Ms. Fe Dela Cruz (Dir. Corporate Affairs Office-BSP) Kalye Escalera Interview Dec. 01, 2011/ 8 to 9am. DZRB 738 Khz/ Radyo ng Bayan

Ms. Fe Dela Cruz (Dir. Corporate Affairs Office-BSP) Kalye Escalera Interview Dec. 01, 2011/ 8 to 9am. DZRB 738 Khz/ Radyo ng Bayan

KE: Good morning Ma’am Fe!

FDC: Magandang umaga sa inyo at sa inyong mga tagapakinig!

KE: Kasama niyo po si Marlo Dalisay, Jedah Legazpi at si Ate Joee G! Kayo po ay bisita ngayon sa 739 Kalye Escalera dito sa Radyo ng Bayan.

FDC: Magandang umaga sa Kalye Escalera!

KE: Since po ang text ngayon ay hindi na piso, 80centavos na  lang magmi-mint po ba kayo ng 80centavo coins?

FDC: Alam mo ang maganda sa bagong technology meron na tayong tinatawag na electronic money, puwede yung mga suklian puwedeng sa cellphone na lang o sa credit card.

KE: Parang hindi naman ako papayag niyan Ms. Fe na hindi ko hawak yung pera ko?

FDC: Dun naman sa gusto na talagang hawak naman nila yung kanilang pera kaya ang Bangko Sentral ay tuloy-tuloy po ang paggawa. Habang nire-retire natin yung mga luma gumagawa po tayo ng bago at ang barya ay hindi po dapat magkaroon ng shortage. We have 19 billion pcs. lahat –lahat na yan ng denominations.

KE: Ni-release ng Bangko Sentral?

FDC: Yun ang nagci-circulate na barya ngayon sa buong Pilipinas ang halaga niyan ay mahigit P17 billion.

KE: Bakit 19 billion dahil ho may maliliit na denominations?

FDC: May mga malalaki, maliliit ang talagang hirap sa circulation yung mga maliliit itong mga bente-singko.

KE: Bakit po?

FDC: Kasi yung ating mga kababayan ang tingin nila dahil maliit ang halaga isasantabi, itatago kakalimutan. Kung laging nangyayari yun sa bawat Pilipino talagang nauubusan ng supply doon sa labas. Kaya ngakaroon nga ng programa itong mga empleyado ng Bangko Sentral yung mga estudyante at mga Kabayanihan Foundation sa pamumuno ni Alex Lacson na magkaroon ng attempt na magkaroon ng pinakamahabang linya ng barya. To create awareness na ang barya ay mahalaga lalo na kapag pinagsama-sama.

KE: Ang latest record po ba na pinakamahabang pila ng mga barya all the way sa alkansiya ay gaano po kahaba ilang kilometro?

FDC: 64.8km ito ay ginawa sa Kansas sa America yun po ang record.

KE: 25 cents din po ba yung gamit nila dun?

FDC: Ang alam ko pennies yung mga 1 cents ang ginawa naman natin 25 centavos. Masasabi naman natin itong proyekto na ganito ay lahat ay panalo kasi binigyan natin ng rason para ang mga kababayan natin ay ilabas at i-donate yung kanilang 25 centavos. Nakakataba ng puso na makita yung libu-libong mga estudyante, pulis, taga AFP yung mga may pamilya kasama ang mga bata, empleyado ng Bangko Sentral. At nag-umpisa kasi nito officers club ng Bangko Sentral sa pamumuno ni Dr. Greg Suarez ng aming medical clinic. Hindi po initiative ng Bangko Sentral as BSP kundi initiative ng mga empleyado namin. Bilang pagtulong sa pag-create sa awareness ng mga kababayan natin na dapat ginagamit natin tuloy-tuloy ang mga barya. Dahil sabi nga po natin na karapatan ng bawat mamimili na makatanggap ng eksaktong panukli yun po yung ginagawa natin. Ang ganda po nito pag natapos na  i-validate para sa Guinness book of records itong ating ginagawa ngayon. Yung mga baryang yun papalitan ng mga retail outlets dahil kailngan po nila yun sa kanilng panukli at yung papalitan naman po na pera gagamitin natin para magpatayo ng mga classrooms para sa mga public schools. Panalo pong lahat dito at nkita po natin at coincidental sa mga Pilipino ang patutulungan bayanihan spirit. Kahapon po kaya maganda holiday bilang pag-commemorate sa hero nating sa Andres Bonifacio. Nakakalungkot kasi karamihan ng mga tao yun lang ang alam kay Andres Bonifacio. Si Andres Bonifacio ang sabi nga po ng isa sa kanyang mga descendants siya po ay middle class na Pilipino na nag-aral, matalino na nagbibigay ng kanyang paglilingkod sa bayan. Sabi nga nila kung makikita mo yung mga monumento para siyang mukhang farmer na may itak. Pero ang sabi nga kahapon nagkaroon ng launching doon sa The Fort sa Bonifacio City na pinupunit naman yung cedula. Hindi naman sa itinatatwa yun hindi lamang yun ang kabuuan ni Andres Bonifacio marami po siyang kasulatan, marami po siyang tula na nagawa. ito rin po ang nag-inspire sa iba nating kababayan na sumama sa Katipunan para sa isang revolution. Lahat ng mga bayani ay may kanya-kanyang kontribusyon sa nation building at yun po yung para kay Andres Bonifacio.

