Chairman Francisco Duque (Civil Service Commission) Kalye Escalera Interview Jan. 28, 2013/ 8 to 9am. DZRB 738 Khz/ Radyo ng Bayan

Chairman Francisco Duque (Civil Service Commission) Kalye Escalera Interview Jan. 28, 2013/ 8 to 9am. DZRB 738 Khz/ Radyo ng Bayan

KE: Chairman Duque good morning po!

FD: Good morning Tess and Jedah at sa lahat ng inyong tagapakinig!

KE: Live po kayo sa Radyo ng Bayan dito sa738 Kalye Escalera kumusta po kayo?

FD: Eto okey naman at yung SALN ipinalilwanig natin sa ating mga kawani at opisyal ng gobyerno kung papano ang tamang pag sagot ng bagong SALN form na may kaakibat na bagong guidelines.

KE: Sino po ba yung bumuo ng bagong SALN form Chairman?

FD: Well ang bumuo nito ay dun sa technical working committee na binubuo ng office of the President, DOJ, Dept. of Finance, DILG at kasama ang kinatawan ng senado at ng House of Representative. Kasama diyan ang Civil Service Commission, Ombudsman, COA at meron tayong dalawang kinatawan ng public sector labor union. Malawakan ang representasyon ng mga napakahalagang sector ng ating gobyerno.

KE: Chairman bago po nabuo yan ng tuluyan ay talagang katakot-takot na revision ang naganap at kailan pormal na nabuo ito sir?

FD: Last week lang yung mga recommendation na inaprubahan ng commission dahil  batay sa batas ang comiision ang siyang mag-a-administer at gagawa maka-formulate ng SALN form. Last week ito, ito yung bagong SALN form at ito ay mas simple kaysa dun sa SALN form na aming inilabas noong 2012.

KE: Ibig sabihin po ba parang dalawang form po yung isusubmite tama po ba ng isang govt. employee na SALN, kasi parang meron  na rin ipa-file pati yung kanyang asawa.

FD: Oo kung ang asawa ay kawani ng gobyerno nakalagay doon to file separately or jointly. Puwedeng joint kung dalawa naman sila sa gobyerno kung gusto nilang separate puwede rin walang problema.

KE: Kailan po kaya yung magiging deadline ng pagpa-file ng SALN?

FD: April 30 para sa mga 2012 declaration.

KE: Mas madali po itong pag fill-up kumapara sa mga previous form na nabuo ng Civil Service Commission na ipinamigay sa mg empleyado.

FD: Oo ginawa nating mas simple para sa ganun ay mas madaling makapag-comply ang ating mga kawani sa hininingi ng ng batas. Alam mo naman ang SALN ang legal basis nito ay ang Act 613 or the code of conduct.

KE: Dapat po ba Chairman kumpletong-kumpleto yung mga detalye?

FD: Andun naman nakalagay pero kung maliliit na bagay ay igrupo niyo na lang halimbawa libro acquired in years etc. ganun lang.  Kung fancy jewelries naman ilalagay mo lang doon kung magkano ang halaga kung tunay na alahas ilagay mo lang di kung magkano ang halaga.

KE: Marami ho kasing nagtatanong kung bawat govt. employees daw ba ay bubusisiin ang uri ng kanilang pamumuhay lahat ng nagsu-submit ng SALN automatic na po ba yan mangyayari?

FD: Hindi naman kasi alam naman ninyo 1.4M ang empleyado ng gobyerno at imposible naman bubulatlatin mo lahat. Hahalukayin mo lahat ang SALN ng lahat na ito ay hindi ganun ang intensiyon o layunin ng batas. Importante lang dito ilagay mo patas kung may kumukuwestiyon kung may kakaiba kang lifestyle bilang halimbawa magarbo na magastos at marangya ang pagpapakita ng kanyang buhay at hindi it maipaliwanag ng kanyang suweldo diyan nagkakaroon ngayon ng kahalagahan ang SALN na dapat kaakibat nito yung pagsasagawa ng lifestyle check. Para sa mamamayan ito pati na rin sa kapwa kawani ng mga govt. employees at officials.

KE: Tama ho yan kung sakali man magkaroon ng kahirapan sa pag fill-up ng SALN form puwede po ba silang magpaturo sa kanilang tanggapan?

