Dir. James Jimenez (Education and Information Dept.-Commission on Elections) Kalye Escalera Interview July 26, 2012/ 8 to 9am. DZRB 738 Khz/ Radyo ng Bayan

Dir. James Jimenez (Education and Information Dept.-Commission on Elections) Kalye Escalera Interview July 26, 2012/ 8 to 9am. DZRB 738 Khz/ Radyo ng Bayan

KE: Director Jimenez, magandang umag po live kayo dito sa Radyo ng Bayan sa 738 Kalye Escalera!

JJ: Magandang umaga din po!

KE: Si Marlo, si Ate Joee, si Ms. Tea at si Jedah po ang inyong makakausap. Ang una ko hong uusisahin ay kung ano na ho ang binabalak ng Comelec para i-prove na talagang yung inyong mga ebidensiya laban dito kay dating Pangulong Arroyo ay malakas. At hindi ito dahilan kung bakit itong si Judge Mupas ay nagpasya kahapon na pagbigyan ang kahilingan ni Arroyo na makapag-piyansa?

JJ: Pinaka-importante po siguro ay talagang isusulong natin at bubuuin natin yung kuwento pagdating na sa main case. Isusulong natin yung mga witnesses natin at ipapaliwanag natin ang hukom na malinaw yung naganap na involvement ng dating Pangulo. Yun po yung ating talagang pinagtutuunan ng pansin maliban pa sa paghahain ng isang motion for reconsideration dun sa grant ng bail anytime today.

KE: Anytime today yan ba ay balak palang o confirmed na mangayayari mula sa oras na to nag-uusap tayo hanggang mamayang bago magsara ang mga opisina ng mga korte?

JJ: Gagawin po yun inutos na ni Chairman yun.

KE: Medyo ako po ay naguguluhan may binabanggit kayo kanina yung main case ito pong pinasiyahan ni CGMA kahapon hindi pa ba ito yung main case. At kung meron pa hong main case ilan ho itong mga sangay na kaso lamang na inyong isinulong laban sa dating Pangulo?

JJ: Ang ibig ko pong sabihin isang kaso lang ang finile natin yung electoral sabotage pero yung katatapos lamang yung pinagdesisyunan ni Judge Mupas ay para lamang sa bail petition for bail lang. Parang bahagi lang ito ng proseso hindi pa natin pinapasok yung mismong merito yung mismong sustansiya nung electoral sabotage case piyansa lang ang pinag-uusapan dito.

KE: At ang dahilan po kaya hindi pa naipapasok yung mga ibang merito ay dahil sa ibat-iba rin ang ewan ko lang kung masasabi natin delaying tactics na isinusulong ng panig ng depensa?

JJ: Definitely parte yan ng kanilang legal remedy tuwing meron silang nakikitang puwede nilang pabagalin yung proseso ay nakakatulong po sa kanila yun. Siyempre hindi natin nailalabas kaagad yung mga pruweba, mga ebidensiya na magpapatunay na si dating Pangulong Gloria talaga ay kasangkot doon sa planong electoral sabotage nung panahon na yun.

KE: Ini-expect po natin na kada move natin magpapakita tayo ng karagdagang merito ay may kabuntot din ito na pagtatangka na bawat merito ay maghahain sila ng panibagong mosyon para sa pagpipiyansa?

JJ: Dahil na nga na-aprubahan na yung piyansa ay tapos na yun kailangan nating harapin talaga at this point wala na silang choice. Kailangan na nilang depensahan lahat ng sabihin natin na sa totoo lang hindi pa naman nila nagagawa sa ngayon.

KE: Parang ayoko ng pag-usapan yang dating Pangulo na yan total nakalaya na naman siya. Ang itatanong ko naman ay kasi papalapit ang susunod na halalan, padami ng padami ang mga umeepal sa kalsada. Namo-monitor po ba ng Comelec itong pag-eepal nitong mga gustong kumandidato?

JJ: Oo naman po, makikita natin yan kahit hindi natin minomonitor kung mag-commute ka lang kita mo na kaagad.

KE: Wala bang prohibition dito sa mga taong ito na ipagdi-display ang kanilang pagmumukha karamihan ay wala namang mukha at dini-display pa?

JJ: Unfortunately sa ngayon hindi pa lahat yan ay kandidato so hindi pa natin sila sakop sa authority ng Comelec. Meron pa tayong batas at Supreme Court ruling na puwede lang natin ipagbawal yan pag kumagat na yung mismong campaign period ay next year pa po yun.

