kayo at tignan niyo yung budget. At kung walang increase yung SUC puputulin ko yun daliri ko.

KE: Huwag naman po Sec.

BA: Alam niyo kasi minsan mga estudyante nadadala sa mga propaganda siyempre maraming nagtatawag ng pansin. Dapat sabihin nila yung katotohanan hindi nila nililinlang ang mga estudyante.

KE: So wala pala silang dapat ipangamba?

BA: Wala naman.

KE: Sec. huling tanong na po kasi yung mga public school teachers ang nagsasabi na sila ay wala pa rin daw o hindi pa nare-receive ang P10,000. At tinitira ang pamahalaan ngayon may mga nagsasalita na ayan nagpapabida daw ang administrasyon, ano ang masasabi niyo dun?

BA: Ang tanong ko sa kanila sabihin nila kung sino sila at anong eskuwelahan ang wala. Kasi madaling magsalita in general ang hamon ko sa kanila sabihin nila kung sino yung mga nawalan at matitiyak ko sa inyo na may dahilan kung bakit. Naibigay na namin sa DepEd wala na sa gobyerno yung kanilang bonus. Ang puwede nilang singilin diyan kung meron mang delay ay ang DepEd.

KE: With that Sec. pakakawalan na po namin kayo Sec. maraming salamat po!

BA: Maraming Salamat!

Sec.Sonny Coloma (PCOO) Kalye Escalera Interview Dec. 13, 2011/ 8 to 9am. DZRB 738 Khz/ Radyo ng Bayan

Sec.Sonny Coloma (PCOO) Kalye Escalera Interview Dec. 13, 2011/ 8 to 9am. DZRB 738 Khz/ Radyo ng Bayan

KE: Sec. Coloma, Merry Christmas po!

SC: Merry Christmas at magandang umaga sa inyong lahat!

KE: Ang makakausap niyo po ay sina Marlo, sin Ate Joee G. at si Ms.Tea dito sa Kalye Escalera sa Radyo ng Bayan!

SC: Good morning!

KE: Ang itatanong ko lang Sec. I’m so impress ang aga-aga gising ka na working ka na?

SC: Meron po tayong hearing ngayon doon sa Senado na tinawag ng Senate Committee yung public information. Para talakayin yung panukalang batas na nag-a-amyenda sa charter ng Peoples Telvision kaya maaga po tayo ngayon dito sa Senado.

KE: Sec. kagaya ho ba ng mga Senador kayo ay pinasorpresa din sa pinakamalaking kaganapan kahapon diyan sa mababang kapulungan sa Kongreso?

SC: Bahagya lang po hindi naman total na nasorpresa sapagkat nung mga nakaraang araw meron na rin pong usap-usapan na ganyan. Pero dahil ang prosesong ito ay initiative ng mga Kongresista na mga kinatawan natin sa Kamara mga Representante. Hindi naman po kami nanghi-himasok sa kanilang mga proseso kaya kami lang ay naghihintay lamang, nagmamanman kung ano ang posibleng maganap diyan.

KE: Ano po ang saloobin ngayon niyo diyan sa paligid ng Palasyo ng Malacanang ngayon pong nangyari na nga ito. At naimpeach na nga si Supreme Court Justice Renato diyan sa Kamara?

SC: Sa akin pong palagay meron tayong pagkakataon ngayon na ilahad sa taong bayan kung ano ang batayan sa pagsasabing na ang ating Chief Justice ay lumabag sa kanyang sinumpaang tungkilin. Ito nga ay nakalatag doon sa limamput pahina na articles of impeachment for resolution na nilagdaan ng 188 or 2/3 ng Kamara. Siguro po ito ay magandang pagkakataon para magkaroon ng liwanag yung mga isyu na inilalahad natin. At kung pagbabatayan natin yung mga nakaraang impeachment ni Pang. Erap magiging laganap yung coverage nito. Talagang masusubaybayan ng mga mamamayan at mauunawaan po nila ang mga isyung inihaharap. Magkakaroon ng sapat nga pagkakataon si Chief Justice na sagutin at harapin yung kanyang paratang sa kanya. Sapagkat dapat po nating linawin tila yung iba natin kababayan ang pagkaunawa nila ay yung impeachment ay parang may parusa na hindi naman po ganun. Yung impeachment ay paghaharap lamang bill of particular hinggil sa mga paratang at meron pa namang trial na magaganap. Katulad din po ng general principle po sa ating batas meron naman pong pagkakataon diyan may due process po na igagawad sa Chief Justice.