FD: Puwede magkakaroon nga compliance committee ang bawat tanggapan para repasuhin at siguraduhin na tamang form ba yung ginagamit. Kung tama ba yung pag fill-up ng SALN for at siguraduhin na sila ay magsu-sumite nito on or before the deadline base on our new guidelines.

KE: Kaugnay po naman sa balitang yan kasi nasusulat din sa mga pahayagan ay may huimingi rin ng tulong dito sa mga mamayan para misumbong kung sino-sino yung mga govt. officials o yung mga empleyado ng pamahalaan na magarbo o masyadong maluho ang pamumuhay?

FD: Meron tayo yung tinatawag na contact center ng bayan tumawag kayo sa 165-65 diyan meron tayong 15 call center agents na sila ang magpo-proseso ng tawag na sumbong o tanong. Itong sistemang ito ay nakatalaga na at in fact nung Setyembre ay aming ni-launch ito at inumpisahan at nagkaroon nga kami ng press conference hinggil dito sa proyekto ng Civil Service Commission kasama ang Philhealth ang DTI, National Computer Center ang DSWD at DOH. 

KE: Paano po kaya ito magiging anonymous rin puwede yung mga magsusumbong?

FD: Puwede kung gustong ibigay yung pangalan okey lang pero ang aming pakiusap pag magsusumbong sila dapat meron silang kasamang ebidensiya naman. Hindi lang yung sumbong na alegasyon lang  na wala namang batayan mahihirapan lang tayo yung pangalan ng tao pati yung kung saan siya nagtatrabaho kung ano yung transaksyon kung ano ba yung serbisyo na ginampanan o hindi ginampanan ng isang frontline service employee kung meron mang paglabag ng anti red tape act. So itong mga ito ay mga ilang halimbawa ng puwedeng isumbong sa contact center ng bayan na pinapangunahan ng Civil Service Commission.

KE: Ayan maliwanag yan Chairman Duque maraming salamat po for your time magandang umaga po!

FD: Thank You!

Chief Supt. Generoso Cerbo (Spokesperson-PNP) Kalye Escalera Interview Jan. 7, 2013/ 8 to 9am. DZRB 738 Khz/ Radyo ng Bayan

Chief Supt. Generoso Cerbo (Spokesperson-PNP) Kalye Escalera Interview Jan. 7, 2013/ 8 to 9am. DZRB 738 Khz/ Radyo ng Bayan

KE: Magandang umaga Chief Supt. Cerbo!

GC: Magandang umaga din po at sa ating mga tagapakinig!

KE: Kayo po ay live dito sa Kalye Escalera sa Radyo ng Bayan ang mga makakausap niyo po ay si Kuya Marlo, si Ate Joee at si Ms. Tea tsaka si Jedah!

GC: Magandang umaga po sa inyo!

KE: Ang una kung kukumustahin namin sa inyo ay itong nangyaring sagupaan sa masasamang grupo at mga tao natin diyan sa Atimonan Quezon. Ano po in particular ang illegal activities na kinasasangkutan nitong grupong nakasagupa ng tropa?

GC: Base sa initial na report ng regional director natin doon si Chief Supt. Melad na may nakarating sa kanila na impormasyon. Ito raw ay mga grupong tinatawag natin na private arms groups na nakasakay sa dalawang sasakyan at armado kaya ginawan nila ito  ng plano at plano sana nilang sitahin sa area ng Atimonan Quezon na nag-resulta ng isang engkwentro.

KE:  Itong saskayan nila ay Manila bound o papunta sila ng inner Quezon nung makasagupa nitong tropa?

GC: Hindi klaro sa report na na-receive ko pero yun nga na-engkwentro sa Atimonan at hindi nailagay kung saan papunta. At initially 11 ang namatay at 2 ang dinala sa hospital at later on namatay na rin kaya 13 po ang namatay at may nasugatan din on the part of the govt. troops yung nga po si Col. Marantan.

KE: Yung pong principal na pinagsisilbihan ng private armies na identify na ba o mayroon tayong lead dito?

GC: Hindi pa rin mine-mention sa report yung mga identities ng mga namatay later on siguro pagbasa ng region 4-A  ng kanilang final reporting sa insidente  baka malaman po natin.