KE: Meron po kasi tayong makikita sa kalye kunyari pagbati mula kay kung sinuman man siya tapos ang pangit-pangit na niya. Feeling ko care ko kung batiin mo ako I don’t even know you?

JJ: Tama po yun at hindi kayo nag-iisa sa ganyang  pananaw minsan nakakatuwa pag nakakita ka ng panel ng mga ina-assume natin na tatakbo sa Kongreso nasa labas naman ng kanilang hurisdiksyon. Halimbawa kung ang kanilng district ay Q.C. example lang ito nakakita ka ng banner niya sa Paranaque medyo nakakairita din po. Totoo yan kami mismo dito sa Comelec hindi kami natutuwa sa mga ganyang kaganapan ang kaso lamang nakatali ang aming mga kamay dahil ayon sa batas at sa Supreme Court ay at this point legal pa ang mga ginagawa nila.

KE: This morning nagbanta po si Comelec Chairman Sixto Brillantes na siya raw po ay magre-resign kapag hindi naibalik sa Comelec yung pondong ibinawas para sa poll automation. Na-discuss niya po ba sa inyo yung kanyang plano na yun o yung sinabi kaninang umaga na yan?

JJ: Ang kanyang pananaw dito ay itong pagbabawas ng budget sa Comelec ay magreresulta sa pagbabalik sa manual election. Kasi gigipitin tayo ng katakot-takot kung ang ipapatupad natin ay isang automated election P8B lamang binigay na pera sa atin. Medyo mahirap naman yan ang concern ni Chairman baka mapilitan tayong bumalik sa manual election at sinabi niyang hindi niya papayagan.

KE: Ibig sabihin siya po ay talagang seryoso sa kanyang babala na yun?

JJ: Yes Ma’am seryoso po siya, kami sinusuportahan namin ang Chairman namin. Talaga po namang hindi tama na manumbalik pa tayo sa isang manual election dahil successful naman yung automated election natin. Ang kailangan lang natin ngayon ay mapondohan yung  ating activities.

KE: Magkano po ba yung amount na sinasabing ibinawas po?

JJ: 67% po ang aming inapply na prinopose.

KE: Kumabaga parang sinasabi nila sa inyo kung hindi kayo magma-manual di huwag na lang nating ituloy ito?

JJ: Totoo po!

KE: Parang ironic kung magma-manual ibabalik yung pondong tatanggalin?

JJ: Medyo nakakabahala lang considering na huwag nating kakalimutan na iton P24B na hiningi namin na na-slash to P8B ay hindi lamang pagtustos sa nitong halalan yung 2010 elections kundi pangtustos sa tatlong halalan. Yung national and local elections, yung ARMM regional election at yung barangay P8B for the election it may not work.

KE: Nabanggit mo yung barangay tuloy-tuloy ba ito kasi maraming nagtatanong sa amin ngayon kung tuloy ba ang barangay elections o hindi. Ang sinasabi ko na lang since na walang announcement ang Comelec na postponed yan eh di tuloy yan?

JJ: Tama po at hanggat hindi lumalabas na may pagkilos ang kongreso hanggat hindi sila nagpapasa ng batas ay nagsasabing wala ng barangay election eh tuloy po tayo as schedule po October 2013.

KE: Kasabay din halos to ng deadline sa pagpa-file ng candidacy sa national position for next year election?

JJ: Yung candidacy ay Oct. 2012, yung barangay elections Oct. 2013.

KE: Next year pa?

JJ: Yes po!

KE: Mauuna pa rin pala ang national elections?

JJ:Tama!

KE:  Alright Director James, maraming salamat po at magandang umaga sa inyo! Hanggang sa mga susunod na pagkakataon!

JJ: Salamat po!

Sec. Butch Abad (Dept. of Budget and Management) Kalye Escalera Interview July 24, 2012/ 8 to 9am. DZRB 738 Khz/ Radyo ng Bayan

Sec. Butch Abad (Dept. of Budget and Management) Kalye Escalera Interview July 24, 2012/ 8 to 9am. DZRB 738 Khz/ Radyo ng Bayan

KE: Good morning Sec. Abad?

BA: Good morning!