KE: Nabanggit ho niyo kanina na malawakan ang coverage at under sa inyong pangangasiwa ito PIA, itong ating himpilan ang Radyo ng Bayan, ang PTV-4. Na binabanggit din niyo kanina didinggin yung mga pagbabago diyan sa Senado ngayon. Kung mag-umpisa na ang trial sa Senate live coverage ho ba yun na dito sa ating state-owned media networks?

SC: Paglilinaw lang po yung aking ikinuwento kanina ay yung naganap noong nakaraan. Yun pong magiging partikular na patakaran dito ay bigyan natin ng pagkakataon ang ating Senado na maglatag kung anong patakaran ng ipapasunod nila. Ang akin pong pakiwari ay hihilingin ng mga nertwork pati mga private network hihiling na magkaroon ng coverage. Siguro naman batay sa nakaraang karanasan ay ibibigay naman ito subject to certain regulation para maging maayos yung proceeding. Pero paubaya na natin yun sa Senado kung anong desisyon tungkol patakaran nila.

KE: Ito naman ang tanong ko kayo po nga aking crush na itong si P-Noy ay nagkaumpugang landas na simula ng nangyari ito kagabi. Ano kaya ang reaksiyon niya soild na solid ang suporta sa kanya ng mababang kapulungan 188 eh siyang nanawagan. Itong si Corona ay matanggalan ng Corona ito na nga ngayon, ano kaya ang reaksiyon niya tungkol dito?

SC: Wala pa kaming napag-usapan sapagkat ang huli kong pagkakataon makasama siya ay doon sa turnover ng AFP chief of staff kahapon pa ng umaga. Simula noon ay hindi ko pa nakakausap ang ating Pangulo siguro hintayin na lang po natin yung kanyang opisyal na pahayag. Kung ibabatay po natin sa naging pahayag ni Speaker Belmonte ang nabasa ko po sa sinabi niya ay aware ang Pangulo hinggil dito. Sa kanyang pagkakaalam suportado ito  ng Pangulo pero sila na nga lang po ang dumiskarte dito sapagkat ito naman ay initiative ng mga kinatawan natin at  hindi naman kami nanghimasok sa proseso nila.

KE: Sec. sa pag-uusap po natin kahapon nilinaw niyo na tungkol po dun sa sinasabing hidwaan sa pagitan  ng Malacanang at Korte Suprema. Ngayon poi sang araw lang ang lumipas ay nakapasa na sa Kamara agad yung impeachment complaint. Ang iniisip ng iba iti ay sadyang minadali, ano po yung inyong masasabi tungkol po diyan?

SC: Mainam at naitanong mo yan, dalawa ang paraan na paghaharap ng impeachment. Yung una kapag ang isang kasapi ng Kamara o isang ordinaryong mamamayan na inendorso ng isang kasapi ng House of Representative ay nag-file ng impeachment complain isasalang po ito sa House on Committee on Justice. At ibeberika  po at pagkatapos iberika dadaan dun sa Committee process yun po ang unag paraan. Pangalawang paraan maaring magharap ng isang resolution na may lagda ng at least 1/3 ng komposisyon ng House of Representative. Kung hindi po ako nagkakamali 95 yung 1/3. At kung meron pong 1/3 at may nakahanda ng articles of impeachment na napakaloob sa isang resolution. Ito ay maaari ng iharap sa plenaryo at isumite sa Senado ito po ang nangayari nung 2000 nung na-impeach si Pres. Erap. Kung naalala niyo ang speaker nun ay si Manny Villar tuloy-tuloy at hindi na dumaan sa Committee tuloy-tuloy na sa Upper House. Dineklara ng speaker noon na meron ng 1/3, 73 ang 1/3 noon meron daw po silang 77 lagda at tuloy-tuloy na naisumite sa Senado. Kagabi naman po nalaman  po nila na meron ng 188 na  sobra-sobra doon sa 1/3. Ilinaw lang po natin hindi po tama para sinuman na magsabi na ito ay minadali ito po ay naayon sa tamang proseso.