KE: Yan po ay nangyari sa Atimonan Quezon medyo umusad muna tayo ng konti dito sa lugar malapit sa Maynila. Puntahan natin itong Kawit Cavite na kung saan ay may nangyaring hindi maganda. Ano na ho ang latest dito sa pangyayaring ito dahil yung suspek ay namatay din po?

GC: Walo po ang namatay dito kasama na yung gunman si Ronald Bae gayunpaman mayroon tayong iniimbestigahan na nagngangalang John Paul Lopez na sinasabing kasama niya nung isinagawa niya yung pamamaril. Kasalukuyan pong nasa custody siya ng ating kapulisan at sa pagkakaalam ko ay na-filan na ng kaso sa araw na ito.

KE: Sa kabila ng pagsasampa ng kaso ang mga pulis diyan sa Cavite ay determinado pa rin na imbestigahan ang malallim na naging sanhi nito?

GC:  Marami tayong inisyu na tatalakayin with respect to this incident ang naging directive ng ating Chief PNP si Police Director General Purisima at mga concern office na talagang pag-aralan ang kanilang mga procedure at paigtingin ang mga ginagawa nila kamapanya lalo na dun sa mga tumutukoy sa mga loose firearms kasama rin diyan sa paghahanap namin ng dating lisensiyado and for some reason hindi na naparehistro. Marami kaming ginagawa ngayon at pinag-aaralan para sa ikakabuti ng ating pagseserbisyo sa ating mga kababayan.

KE: Tayo ay galing ng Atimonan napunta tayo ng Kawit pasok naman tayo ngayon sa NCR. Ano po ang latest dito sa bata na yung nabagsakan ng ligaw nab ala habang siya ay nanonood ng fireworks noong New Year’s eve. Ano na po ang pinakahuling update na maibibigay ng PNP na kaugnay sa imbestigasyon sa pangyayaring ito?

GC: Ang PNP ay talagang nakatutok din dito sa kaso ni Stephanie aking natatandaan pinag-aralan ng crime laboratory lahat ng mga physical evidence na na-recover natin from the site at pati na rin yung slug na nakuhan natin kay Stephanie. Base sa pag-aaral na yan we believe na yung ating gunman ay nakatira lang within the vicinity ng neighborhood kaya dun po kami nagsisimula ngayon sa ating mga imbestigasyon. Kasalukuyan natin silang iniisa-isa para makita natin kung sila ba ay konektado dito sa case ni Stephanie.

KE: Kayo po ba ay tumututok din dito sa anggulo sa posibleng kabaro ninyo ang baril na pinagmulan ng balang tumagos dito sa ulo ng bata?

GC: Lahat ng posibilidad ay titignan natin una may listahan kami ng lahat ng may baril dito sa neighborhood at regardless kung anuman ang kanilang posisyon, katungkulan o trabaho, sibilyan man o nasa govt. service ito ay magiging kasama sa pag-iimbestigang ginagawa namin.

KE: Kasi po ang katotohahanan naman diyan ay yung ilang kasing kabaro ay yung hawak naman nila na baril ay hindi yung issued sa kanila from the PNP. Bukod sa mga yan ay may kilala rin tayo na may mga isa o dalawa na personal na baril pa at isama na rin natin sa mga tutukan.

GC: Tama ka dun bukod sa ginagawa naming pagse-selyo sac mga issued firearms sa mga pulis ganun pa rin an gaming panawagan sa ating mga kababayan. Baka may nasasaksihan sila na tungkol sa indiscriminate firing lagi naming ipinapaalala sana makipagtulungan sila sa PNP>

KE: Yung iba kasi ay nakikita pero takot baka yung nagpaputok ng baril ay  pulis na siga sa kanilang lugar at talaga maski ho saan hindi lang dito sa Pilipinas ay talagang hindi napipigilan itong pagpapatutok ng baril sa pagsalubong ng bagong taon. Lahat po niyan ay nakatutok yung kanilang baril sa himpapawid hindi po kayang pupuwedeng itutok na lang sa lupa yung baril.