KE: Live ho kayo sa 738 Kalye Escalera dito sa Radyo ng Bayan, ang inyong makakausap si Marlo, si Ate Joee G. at si Tess at Jedah! Sir ngayong tapos na ang SONA ay ano na po ang mga susunod na pangyayari handa na rin po ba ang ating budget sa pagkasa ng Kongreso?

BA: Mamayang hapon amin pong isusumite sa Kongreso ang budget para sa 2013 alas-kuwatro ng hapon.

KE: At ito po ay magkano po ang nilalaman ng ating pambansang budget sa susunod na taon?

BA: P2.006-T!

KE: P2.006-T mas malaki po ito dahil sa aking pagkaka-alala ngayon po atang taon ang ating ginagastos ay hind pa umabot ng P2-T Sec. tama ba kami?

BA: Sa kauna-unahang pagkakataon sa kasaysayan ng bansa tayo na ay sumampa na sa P2-T na gastusin.

KE: Ibig sabihin ito ang highest ever na budget ng Pilipinas?

BA: Tama po yan!

KE: Kasi naman Sec. Abad given na ganung ka-bongga ang report ng Pangulo kailangang back-upan natin ng budget yung kanyang mga proyekto na susunod tama po ba?

BA: Lahat po yan may budget na yan kaya hindi magbibitiw ng salita ang ating Pangulo kung hindi niya masusuportahan ang kanyang budget. Kaya lahat ng yan ang pag-uusapan ay yung suportang budget ay nabuo na yan at ang kailangan nating gawin ngayon ay umpisahan ng ipatupad ang puwede nating gawin na. Para hindi pa man dumating sa itinakda niyang taning na panahon ay naisagawa na at napapakinabangan na ng mga taong bayan yung mga programa at mga proyekto na inilahad niya sa kanyang SONA.

KE: Itong sa sectors ano po ang biggest budget getters for 2013?

BA: Yung mga social services mga 35% ng budget ibig sabihin ito yung sector na mahihirap. makikinabang sa CCT, basic education , public health at social housing.

KE: But I can imagine mostly CCT ito Conditional Cash Transfer?

BA: Di naman ang kalakihan diyan ay basic education P292.7B ang CCT kasi is P44B.

KE: Sec. nabanggit po ng Presidente sa kanyang SONA yung tungkol sa performance bonus para sa mga empleyado ng gobyerno at sabi po niya ay ngayong taon na, plantsado na rin ba yung Sec. Abad?

BA: Ngayon taon na ibibigay ngayong Disyembre ang isasagawa ngayon na nalalabing lima o anim na buwan ng ating gobyerno sa taon. Iisa-isa hong i-evaluate ang mga ahensiya batay sa kanilang performance target at nakita niyo naman kung gaano ka-konkreto yung mga target na ibinaba ng ating Pangulo at batay dito susukatin yung magiging performance ng mga ahensiya at Ifo-force rank din yung mga empleyado

KE: May mga naco-confuse ng mga govt. employees yun daw po ba ay dating productivity bonus na natatanggap na iniba lang ng pangalan?

BA: Hindi, iba pa yun eto ay batay sa performance kasi sabi nga ng Pangulo yung next year ay aabutin ng P5,000 at this year lahat ay makakatanggap, wala hong hindi makakatanggap nun. Pero itong performance bonus ay depende sa performance kasi sabi ng Pangulo if we don’t distinguish yung mga magagaling hindi na magsisikap ng magpakagaling pa kasi pare-pareho lang naman turing. Sabi ng Pangulo dapat ay yung magagaling ay dapat nating kilalanin at bigyan ng gantimpala.

KE: Kung sa BOC pala at sa BIR ito parang yung lateral attrition na kung meron kang magandang accomplishments may bonus ka rin na mas maganda?

BA: Oo, parang ganun ang konsepto.

KE: Hanggang P35,000 yung maaring matanggap ng empleyado ano po?

BA: Ang kabuuan kasama na yung fee ay mga P40,000 on top sa natatanngap niyang Christmas bonus at cash gift.

KE: Sec. this is totally unheard of sa mga govt. employees before ang performance bonus ay natatanggap lamang ng mga empleyado ng mga pribadong kumpanya. This will definitely professionalized their ranks dito sa ating pamahalaan tama po ba?

BA: Ganun ang layunin ng incentives system na ito at sana na nga ay doon tumungo kasi taun-taon i-a-adjust po natin yan. Di lamang cash bonuses ang ibibigay pag naging matagumpay yung unang taon iniisip na magbigay din ng mga scholarships para lalo makapagsanay yung mga empleyado  dito sa Pilipinas at sa abroad.