KE: At kay Andres Bonifacio takot sa kanya yung mga taga LRTA? Kasi hanggat siya ay nasa monumento walang LRT papuntang Valenzuela hinaharang niya.

FDC: Ang sabi nga ay siya yung simbolo ng tuloy na pakikibaka para sa pag-aayos ng kalidad ng pamumuhay ng mga Pilipino. Isa siyang modelo kumbaga siya ang laging nagpapaalala sa atin na hindi pa tapos ang laban pero sana sama-sama tayo.

KE: May tanong din ako kay Gat Andres Bonifacio totoo bang ang favorite color niya ay pula?

FDC: Siguro nga kasi ang pula ay associated with courage, bravery at  kaya napakahalaga ng kulay na pula sa ating bandila. Yung red for bravery and courage sabi nga dun sa atin National Anthem ang mamatay ng dahil sa iyo.

KE: Balikan natin itong the power of small change, nagsimula siya sa ganap na alas-nuwebe ng umaga noong Nov. 30 hanggang kailan ito?

FDC: Nakakatuwa kasi hanggang alas-dose ng  gabi, ngayong umaga mga alas-siyete palang ng umaga nandun na sa grandstand ang presidente ang BSP officers club si Dr. Greg Suarez. Binabantayn nila yung mga coins at nagdidikit na ulit kaya yung iba nating kababayan na gustong magdagdag ng bente-singko para convincing ang ating world record. Puwede niyong dalhin na diresto doon sa grandstand nandun po sila sa Quirino Grandstand.

KE: Saan po ba puwedeng magpapalit ng apat na bente-singko kasi ang hawak ko dito tig-pipiso. Bakit Ma’am  naubos naman ang tigbe-bente singko saan naman ako magpapalit ng tigpi-piso?

FDC: Yan ang ating puwedeng tulong nating gawin kasi kailangan sa Guinness records isang set lang of coins hindi puwedeng magkakaiba para madaling sukatin imu-multiply na lang. Ang gagawin ngayong araw na to ng Guinness book ay susukatin isa-isa bawat linya na nakadikit na mga barya. So para talagang pag nagawa nila yun tsaka lang sila mag-i-issue ng official certification na na-beat natin ang record. Pero dagdagan pa po natin yung barya natin para mas convincing at mas marami po tayong eskuwelahan na mapapatayo.

KE: Punta tayo mamaya dun masarap mag-ipon ng bente singko.

FDC: Ang sarap ng pakiramdam na magdidikit ng bente-singko pagkatapos ilalatag mo and maging bahagi po kayo ng ating world record. Napakaganda po ng interview ng isang volunteer sabi niya hindi po ba kayo napapagod kanina pa kayong umaga alam mo ang sabi niya, okey lang po basta no.1 po ang ating bansa. So yun po ang isipin natin na makakatulong ito sa mga retail outlets na mgabigay ng eksaktong sukli sa ating mga mamimili hindi po nagkakainitan ng ulo, hindi po sila magbibigay ng kendi eksaktong panukli . Makikita po niyo dun nakalatag ang napakaraming milyong-milyong piraso ng bente-singko na pinagpaguran ng halos mahigit apat na libong estudyante ang tumulong kahapon at mahigit isang libong empleyado ng Bangko Sentral kasama ang mga pamilya yun pong presidente ng BSP employee association na si Raul Montero. Napakaganda po nga bayanihan yung mga pulis si Mayor Lim ang AFP at pamilyang namamasyal kahapon sila po yungb everyday folks na tinatawag. Bayanihan po ang nangyari kahapon at magpapatuloy po ngayong araw makapagbigay po ng certicate  na na-beat natin ang record ng Guinness. Magpasalamat po tayo sa mga suporta na tulad po ninyona nagbibigay ng pansin sa ating barya na mahalaga lalo na pag pinagsama-sama.