GC: Kasi kahit sa anong paraan pag tinawag natin na indiscriminate firing sa lupa man o sa langit natin itutok. Meron pa ring danger na dala ito kaya hindi talaga natin mai-encourage we will never allow na magpaputok yung ating mga kababayan sa langit man o sa lupa.

KE: Pero sa tingin ko parang mas less dangerous pag sa lupa dahil yung bala diretso ng babaon sa lupa hindi na yung sasayaw pa sa himpapawid.

GC: Yan pag responsible o marunong yung babaril pero pag ipinutok mo sa lupa lalo’t may anggulo from the firer going to the area na pinapapatukan niya baka mag-ricochet din.

KE: Yung the best is huwag na lang.

GC: Yan ang pinakamainam diyan salubungin natin ng mapayapa ang bagong taon tanggalin na yung kultura sa pagpapaputok.

KE: Ano ho ba ang direktiba ni PNP Chief Purisima sa lahat ng ating kabaro na magpapaputok ng baril noong bagong taon. Ito ho ba ay tanggal serbisyo o floating lang ililipat sa Phil. Navy?

GC: Very firm ang ating guidelines kung talagang mapapatunayan na meron talagang kasalanan yang ating mga kabaro. Kung maximum penalty nga ang gusto niyang mangyari dismissal fron the service hindi lang supendido kinakailangan talagang tanggalin sa serbisyo. We have no room in the PNP para sa mga ganyang pulis.

KE: Dun sa biktima ng ligaw na bala sa pagsalubong sa bagong taon kasi iba-ibang figures yung lumalabas. Sa tala po ng PNP ilan na po ba?

GC: Yung figures natin ay 40 ang tinamaan ng stray bullets para sa taon na ito. Pero mas konti po ito sa kung ikukumpara natin last year na umabot yata sa mga 50. Ganun pa man hindi naman yung pagbaba o pagtaas ang nakikita kasi natin dito ay hanggat may problema at mga biktima ay dapat ito ay isang seryosong problema na dapat talagang tutukan.

KE: Yung nilalabas kasi ng ibang institusyon ay mas malaki pa diyan siguro may mga unreported cases din?

GC: Posible po ang naitatala naman ng PNP ay yung mga naire-report .

KE: Itong mga kabaro na iimbestigahan ninyo agree ako na totally huwag ng payagang itong ganitong klaseng pagpapaputok ng baril dito sa pagsalubong sa bagong taon. Kadalasan po ba ang ginagamit nilang bala ay supply niyo?

GC: Ang ating mga pulis ay ini-isyuhan po natin ng baril yan mey ini-isyung bala diyan on the condition na ito ay gagamitin nila sa performance ng kanilang duty yung lang po yun. Talagang ini-isyuhan natin ng bala yung ating mga pulis.

KE: Sana ay huwag nilang gagamitin sa pagpapa-putok kasi yung mga bala na yun ay may purpose. Ginagamit nila sa kanilang trabaho at hindi bilang firecrackers.

GC: Maidagdag ko na rin na regardless na ito ay inisyu o ang baril nila ay personal na pag-aari o govt. issued yung bala regardless ay bawal talagang magpa-putok sibilyan man o pulis.

KE: Napag-uusapan ngayon sa kongreso na baka amyendahan yung tungkol sa pagha-handle ng baril. Kayo po ba ay ano ang inyong paninindigan tungkol dito?

GC: Bilang law enforcement agency ang PNP naman ay always respect kung ano man ang magiging collective wisdom ng ating mga legislators when it comes to gun control. Ito po naman ay mandated kamii na mai-implement open po kami sa lahat ng posibilidad.

KE: Napapag-usapan niyo kanina ni Kuya Marlo ang inyong kabaro ay hindi exempted sa inyong imbestigasyon di po ba?

GC: Opo!

KE: Puwede po ba kayong ma-meet namin in person?

GC: Nakapagbigay na po ako ng live interview diyan sa istasyon natin diyan sa Radyo ng Bayan.

KE: Sir parang ayaw niyo na yatang umulit ha, huwag ho kayong madadala. Ok sir maraming salamat po at magandang umaga diyan sa PNP, hanggang sa susunod na mga panayam!

GC:  Maraming salamat din po sa pagkakataon at magandang umaga po sa inyo at sa ating mga tagapakinig!