KE: Clarification lang na maikli since performance bonus ito posible rin po ban a yung mga none performers ay makakuha ng itlog?

BA: Ganun ang mangyayari  kasi pag hindi ka umabot sa target mo at cut-off dito ay 90% of the output you committed to deliver. Pag di umabot ng 90% hindi ka makakatanggap ng bonus.

KE: Klaro yan ha?

BA: Kung umabot ka makakatanggap ka pero kung mas  magaling pa sa minimum mas mataas hanggang umabot sa maximum.

KE: Kung ang target po ng pamimigay is Dec. this year mga anong month po dapat magsimulang mag-evaluate yung mga head ng mga agencies?

BA: Mga bandang Nov. ang ginagawa ngayon ng DBM at may task force na binuo ang Pangulo kasama ang DBM, Civil Service Commission, Devt. Academy of the Phils., COA. Meron po kaming task force na noon pa man nung umpisa ng taon ay isinasaayos na yung performance standard yung sinasabi naming major output ng bawat ahensiya. At yung indicators na malaman natin na yung output na yun ay natamo at simula Nov. ay susuriin ang bawat ahensiya at bawat individual sa ahensiya.

KE: Ok good news ho yan sa lahat ng mga empleyado sa pamahalaan, maraming salamat ho impormasyon Sec. Abad!

BA: Salamat!

Dir. Edgardo Cabarios (National Telecommunications Commission) Kalye Escalera Interview July 19, 2012/ 8 to 9am. DZRB 738 Khz/ Radyo ng Bayan

Dir. Edgardo Cabarios (National Telecommunications Commission) Kalye Escalera Interview July 19, 2012/ 8 to 9am. DZRB 738 Khz/ Radyo ng Bayan

KE: Magandang umaga Dir. Cabarios sir!

EC: Magandang umaga po!

KE: Live po kayo dito ngayon sa 738 Kalye Escalera sa Radyo ng Bayan, ang makakausap niyo po ay si Marlo Dalisay at si Jedah Legaspi. Yun hong pakay ng aming pakikipag-usap sa inyo ay tungkol nga po dito sa mga naglalabasang impormasyon na itong mga load ng mga cellphones ay tatanggalan na raw po ng expiration period. Ano po ang paliwanag dito ng NTC Dir.?

EC: Nagsimula kasi yan noong nag announce ang DTI na tinatanggal nila yung expiration ng mg gift check. Meron hong nagtatanong kung puwede raw tanggalin na ang expiration ng cellphone load. So pinag-aaralan po ng Commission ngayon kung posibleng tanggalin yung expiration ng prepaid load. Kung hindi man puwedeng tanggalin bka puwede pang i-extend ngayon po yung sampung piso na dati isang araw lang ginawang tatlong araw. Yung P100 ay isang buwan at P300 ay 75 days expiration tinitignan po yan pag walang expiration baka magkaroon ng epekto sa mga tel. nos. sa cellphone nos. Kasi ang cellphone nos. ay limitado lang po tulad din yan halimbawa yung Smart ay 0918 po yan at marami pang ibang nagasisimula sa 09. Yung Globe 0917 at iba pang 09 din ang umpisa ang puwede lang i-assign diyan 0900 hanggag 0999. Kung walang expiration yan halimbawa isa tel. no. may load siyang P1 na napakaraming taon ay hindi mo pupuwedeng i-assign sa iba yun kasi meron pa rin siyang load. Kung ang isang subscribers bumili ng napakaraming sim card at may naiwang load sa napakaraming sim card at naiwang load dun ay P1. Hindi mo puwedeng i-assign ulit yung numerong yun sa darating na panahon na mauubos yung numero wala na hong makakagamit kawawa naman yun. So yun ang tinitignan natin isang anggulo na dapat na ikonsidera sa pagde-desisyon kung tatanggalin o hindi. Ang isa pa pong tinitignan doon ay epekto naman ng mga maliliit na retailer ng load. Na kung walang expiration tatagal yung turnover yung pagbalik ng bibili ay tatagal yun. Liliit ang kanilang kita hanggang sa sila ay malugi na makakaapekto yan sa buong ekonomiya ng bansa.