KE: Maraming salamat po Ma’am Fe at bago po kayo magtapos mayroon na po bang Christmas lighting sa  Bangko Sentral ?

FDC: Ipagmamalaki po natin yan punta po kayo sa harapan ng Bangko Sentral ngayon pong araw na ito ang official switch-on. Napakaganda po taun-taon po yan kasama po yan sa tradisyon na sa Bangko Sentral si Gov. Amando Tetangco ang mamumuno po ng pag switch-on. Ang ating tema po ngayon ay Pistang pinoy.

KE: Aba maganda yan!

FDC: Napakasaya po, dalawa pong building ang merong ilaw yun po yung tinatawag naming multi-storey bldg. na napakataas nandun po yung ating wish na magkaroon ng kasaganaan.

KE: Maraming salamat po!

FDC: Salamat at magandang umaga po sa inyo at sa ating mga tagapakinig!

Chairman Margie Juico (PCSO) Kalye Escalera Interview Nov. 29, 2011/ 8 to 9am. DZRB 738 Khz/ Radyo ng Bayan

Chairman Margie Juico (PCSO) Kalye Escalera Interview Nov. 29, 2011/ 8 to 9am. DZRB 738 Khz/ Radyo ng Bayan

KE: Good morning po Ma’am!

MJ: Good morning!

KE: Tama po ba Chairman na may no. 27 dun sa tumama kagabi?

MJ: Alam mo wala pa yung report  sa akin.

KE: Kumpirmado na po yan na dalawa talaga ang tumama?

MJ: Ahead pa kayo sa akin.

KE: Kagabi po nagbantay na ako dahil akala ko ako ang tatama eh hindi ang layo.

MJ: Anyway kung sino man ang mga nanalo nun, I hope na gagamitin nila sa tama. At magiging masaya yung kanilang pamasko itong darating ng pasko. At sana ay ibahagi nila sa akala nilang talagang nangangailangan na mapartehan itong gracia na ibinigay sa kanila ng Panginoon.

KE: Tama yan Ma’am, itatanong ko rin obviously hindi pa nga natin alam kung dalawa ang kumpirmadong tumama, obviously hindi pa nila kinkubra ang kanilng winnings?

MJ: Meron silang isang taon para makubra yung mga winnings nila kung halimbawa last night yung draw. So 1 year from yesterday yun ang puwede nilang palugit sa kanila para i-claim yung kanilang premyo. Pero sana sa lalong madaling panahon kubrahin na nila kaagad, nag-iisip pa kami na sana umakyat hanggang P300M man lang o P200M pero talaga siya yung pinagpala ng Panginoon para mapasa kanya ang premyong ito. Kasi malaking amount na rin yan kumpara sa isang tao at mabuti na lang at merong isang kahati dito.

KE: Chairman ito ho bang nanalo na ito na malalaking jackpot yung tatlong milyong pataas yan ho ba ay mino-monitor din ng PCSO after maibigay yung premyo sa kanila. Ang kung mino-monitor po kung ano ang inyong naging findings sa karamihan ng mga nanalo?

MJ: OO, kasi ang obligasyon ng PCSO ibigay lang yung premyo dun sa mananalo  hindi na namin obligasyon kung paano gagamitin yun. At kung ano ang mangyayari sa buhay nila pagkatapos nilang makuha ang kanilang premyo. So ang aming obligasyon lang yung ipre-present  yung winning ticket at dapat bayaran namin oramismo na i-present yung ticket at tsaka after vinalidate yung ticket dapat ginagawa na yung tseke para sa kanila. Maganda sana kung merong halimbawa ang media group iche-check kung ano ang nangyari sa kanila, yung identities nila di rin pinapaalam. Depende rin yun meron iba halimbawa tinanong gusto pa-interview yung iba ayaw nila.

KE: Ang isa lang po nanalo ng lotto na natatandaan ko na naglakas ng loob na lumutang ay yung dating newspaperman na ngayon ay kolumnista na rin si Ruther Batuigas. Talagang pag tinatanong siya kung talagang tumama siya, tumama talaga siya.

MJ: Mabuti at sweepstakes naman yun, Mayor Lim nanalo din.

KE: Ma’am Margie ngayong nakuha na po yung jackpot na P134M sa grand lotto babalik po sa magkanong amount na ngayon?

