Usec.
Tonisito Umali (Dept. of Education)
Kalye Escalera Interview June 5, 2012/ 8 to 9am. DZRB 738 Khz/ Radyo ng Bayan
KE: Deped Usec.
Umali, magandang umaga po! Live po kayo sa Kalye Escalera dito sa Radyo ng
Bayan ang makakausap niyo po ay si Kuya Marlo, Ate Joee G. at si Jeddah,
kumusta po ang umaga niyo?
TU:
Magandang umaga po sa inyo at mabuti naman po at kumusta naman kayo?
KE: Good
morning po! sa pangalawang araw ng pagbubukas sa public schools. Ano ang
maiuulat ng DepEd sa bayan Usec. Umali?
TU: Ito po
ay naging mapayapa at maayos si Bro. Kalihim Armin Luistro ay naglibot kasama
tayo at may nilibot tayo na ilang paaralan.
KE: Dito po
yan sa NCR?
TU: Sa NCR ang
ating mga Director sa iba’t-ibang rehiyon ay naglibot din sila. Sa kaso ni Bro.
Luistro nagkaroon po siya ng surprise visit sa Pinagbuhatan High School at
Rizal High School. Binisita niya yung Grade-7 natin doon, sa Pasig City nakita
po natin na may konting pagsisikip na nangyari ngunit kasalukuyang ginagawa ang
ating mga silid-aralan doon. Dapat tayong magpasalamat kay Mayor Eusebio ng Pasig
City at yang kakulangan sa silid-aralan ay napabilis na natugunan. Sa ating
Oplan Balik-Eskuwela command center dito sa Pasig City sa DepEd central office
ay tumanggap tayo ng mga katanungan at mga hinaing. Lumalabas na ang unang
dalawang issue na tinutugunan ay ang pagbabayad ng school fees at yan naman ay
hindi dapat ginagawa. Wala po tayong contribution meron tayo boluntaryong
contribution at may klaro tayong patakaran diyan. Pangalawang issue ay yung
paglipat ng mga mag-aaral mula pribadong paaralan patungo sa pampublikong
paaralan dahil may mga issue na hindi pinapalabas ng mga pampribadong paaralan ang
kanilang mga credentials.
KE: Eto pong
pinag-uusapan ngayon ay tungkol sa K+12 program. Ano po ang inyong naging assessments
at ano ang inyong mga reaksiyon na natanggap mula sa mga magulang, guro at mga
estudyante kung saan doon sila napailalim ngayon?
TU:
Pinag-uusapan pa lang naman natin ay yung pagpapatupad ng bagong curriculum para
Grade 1 to Grade 7. Maayos naman po patuloy yung pagbibigay natin may ilan pong
paaralan na hindi pa po nakarating doon sa nasa CD format po yun ipi-print na
lamang yung instructions at materials ng ating mga guro. Maayos naman sa unang
araw wala naman tayong nakuhang mga reklamo. Ang talagang pagsubok diyan ay
pagpasok po ng karagdagang taon.
KE: Maganda
naman ho pala hindi naman ito biglaan, kumbaga unti-unti ang iniisip kasi ng
iba ay mukhang ang tingin nila ay basta na lamang isasalapak sa kanilang mukha ang mga bagong curriculum
at bagong sistema.
TU: Tama
po kayo unti-unti po yan ngunit tulad ni
Kalihim Luistro kung meron tayong gustong gawing pagbabago. Talagang merong
simula medyo nahihirapan tayo at yun ang pinagdadaanan natin ngayon.
KE: Meron
akong tanong nung nag-aaral po kasi ako hindi naman po sa pagmamalaki na –accelerate
po ako. Ibig po bang sabihin ngayon na pinahaba na ang pag-aaral ng mga bata ay
bawal ng mag-accelerate?
TU: Meron
kaming acceleration program na pinapahintulutan ngunit medyo nire-revise po namin
yung patakaran. Dahil merong mga ulat na halimbawa yung bata napakahusay
ina-accelerate siya pero sa pagdating sa isang grade level nung sinimulan na
siyang turuan ng algebra ay doon naman siya nahirapan at di na nag-perform ng
mahusay so pinag-iisipan pa pero ang sagot po namin ay meron kaming ganyan na
mga patakaran.
KE: Ako
naman kasi nung panahon ko na ako’y na-accelerate hindi naman ako nahirapan.
Usec you’re doing a good job talaga namang kahapon ay abalang-abala kayo at napanood
ko kayo sa ilang palatuntunan sa TV.
TU: Bumisita
ako sa channel 4 iniisip ko nga sanang dumaan sa Radyo ng Bayan kaya lang ay
wala ng oras.
KE: Medyo
kinakapos na rin tayo sa oras Usec. pero sa susunod na pagkakataon ay puwede
tayong mag-face to face dito?
TU: Puwede
po i-arrange po natin magte-text dun sa staff ninyo.
KE: Maraming
salamat Usec.!
TU: Mabuhay
po kayo at salamat po sa inyong suporta sa Kagawaran ng Edukasyon.