KE: Eto ay hindi ko alam itong isu-suggest ko sa inyo ay ikakatuwa ng mga Telcos ano? Sige tanggalin natin ang expiration date ng mga load pero tanggalin na rin natin yung mga unlimited features nila para mabilis din ang pagbalik doon?

EC: Kasi yung mga unlimited offers ay may mga segments sa merkado na gusto yung serbisyong yun. Dapat ay hindi rin sila ma-deny ng serbisyong yun at maraming variations diyan na kanilang mga promo. Ang talagang pakay nun ay para mga signipikong segment ng merkado tapos yung mga regular services nila eto yung covered ng buong expiration.

KE: Balikan ko lang yung binabanggit niyo kanina hanggat may load at hindi nag-e-expire yung buhay ng isang sim card ay hindi mai-a-assign sa iba. Mayroon ho kasing pagkakataon na may mga nakakausap kami at nagrereklamo na bagong bili nila yung sim kakalagay lang sa cellphone wala pa silang pinagsasabihan and yet may nagte-text sa kanila. Ito ho ba ay epekto ng dati pang nagma-may-ari nung sim na yun?

EC: Pag hindi pa nakuha o nare-assign yung numero dapat  hindi pa gamitin ng iba. Ngayon ang posibleng nangyari ho diyan baka naman mayroong isang tao hindi maganda yung kanyang pakay at nag-match ng numero.

KE: Ang natatanngap po kasi nung taong nakakausap ko ay yung scam messages yung mga send to many group messages?

EC: Ito po yung mga textblast na sinasabi nila.

KE Blasting!

EC: Mayroon po kasing mga tao gustong manloko ng iba yan po yung ginagawa nila nagte-textblast sila scam messages yun ho ang nagiging epekto niyan. Posible pong gawin ng walang magawa sa buhay.

KE: Epekto nga po ito ng mga posibilidad nan yung mga sim na nabili ay mayroon na dating nagma-may-ari at na-expired na lang na di maloadan?

EC: Pag nag-expired na yun puwede ng ire-assign sa iba yun para maparami rin yung  kanilang mga numero. Kasi kung hindi mauubos po yan.

KE: Ako din naka-experience na yung bagong kuha ko ng linya ay talagang ang dami ng text na nag-aalok ng condo at kung ano-ano pa. Pero ito sir may posibildad po na ma-track itong mga no. ng mga nagte-textblast at kung puwede ay mai-lock na yung sim nila.

EC: Yung sim talagang pinapa-block na namin mura kasi ang sim card sa Pilipinas kaya madaling bumili kasi wala ka namang ipepresentang mga ID over the counter puwede kang bumili. So pag blinock bibili ng bago yun ang ginagawa ng NTC kung may reklamo diyan sa scam pinapa-block po talaga yung sim.

KE: Balikan po natin yung expiration ng mga load mayroon na tayong target period nito para matantiya natin kung kailan kayo maglalabas ng inyong initial finding kung pupuwede nga talagang tanggalin  nag expiration period nito?

EC: Yung initial findings namin ay ipiprisinta sa aming Commissioner para sila ang magdesisyon kung kailan tatawag ng public consultation, public hearing. Hindi puwedeng maglabas ng rules ang Commission ng walang public consultation tinitignan natin yan perhaps sa dalawang buwan puwede na naming mai-submit sa mga Commissioners ang aming initial findings.

KE: Maximum na ho itong dalawang buwan kasi sinasabi dito ni Sen. Bong Revilla Jr. parang natatagalan na raw siya kung dalawang buwan ang aabutin nitong aksyon na ito na mula sa NTC?

EC: Titignan pa rin po kung mapapadali yung pag-aaral diyan lahat ng posibilidad gagawin namin upang mapadali yung pag-address sa isyu na ito.

KE: Ang NTC po ba ay under pa rin ba ngayon ng DoTC  yung C sa DoTC o may iba na kayong mother department?

EC: Datin po sa DoTC tapos nalipat sa CICT nung na-dissolve po ay pinalitan ng ICPO under po ng Dept. of Science and Technology. Kami po ay naiwan sa Office of the President.

KE: Panghuling isyu kasi ngayon dito sa Pilipinas ay talagang patok na patok na ang internet para ho yung mga Telcos ay makakuha ng maraming mga subscribers sa kanilang mga internet services ay pababaan na sila ng rate ngayon. Darating ho kaya na magiging libre na ang internet dito sa atin courtesy of the Govt.?