MJ: Babalik na naman siya sa P30M yung 6/55 hanggang sa umabot na sa sales na para kikita ang PCSO it will stay at P30M. Ngayon pag umabot ng kung ano man yung sales na hinahabol aakyat na yun sa dami ng tumataya, aakyat na yun hanggang sa kagaya kagabi umakyat ng P134M.

KE: Ma’am itatanong ko lang natatandaan ko na meron kayong planong massive restructuring reorganization, how is that coming along Ma’am?

MJ: Yung kasama nung restructuring yung streamlining kahapon nag-meeting ulit yung board para sa final touches nung rationalization plan. Tapos yung end of May last year nag-submit na kami ng mga nag-request ng mga early retirement siguro numbering to 200 kaso nasa DBM pa. Siguro inaaral nila yun ng mabuti kung aaprubahan o hindi pero iniisip of the 200 na nag-aaply ng early retirement yung less than 2 years mare-recover na ng PCSO yung babayaran sa early retirement sa mga nag-apply. So when we got those out of the way mababawasan yung aming mga no. of employees aayusin namin yun. After the early retirement papasok na man yung rationalization  yung bawat position at bawat qualification ng tao ay sususriing mabuti para yung karapat-dapat dun sa position na yun ang mailalagay doon sa position na yun. Sa maraming nakakalam itong PCSO kagaya rin siguro ng Pagcor ay nagiging parang puntahan ng mga political accommodation. Sa ngayon na dumating kami nakita naming ang daming mga casual, contractual masyadong maraming low level na employees na ang kulang na kulang yung nasa itaas yung mga talagang qualified yung leadership position. So ngayon isinasaayos namin lahat ng mga puwesto kung what is required for each position, anong qualification yung dapat kaalaman sa position na yun para makakuha ng efficient, effective. At siyempre yung benefit sa PCSO ay maayos kagaya ngayon ang daming nasusuwelduhan na parang over compensated at overstaffed.

KE: Pero Ma’am mukhang diyan pa rin sila magpapasko since wala pang maibigay na aksiyon?

MJ: Wala pa kaming approval pero ang sinabi namin siguro up to the end of the year yung mga casual at contractual. Na sinabi ng nga boss nila na hindi naman sila masyadong kailangan or meron pang ibang taong makakagawa ng trabaho nila.

KE: Salamat po Chairman, magandang umaga po sa inyo!

MJ: Sige, good morning po!

Ms. Noemi Recio (Director Traffic Engineering-MMDA) Kalye Escalera Interview Nov. 24, 2011/ 8 to 9am. DZRB 738 Khz/ Radyo ng Bayan

Ms. Noemi Recio (Director Traffic Engineering-MMDA) Kalye Escalera Interview Nov. 24, 2011/ 8 to 9am. DZRB 738 Khz/ Radyo ng Bayan

KE: Good morning Ma’am!

NR: Good morning po!

KE: Ma’am Noemi ang tanong namin, we are all anticipating the heavy traffic laws associated the holidays  meron po kayong balak tell us about this, tell us about the Christmas lanes?

NR: Ang MMDA ay nagre-ready na for the Christmas season na aming tinatawag na Chrsitmas lane. Eto po yung mga alternate roads ng EDSA going from Makati area. Kung galing ka ng North papunta ka ng Makati ay hindi ka na dadaan ng EDSA  may mga inilalagay po kaming informative signs para yung mga driver ay hindi maligaw. Ituturo niya kung saan didiretso, kakanan o kakaliwa kung saan ka patungo on going yung installation namin ng mga signage sa ngayon.

KE: Yung Christmas lane po ba yan na bubuksan sa month of December na base sa inyong balak, ito po ba ay walang pagkakaiba sa itinalaga last year?

NR: Yes ma’am, actually yung ginawa namin nung isang taon ay may konti lang kaming dinagdag na original road last year. Yung mga signage namin nung isang taon parang temporary lang kumbaga hindi masyadong durable ang mga materyales. Kasi rush kami last year so ngayon nilalagyan na namin ng permanent sign. Kumabaga kahit hindi siya Christmas season imbes na ma-traffic sa EDSA o sa C5 magagamit ito ng ating mga kababayan.

KE: Napansin ko last year isa sa mga Christmas signage nila ay yung green kaso nag lang po parang napansin namin di ba may kaliitan siya, ngayon po ba may kaibahan o parang espesyal na ilalagay kayo para mas madaling mapansin ng mga motorista?