KE: Kaya kinukumpara namin yung nangayarin nung time ni Speaker Villar at yung kahapon na nangyari under Speaker Belmonte parang mas smooth sailing yung kahapon.

SC: Naalala nga po natin ang pagkakaiba lang ay ngayon po ay malinaw na overwhelming yung pagsuporta. Sapagkat hindi lamang ang 1/3, 2/3 po kinompute ko yung 188 over 264, 2/3 po ang nakuhang boto. Naayon po ito sa patakaran ng House of Representatives wala pong shortcut at wala ring reloading. Naayon po ito sa proseso hindi ho tamang sabihin na minadali.

KE: Si Chief Justice Corona may sinabi po na maaring magkaroon ng constitutional crisis kung siya ay ma-impeach, ano naman po ang iyong komento doon?

SC: Yun po ang opinion niya kami naman po parati po naming sinasabi na hindi po kami lumilikha ng crisis at ayaw po namin lumikha ng ligalig. Sa akin pong opinion mas mainam na nailagay na ganyang forum para maging maayos ang usapin kaysa sa pinagtatalunan lamang sa media. At pinag-uusapan sa informal forum kung ang isyu ay inilahad na sa isang impeachment court. Meron po tayong sapat na pagkakataon para pag-aralan ng lahat na ito at tignan kung may sapat na batayan.

KE: Meron na ho bang direktiba si Pangulong Noy sa pagkakatalaga ng bagong AFP chief?

SC: Malinaw naman po ang kanyang direktiba kahapon sa kanyang talumpati sa chain of command sa AFP. Ang prayoridad ay patatagin ang pangangalaga sa ating tanggulang pambansa sapagkat maraming hamon lalo na sa West Phil. Sea. Malinaw naman pong maunawaan ang ating bagong Chief of Staff si Gen. Dellosa . Kung ano po yung prayoridad ng ating Pangulo at nilahad po niya yan sa kanyang talumpati  unang-una yung strengthening ng territorial defense ng ating bansa sapagkat maraming hamon sa kasalukuyan . No. 2 yung internal peace and security na ang pangunahing programa ay yung bayanihan. Ang pangatlo ay disaster preparedness at pang-apat ay yung integridad ng organisasyon sapagkat kung maaalala natin ilang buwan lang ang nakaraan. Noong mag-takeover si Gen. Oban kalungkot-lungkot po yung lumabas na nagsasabing ang AFP daw ay ang most corrupt agency. Kaya patuloy po yung  mga repormang isinasagawa para patatagin ang integridad ng AFP at wakasan na yung corruption na dating umiral dito.

KE: Maraming salamat po Sec. Sonny Coloma sa oras na ibinahagi niyo ngayong umaga!

SC: Maraming salamat sa pagkakataon at magandang umaga po sa kanilang lahat!

Ms. Maricar Bautisa (AVP-PAGCOR) Kalye Escalera Interview Dec. 06, 2011/ 8 am. to 9am. DZRB 738 Khz/ Radyo ng Bayan

Ms. Maricar Bautisa (AVP-PAGCOR) Kalye Escalera Interview Dec. 06, 2011/ 8 am. to 9am. DZRB 738 Khz/ Radyo ng Bayan

KE: Good morning Maricar! Ano ang latest?

MB: Ang latest ngayon ay yung aming ginawang Pamaskong handog 25 days of Christmas, 25 years of PAGCOR. Ngayon makaka-eleven or twelve event na kami.  We started Nov. 25 and it will end Dec. 19 naging 25 days of Christmas ito dahil this will co-inside sa 25 years ng PAGCOR.

KE: Parang inamyendahan niyo yung 12 days of Christmas na kanta? Tama bang  dinig ko na-excite ako sa nadinig ko 25 gifts of PAGCOR, 25 gifts ang gifts sa atin ng PAGCOR. Anu-ano ang detalye nito, dito sa inyong gift-giving na ito?