EC: Ang tanong kasi kung may nagbigay sa yo ng libre may nagbabayad na iba kasi pag may underlying cost mayroon dapat magbayad doon sa cost na yun. So yung sinasabi nating WiFi dito libre, libre yun sa mga gumagamit dun pero binabayaran po ng may-ari. Mayroon pang nagbabayad para sa isang libreng binibigay ng mga tao.

KE: Pero yung existing rate na yun makatwiran ba ito?

EC: Competitive po ang pricing nila kanya-kanya po silang mga promos ngayon at unlimited surfing etc. mga dini-displsy na mga sites yung Facebook, Twitter etc. Meron silang nga offers na mababa unlimited access sa sa mga site natin competitive po siya.

KE: At kagaya ng mga oil companies deregulated din siya o kailangan pa niyang magpaalam sa inyo o bago sila mag-adjust ng kanilang mga existing rates?

EC: Ang ginagawa po nila ay sumusulat po sila sa NTC para sabihin na ganito ang kanilng offer at sinusulatan po sila ng NTC na, sige puwede yan para makakuha sila ng permit sa DTI para mai-publish yung mga offers na yan. Ang tinitignan po ng NTC diyan pag ang presyo ay pataas ay dapat sasamahan siya ng processes at kung yan ay pababa ay hindi na, aprub  na yan kaagad.

KE: Maganda yang ginagawa niyo sana ganyan din ang DOE kung pababa aksyon agad at LTFRB at kung anu-ano pa. LTO lahat ng mga sangkot ang damdamin ng publiko.

EC: Ang kagandahan naman sa Telcos ay yung technology kasi habang tumatagal habang nag-i-improve nagmumura po kasi. Puwede silang mag-offer ng services na rate ay pareho o mas mura pa.

KE: Alright! with that maraming salamat po at pansamantala namin kayong pakakawalan. Pero sa mga susunod na pagkakataon ay muli namin kayong tatawagan para sa mga additional updates para sa ating technology dito sa Pilipinas. Maraming salamat po! at good morning!

EC: Maraming salamat po!

Atty. Emerson Carlos (MMDA-Asst. Gen. Manager for Operations) Kalye Escalera Interview July 12, 2012/ 8 to 9am. DZRB 738 Khz/ Radyo ng Bayan

Atty. Emerson Carlos (MMDA-Asst. Gen. Manager for Operations) Kalye Escalera Interview July 12, 2012/ 8 to 9am. DZRB 738 Khz/ Radyo ng Bayan

KE: Good morning Mr.Carlos!

EC: Good morning!

KE: Kasama ho ninyo dito sa Kalye Escalera sina Ms. Tea, Jedah Legaspi at ako po si Ate Joee G., Good morning sir!

EC: Good morning sa inyong lahat!

KE: Kumusta po ba ang monitoring ninyo tungkol sa pagpapatupad ninyo dito sa paggamit ng yellow lane so far? Is it easing up traffic our volume along EDSA?

EC: Ang monitoring namin ngayon yung mga buses sumusunod-sunod na sa ating yellow lane after nang meeting namin kahapon with the different bus operators.

KE: Ano po ba yung napagkasunduan kasi maraming na-confuse na mga drivers kung sila ay dapat na umakyat sa flyover. Kasi sinasabi niyo ho na dapat ang mga provincial buses lang ang dumadaan doon, but then meron ding oras pala para dun?

EC: Tama po! kasi ayon sa pina-follow natin na regulation dito sa MMDA na pinagpatibay ng mga Mayors noon pang 1998. Yellow lanes dun lang dadaan ang mga buses wala naman po kasing yellow lane dun sa flyover at sa mga tunnel. Ito ay ating inemplement strictly after a rush hour accident dito sa EDSA. Kaya nagayon kahit pano ay wala na yung mga nag-uunahan na mga bus at yung mga naaaksidenteng mga bus.

KE: Lahat po ba ng lahat ng mgs bus operators ay inyong napulong kahapon?

EC: Around siguro mga 80 city and provincial bus operators kahapon at ang hinihingi nga ng mga provincial bus operators ay kung puwede sana ay pabayaan dun sa third lane o sa kaliwa ng yellow lane para mas makaluwag daw sila ng trapaiko. At ito naman ay kino-consider ng MMDA.

KE: Kung ano pa ho yung resulta ng ginawang pagpupulong sa kabutihan po ng lahat?