NR: Ngayon medyo madaling makita kasi reflector na yung sticker namin mababasa na ng motorista. Nung isang taon kasi pintura lang yung ginamit namin this time sticker ng 3M stickers.

KE: Klaklaruhin ko lang pag sinabi mong Christmas lane ang iniisip talaga natin lane. Ang intindi ko po sa inyong paliwanag ngayon hindi siya lalagyan ng espesyal na linya, kung hindi para siyang bagong ruta?

NR: Actually alternate road kumbaga ito yung mga secondary roads natin na hindi masyadong nagagamit ng mga kababayan natin. Kasi yung iba hindi nila alam na from North puwede kang pumunta sa Makati na doon ka dadaan sa mga secondary roads not EDSA. Nakipag-coordinate po tayo sa DPWH para gawin nila yung mga pavement na hindi maganda kasi kalimitan may mga lubak  and gagawin nila yung mga kalasada na identified as a Christmas lane ng MMDA .

KE: Ito po bang Christmas lane na ito pinapatupad po ba ito pag talagang pasko, pag tag-araw ang tawag mo dito summer lane?

NR: Hindi naman tinawag lang namin Christmas lane yan but actually kahit anong araw sa loob ng taon basta ma-traffic puwede itong gamitin ng ating mga kababayan.

KE: Ma’am pag yun lane niyo papunta ng Pasay at Pasig eh di Valentines lane yun, dapat po siguro magalagay kayo ng lane na for all season di ba?

NR: Christmas or Mabuhay lanes yan yung tinawag ni Chairman last year.

KE: Ma’am yun pong Christmas lane na yan para dun po sa mga bago sa mga lugar na yan saan-saan po ba matatagpuan ?

NR: Actually kung galing ka sa North nasa EDSA ka puwede kang kumanan sa may Mother Ignacia papuntang Panay diretso ka ng E.Rodriguez. May plano kami sa office nakalagay dun kung anong nakalagay na ruta kung saan papunta tapos lalagyan namin ng mga signs para susundan na lang yung nasa sign para makarating siya ng Makati and from Makati makakarating siya sa North.

KE: Yung pinag-uusapan po natin ngayon yung mga Christmas lanes pero yung mga reklamo ngayon  ng may mga sasakyan at pampublikong sasakyan. Yun pong mga hukay-hukay sa kalsada meron po ba kayong gagawin diyan?

NR: Yearly merong moratorium ang MMDA on all road works and road diggings. Probably by Dec. 15 mag-i-issue si Chairman ng moratorium order para lahat ng hukay ay ihinto muna hanggang sa makatapos ang kapaskuhan.

KE: Sa Dec. 15 pa po yun?

NR: Usually Dec. 15 yun pero tinignan namin sa kalendaryo namin maybe Dec. 12.

KE: Mas mauuna po yung Christmas lane?

NR: Wala pa kaming schedule pero as of now ay ongoing yung paglalagay namin ng mga signs and yung DPWH inaayos yung mga pavement. Pagkatapos nun yung mga illegal parking kailangan nating linisin yung mga alternate roads natin para ma-utilize ng maayos yung kalsada.

KE: Kung Dec. 15 yung pagpapalabas ng moratorium yung sa mga paghuhukay na yan nangunguhulugan na dapat habaan pa ng motorista yung patience nila?

NR: Actually kasi yung mga hukay na yan ay sa tubig yan ay sa Mania Water at Maynilad kaya hindi rin nating puwedeng pigilan na huwag silang maglagay ng pipe kasi service naman sa tubig yan. Kaya nga ang nangyayari parati kaming nagpapa-meeting sa Manila Water at Maynilad pinag-uusapan namin kung ano ba ang dapat gawin para hindi naman masyadong malaki ang epekto sa traffic.

KE: Halos araw-araw daw po may hinuhukay?

NR: Idagdag pa po natin mga reblocking na ginagawa ng DPWH  tuwing weekend  para naman tuwing weekdays walang nagre-reblock. Yung reblocking kasi kailangang palitan yung mga pavement kung mapapansin niyo may mga badly damage na pavement sa ating mga national roads.

KE: Ma’am on another note nakita ko po yung special title niyo na MMDA Director?

NR: Actually ako po ay Director ng Traffic and Engineering Center ng MMDA.

KE: Ma’am napapag-usapan po natin ang Christmas lanes medyo lumihis po muna tayo. Ako po kasi shoppingera kung saan mura may mga tiangge, ito po bang MMDA magkakaroon po ba ng clearing operation pagdating sa mga sidewalk vendor ngayong kapaskuhan?