MB: Basically meron tayong institution na napili kung saan pagkakalooban natin sila ng kanilang minimithing regalo. Meron tayong mga gift-pack para sa mga individuals beneficiaries meron din sa mga institution. Like kahapon nga lang nagpunta tayo sa PNP kung saan over 150 beneficiaries ang ating pinagkalooban ng mga gift-packs at bukod dun mismong hiningi na rin ni PNP chief Bartolome yung pgakakaroon nila ng imported na X-ray machine na kailangan ng ating mga kapulisan pag sila ay nagkakasakit. We donated yesterday about P4M para sa X-ray na iyan.

KE: Okey yun, so after ng turn over sila na ang bahalang magmantene nun at yung mga pulis nila na kailangang magpa x-ray hindi na siguro lalabas lalo na yung nasa General headquarters?

MB: OO, kasi kailangan nila yan ganun din ang gagawin natin sa Army naman eto ay magaganap next Monday. Kung saan ang pangunahin naman magbibigay ay mismong si Pangulong Aquino at doon naman ay magdo-donate tayo ng P4.5M. Para yan sa hospital equipment doon sa hospital doon sa Cotabato, Zamboanga at Fort Bonifacio para naman sa mga kasundaluhan yan.

KE: Army ba ang susunod niyong pupuntahan parang gusto kung sumama diyan?

MB: Pero hindi lang yan marami tayong indigenous  na kababayan mamaya pupunta tayo sa Manila boys town at dun naman ay si Mr. Boy Abunda ang mamimigay at ibibigay niya yung oras niya para makasama itong mga nandito.

KE: Itong mga pinamimigay niyo sa mga kapus palad nating mga kababayan hindi ito yung mga lugaw-lugaw na kape-kape lang ito talaga yung mga pakikinabangan nila ng maayos?

MB: OO gusto talaga natin yung long lasting nila na mapapakinanbangan  mayroon tayong pakakainin sila meron tayon party with them. Meron ding mga gift-packs na kinakailangan nila merong mga ilang can goods, mga toiletries kung ano pa. Apart from that yung long lasting kung saan sa foundation nila magbibigay tayo ng mga yung tinatawag na wish list mamaya doon sa boys town mayroon silang konting hiniling sa atin.

KE: Kunwari ako ay nasa boys town ako na lang ang hihiling Ipod 2 na 3G, isang cellphone na Iphone din at isang pantalon na worth P17,000 hiling yan? Maiba naman ng konti kumusta naman ang revenue ng PAGCOR sa 3rd quarter at kung meron  na kayong forecast sa huling quarter ng taon?

MB: Patuloy naman yung pagtaas by the end of the year ay mami-meet namin yung target namin. I don’t want to say the figures pero baka mamaya magkamali ako definitely mas mataas kumpara sa last year.

KE: Mas mataas mula pa nung first, second, third quarter na talagang ang inyong naiipon ay di hamak na mas malaki kumpara nung nakaraang taon?

MB: Yes, kasi dun sa mga nakalipas naming mga releases na magmula Mayo hanggang Sept. sunod-sunod yan for 5 months ang winning streak ng record breaking na figures na revenues ng PAGCOR. So inaasahan naming na patuloy itong tataas hanggang sa matapos itong taon na ito.

KE: Anong balita sa PAGCOR City?

MB: It’s underway at yung apat na proponents yung iba I think dalawa doon ay patuloy na ang kanilang constructions yung isa maggro-ground breaking by next year. So by 2014 hopefully ay meron na rin tayong makitang construction doon at maaring yung iba makaumpisa ng operation nila.

KE: At yun pong mga isinampa niyong kaso dito sa mga gumamit ng pondo ng PAGCOR sa nakaraang administrasyon sa hindi tamang pamamaraan?

MB: Yan ay nasa DOJ, nakapag-file na tayo ng kaso sa DOJ at yung isang kaso naman ay sa Ombudsman hinihintay na lang natin.

KE: Alright! maraming salamat Ma’am Maricar Bautista ang AVP ng PAGCOR!

MB: Maraming salamat!

KE: See you next time at Merry Christmas!

MB: Advance Merry Christmas!