EC: Ang resulta ng ginawang pagpupulong na ito ay nagkasundo yung mga operators at panig ng gobyerno, na susuportahan nila yung aming organize bus route. Wherein naco-control natin yung dispatch buses dito sa Metro Manila.

KE: So far sir ang isa pang dapat naming itanong klaro na ba sa mga isip ng mga operators and drivers kung ano talaga yung oras na puwede silang dumaan sa mga flyovers?

EC: Wala naman kasing oras dito sa ating mga yellow lane dahil yung mga city buses especially dahil dun dapat anytime of the day dun dapat sila sa mga bus lane. Dito naman sa mga provincial buses binibigyan natin sila ng window dito from 6 to 10 in the morning and 5 to 9 in the afternoon puwede silang lumabas sa yellow lane at dumaan sa mga flyovers natin pero sa tunnel pinagbabawalan natin silang dumaan dun.

KE: Yun pong pagkakapili natin ng window hours na iyan, ano po ang rational behind that?

EC: Ang rational behind that is pag rush hour from 6 to 10 in the morning, 5 to 9 sa hapon mas marami ang dispatch ng mga city buses. Sapagkat yun po yung oras na pumapasok at lumalabas na mula o galing sa opisina or eskuwelahan yung mga ating mamamayan. So i-e-ease natin yung bus lanes natin at papayagan natin yung mga provincial buses na lumabas muna dito at gamitin ang kasunod na linya.

KE: Yung kaninang unang tanong ko dun sa monitoring ninyo sabi niyo medyo sumusunod-sunod naman,  ibig sabihin may matitigas pa rin ang ulo?

EC: Actually yun nga po ang nagiging cause ng ating traffic kahit nakapila ang mga buses pag may lumabas at biglang papasok may malapit na sa split yun ang tawag namin dito nagbubuntis. Dahil yung nakabalabag na bus pasok dun sa mga yellow lanes. Kung sana ay tuloy-tuloy lang na nakapila sila ay wala sana hinto ang mga buses natin.

KE: Sir nasa inyo na po yung pagkakataon na manawagan sa mga kinauukulan tungkol dun sa programa na yan?

EC: Nanawagan po kami sa ating mga bus drivers na talaga nating pinapatupad itong yellow lanes natin ngayon at sana ay makipag-cooperate po kayo.  Gaya ng aming ibang programa katulad ng ating motorcycle lane at yung pinapatupad dapat ng DOLE na fix salary and performance base compensation para sa mga drivers.

KE: Thank you so much Sir Emerson!

EC: Thank you din po!

Sec. Sonny Coloma (Presidential Communications Operations Office) Kalye Escalera Interview July 10, 2012/ 8 to 9am. DZRB 738 Khz/ Radyo ng Bayan

Sec. Sonny Coloma (Presidential Communications Operations Office) Kalye Escalera Interview July 10, 2012/ 8 to 9am. DZRB 738 Khz/ Radyo ng Bayan

KE: Si PCOO Sec. Sonny Coloma live kayo dito sa 738 Kalye Escalera Marlo Dalisay at si Ms. Tea po ang inyong makakausap?

SC: Magandang umaga naman sa inyo Marlo at Tess at sa inyong mga tagapakinig!

KE: Siguro ang una naming kukumustahin kung ang paghahanda sa State of The Nation Address ng Pangulong P-Noy ay ang ating pag-uusapan. From 1 to 10 nasa pang-ilang hakbang na ho kayo?

SC: Siguro po ay lagpas na sa kalahati dahil inumpisahan na yan nung nakaraang buwan at patuloy naman yung pagtanggap ng mga inputs. Mula sa iba’t-ibang kagawaran at ibang ahensiya ng ating pamahalaan.

KE: Kasi Sec. dati sa mga nakaraang SONA hindi naman ho particular dito sa dalawang SONA na naisagawa na ni Pangulong P-Noy. Yung mga  Sona ng mga nakaraang Presidente pa napapansin namin na kung ano yung malaking inilaan o departamento yun din po ang malaking nababanggit sa SONA. Ito hong ating SONA ngayon ay parang maihahalintulad din doon sa aking nabanggit?

SC: Tama yung inyong naiisip kasi yung ating pananalapi ngayon yung pagbu-budget ng pananalapi ng bansa, ay naayon sa mga pangunahing layunin ng ating Phil. Devt. plan. Yung gastusin nakaakma yun sa prayoridad ng administrasyon.