NR: As far sa I know diretso kami sa pagcle-clear nung mga sidewalk namin pero hindi kasi under ng office ko yun. So an alam ko lang meron kaming sidewalk clearing operation group.Yung mga kalsada kasi natin limitado na ang capacity kumbaga parami na ng parami yung sasakyan natin yung road network natin din naman nadadagdagan at hindi naman tayo nakakapaglatag ng kalsada kasi restricted na yung mga areas so talagang nagkakaroon tayo ng problema.

KE: Ma’am bago namin kayo pakawalan nasa inyo po yung pagkakataon ngayon para manawagan at umapela doon sa mga motoristang medyo naha-high blood at umiinit ang ulo dahil dun sa mga hukay at iba pang programang inilulunsad ngayon.

NR: Nanawagan ako sa ating mga kababayan na konting pasensiya lang yung mga ginagawa namang mga kalsda ay para sa atin din. Kasi kung hindi natin ima-maintain ang ating mga kalsada ay parang roller coaster tayo  parang baku-bako yung kalsada natin at talagang kailangang i-maintain. So kapag ginawa yan natural maaabala tayo sa traffic same dun sa mga pipe ng Maynilad at Manila Water hindi naman natin sila papayagan para magbaon ng mga tubo, ayusin yung mga leak mamomroblema naman tayo sa supply ng tubig. So pasensiya lang sa ating mga kababayan para sa atin di naman yung ginagawa.

KE: Traffic Management ang hawak niyo Ma’am?

NR: Traffic Engineering po!

KE: Thank you Ma’am!

NR: Okey!

Spokesperson Raul Hernandez (DFA) Kalye Escalera Interview Nov. 9, 2011/ 8 to 9am. DZRB 738 Khz/ Radyo ng Bayan

Spokesperson Raul Hernandez (DFA) Kalye Escalera Interview Nov. 9, 2011/ 8 to 9am. DZRB 738 Khz/ Radyo ng Bayan

KE: Spokesman Raul Hernadez good morning po! Kayo po ay nandito sa 738 Kalye Escalera sa Radyo ng Bayan. Ang inyo pong makakausap ay si Marlo Dalisay at tsaka si Ms.Tea.

RH: Good morning Marlo and Ms.Tea!

KE: Ano ho ang latest dito sa balitang hindi gaanong kagandahan dito sa mga nangyari sa mga Pinoy dito sa Saudi?

RH: Last Nov. 6 nag-report sa atin ang Konsulado sa Jeddah at ang sabi nila the day before ay yung bus carrying 65 Filipinos na pilgrims. Doon sa Mecca met an accident yung driver ata attempted to overtake yung car in front of them pero nawalan ng espasyo kaya naaksidente kay ng turn turtle yung bus. Karamihan sa kanila ay nasugatan pero slight injuries lang, there were 5 na critical yung injuries ang 3 of them are send to the ICU and has an operation a surgery.

KE: Eto hong oras na nangyari yung aksidente yung mga Pinoy pilgrims ay papunta pa lamang dun sa kanilang ritual o sila ay nanggaling na dun sa kanilang ritual?

RH: Ang understanding po ay papunta palang sa Mount Arafat from Mina this is in that area dun nangyari yung aksidente. Actually yung Mount Arafat is one of the site na kailangan bisitahin ng mga pilgrims during this time of the year.

KE: May mga names na ho ba tayo nung mga victims or pupuwede po nating sabahin dahil ito nga ay mga pilgrims, ito po ay majority ay galing po sa Mindanao?

RH: These are Filipino Muslim wala pa ho tayong mga pangalan na binigay ang atin consular doon. Ang nangyari onsite yung ating  Phil. Hadj team ay kaagad nag-responde at pumunta sila doon. Kasama na rin yung Phil. Consulate Gen. ng Jeddah sumuporta rin sila their medical team and they brought the Filipinos to a nearby hospital.

KE: Sir Raul tama po ba yung unang napaulat na out of 65 lima po yung nasa kritikal na kondisyon ngayon?

RH: Ang report sa amin  ng Phil. Consulate is may critical injuries yung lima at tatlo doon ay dinala sa ICU at isa ay nagkaroon ng surgery.

KE: Ito pong aksidente na ito ay naganap bago isagawa o bago sila tumungo doon sa exact location, Doon po sa panahon ng pagtitipon meron po bang naitalang mga injuries din?

RH: Wala tayong report na ganun, so far yung injuries o insidente na nangyari ay limited to this accident.

KE: Kasi ang nakakatawag ng pansin ay taon-taon na lang ata ay meron hong nasasaktan diyan sa kaganapan na yan hindi po ba?

RH: Thank God wala pang nangyayaring ganun at sana walang mangyaring ganun at manatiling successful yung pilgrimage ng ating mga kababayan doon.

KE: So far ano na po yung assistance na napro-provide ng DFA?

RH: Ang assistance is through our Phil. Consulate sa Jeddah they are monitoring the Filipinos who were injured. Yung iba naman ay slight injuries lang at titignan po nila kung ana ang dapat gawin. Kung halimbawang i-repatriate yung mga critically wounded now or after yung magamot sila.

KE: At ang DFA po ba ang sasagot ng lahat ng expenses?

RH: Titignan natin kasi meron tayong Hadj committee I think this is being supervised by the Muslim Affairs which is under the office of the President. So titignan natin kuna ano ang magagawa ng gobyerno para sa kanila.

KE: Alright Sir Raul marami pong salamat sa oras patuloy po kaming makikipag-ugnayan sa inyo Sir?

RH: Thank you very much po at mabuhay po kayo!

KE: Mabuhay rin po kayo at magandang umaga!

Asec. Salvador Salacup (Dept. of Agriculture) Kalye Escalera Interview Nov. 03, 2011/ 8 to 9am. DZRB 738 Khz/ Radyo ng Bayan

Asec. Salvador Salacup (Dept. of Agriculture) Kalye Escalera Interview Nov. 03, 2011/ 8 to 9am. DZRB 738 Khz/ Radyo ng Bayan

KE: Magandang umaga po Asec. Salacup!

SS: Magandang umaga at napapakinggan ko ang inyong talakayan!

KE: Si Ate Joee, si Kuya Marlo at Ms. Tea!

SS: Magandang umaga at tama po ba naririnig ko yung bawal tayong magtrabaho?

KE: Sa 41 nations na binabanggit ho ng ating director na si Jedah Legaspi. Pero bago ho tayo magpunta roon ay tanungin ko ho muna sa inyo kasi nung isang araw ko pang gustong tanungin ito. Nung bago ho bang mag-undas ay tumaas ang bentahan ng kalabasa?

SS: Ang gulay ho after Quiel at Pedring ay talaga hong sumipa ang presyo ng gulay kasama na po yung kalabasa. Not necessarily because of the Halloween.

KE: So wala talagang tradition dito sa atin na gumagamit ng kalabasa kasi sa America pumpkin ang tawag diyan, na talagang nakikita natin na ginagamit nila?

SS: Ang nabalitaan ko sa DTI medyo ang marami ang nabili ay yung candy yung pangbigay sa mga bata sa trick or treat. Pero yun pong kalabasa hindi namin nabalitaan yun but generally tumaas ho yun. Good news ho this week ay nagno-normalized na po ang ating supply ng kagulayan. Mache-check niyo ho yan sa kapalengkehan.

KE: Mula sa patatas hanggang sa kangkong.

SS: Tama po yan dati ay nasa P100 pataas ang per kilo right after the two typhoons ngayon nagra-range na lang ng P60-P70 per kilo. This is basically 2nd semester prices ng ating vegetables o that is the good news.

KE: Asec. Salacup nagbigay po ng panawagan ang DTI si Usec. Zeny Maglaya na yan na nga simulan na ang pamimili sa Noche Buena. Ano po ba ang magiging trend talagang po bang tataas ang presyo ng manok at baboy?

SS: Sa martes po, holiday na naman sa lunes, sa martes nagpatawag po ng pulong si Sec. Alcala sa ating magma-manok at magba-baboy. Isasama na ang market administrator at mga biyahero and other stakeholders nitong ating agricultural commodities. In preparation for the Christmas holiday alam naman po natin ang paboritong hinahain ng ating mamamayan lalo na sa kapaskuhan ay una itong karneng baboy. 2nd ay karneng manok kaya nga po sila ang mga priority sa martes para i-assure ang ating publiko na meron tayong sapat na supply. Traditionally talagang nagkakaroon ng increase in demand dito po sa dalawang commodities na ito. Private sectors anticipate also kaya ia-assure ng mga stakeholders natin on Tuesday kung anong supply levels this particular week up to the buildup dito po sa Christmas period natin.

KE: Asec. kung meron tayong sapat na supply pero patuloy pa rin sila sa pagtataas sa presyo nito. Halimbawa yung halaga ng manok mapapanagot po kaya sila?