KE: Natatantiya na ho ba natin ngayon kung gaano magiging o ilang minuto ang  magiging pagsasalita ng Pangulong Noynoy?

SC: Ang Pangulo natin kasi ay hjndi mahilig magtalumpati ng matagal, maari yung kanyang mga karaniwang talumpati ay under 10 mins. po yun. Pero dun sa mga nakaraang SONA niya ay kung hindi ako nagkakamali ay lampas ng konti sa 50 mins. medyo mahaba lang dahil nga sa mga applause titigil habang hinihintay sa pagtigil din ng applause para sa kanya. Yun po ang pamantayan at nais ko ring ipunto na dalawa pong ulat ang hinahanda. Yung isa ay talumpati yung isa ay may technical report o nakalimbag na ulat na masa kumprehensibo at naglalayon na bigyan ng pangkalahatang pananaw ang mga mambabatas  doon sa buong nailatag.  Na naisagawang programa ng pamahalaan na batid natin na ang Kongreso ang naglalaan ng salapi. Tama lang na taun-taon ay nagbibigay ng ulat ehekutibo sa pangunguna ng Pangulo kung paano ginastos yung mga pananalapi at kung paano ipinatupad ang programa ng gobyerno. Kaya yung isasaad ng Pangulo sa kanyang talumpati highlights yun kung mas malawak at komprehensibong report na nalaimbag ay isusubmit din sa Kongreso.

KE: Parang ngayon lang mangyayari sapagkat ang nakukuha lang natin dati ay ang mga reporters na nagco-cover ng SONA yung mismong speech at wala na hong libro. Ang iniisip ko ho kasi parang yung inyong dine-describe ay parang makapal na libro ho ito?

SC: Hindi naman ganung kakapal at noon pa kasing may dalawmpung taon na ata yun sapagkat ako po ay dating naglingkod sa Presidential management staff. Naalala ko po yung huling SONA ni Pangulong Corazon Aquino ganyan  dalawang report yan. Yung isa ay binigkas na talumpati at yung isa ay yung nakalimbag na ulat. At sa aking pagkakaalam ginawa rini to ng mga sumunod na administrasyon para nga magkaroon ng kumpletong ulat sa mga ginawa although ang focus natin ay dun sa mga pahayagan at sa Media ay yung binigkas na talumpati.

KE: Yun pong mga nagkukumpara sa sinabi ni Pangulong Aquino sa kanyang nagdaang SONA. Ang ilan po sa sinasabi nila ay may ilang isyu ho na hindi pa naaksyunan tulad ng isyung kape sa PAGCOR, ano po yung masasabi niyo tungkol dito Sec.?

SC: Meron na akong natunghayang updates tungkol diyan na may hinandang kaso na isasampa laban sa sangkot diyan. Dun sa pahayagan ng Inquirer sa araw na ito nabasa ko sa online edition hindi po totoong walang aksiyon. At yung binanggit mo dapat din maunawaan din sa context yung kape yung istorya niyan ay bahagi ng mas making larawan ng korapsyon at kawalan ng mahusay na pamamahala o good governance. Sa isang importanteng tema nga ating Pangulo kung maalala natin yung unang SONA niya ay doon talaga nilatag yung konsepto ng matuwid na daan. Sa pangalawa naman yung konsepto na walang wang-wang na di dapat ginagamit ang kapangyarihan para mang-abuso o para mapairal ang mga bulok na sistema.

KE: Okey Sec. Coloma hindi na ho namin kukuninyung marami sa inyong oras. Ano na lamang ho ang inyong mensahe o pahayag tungkol sa mga kababayan natin ngayon na sasabayan ng kilos protesta ang susunod na SONA ng Pangulo?

SC: Malaya naman silang makakapaghayag ng kanilang saloobin at nais nga pong malaman ng ating Pangulo ang saloobin ng mga mamayan. Ngunit sa kabila niyan umaasa pa rin kami na magkakaroon ng mahinahong talakayan para usisain ang mga mahalagang usapin ta kung paano natin maihahatid ang atiing bansa sa mas maunlad na kinabukasan.

KE: Alright Sec. with that maraming salamat at habang papalapit yung SONA ni P-Noy kami po ay madalas makikipag-ugnayan sa inyong tanggapan!

SC: Maraming salamat Marlo at Ms.Tea!