SS: Ganito po yan kasama po sa pagpupulong ay pag-uusapan kung kinakailangan magkaroon ng suggested reference price hindi ho kami sa agricultural commodities, hindi ho kami nagfi-fixed ng prices. Kasi nga po very variable ang agricultural commodity iba-iba ang inputs ang ginagamit diyan, hindi kagaya ng manufactured goods. Like for example sardinas computed kaagad yung presyo ng delata yung presyo ng pang-sahog sa loob nun nako-compute nila yan. Pero sa agricultural commodity pag fresh product po yan price bond ang pinag-uusapan namin diyan. And historically naman po we only did this during the period nung bagyong Ondoy tandaan po natin na sinalanta din ng bagyong Ondoy ang mga broiler and piggeries dito sa Region 3, 2, 1, 4-A. Kaya nga po during the Christmas period of 2009 nagkaroon kami ng reference price bond. Pag-uusapan po namin yan if there is a need na kailangang i-monitor naming mabuti at displinahin ang mga stakeholders kaya nga po aalamin namin ang current supply levels during the first two weeks of Nov. until the build up for the Christmas period starting Dec. 1 to the 2nd week of January 2012. Yun po ang major topics na pag-uusapan namin dito sa pagpupulong sa Nov. 8.

KE: Bukod po dun sa mga meat products meron pa kayong particular na produkto na binabantayan ngayon Asec.?

SS: Actually after the two typhoons ang tinignan naming mabuti ay yung gulay sa reported area this morning na slowly nagno-normalize supply levels. Ang fish naman po right after the Christmas holidays ang tendency ng Filipino consumer ay mag-shift sa isda after all those fatty foods nagshi-shift naman po sa fish. So right after Christmas ang binabantayan naman namin ay ang fish sa supply natin. But fortunately there were very minimal damages to our fishpond and fishpen in Pangasinan, Tarlac, Pampanga at agad-agad naman po ang Bureau of Fisheries and Aquatic Resources ay nagbigay ng suporta sa ating mga fisher folks para agad na maka-recover sila sa kanilang production. Particularly doon sa fishpond lalo na ang tilapia, bangus as reflected in our market monitoring this morning very stable naman ang supply at price levels na-maintain naman po ang price level ng tilapia, bangus doon po sa normal price levels natin.

KE: Pero marami hong mga nagrereklamo ngayon Asec. yung mga gumagawa ng feeds kung bakit hirap na hirap silang maghanap ng supply ng mais. Gayun ang ani naman nitong huling anihan ay mas mataas ng kung hindi ako nagkakamali 37% kumpara sa ani nung nakaraang taon sa kaparehong panahon?

SS: Okey tama po yan nire-review nga ho ng ating corn program ang ating performance for the last quarter of this year. Tama po yung statement ninyo na for the first 3 quarters of 2011 we out performed  the production levels of palay and corn. At unfortunately ito pong nangyaring Quiel at Pedring ina-asses po naming mabuti kung ano pa  yung mare-recover doon sa medyo na-damage ng dalawang bagyong ito. And yes we received informal communication from the Phil. Assn. of Feed Millers whose President is Dr. Norman Ramos. Yan nga po our corn program Dir.  si Asst. Secretary De Luna is already reviewing the capacity ng ating production area particularly dito po sa Mindanao. Kasi nga po ang isa naming inoobserbahan mabuti tama ho yun medyo may kataasan po yung mais.

KE: Ang nirereklamo po Asec. ay yung mga negosyante ng mais diyan sa Cagayan province?

SS: Kaya nga po ganito ang sitwasyon there are also corn supplier from Mindanao so we are encouraging and I Know Asec. De Luna is communicating with all those traders ang biyaheros to bring in the supply to the Batangas port. Yun ho yung mga kailangang i-asses nating mabuti kasi nga po ayaw di naman naming payagan na dumating itong mais na ito na hinihingi ng mga feed millers in fact it’s not only the feed millers who questioned this also the hog producers. And I understand some chicken producers na magpasok sila on a certain zero tariff level pero ang gusto naming ipahiwatig dito sa mga nagre-request pag-usapan natin kailan ang arrival. Pag pinayagan namin yan at dumating po yung shipment na yan during the harvest perios ay kawawa naman po ang ating mga magsasaka ayaw nating mapunta sa ganung sitwasyon. Kaya ina-asses ng mabuti ni Ed De Luna kung saan pa ang possible sources and the forth coming harvest n gating mga corn farmers. Kasama po yan sa decision making and hopefully 1st or 2nd week of Nov. meron na ho kaming final decision whether to accommodate that or to encourage purchasing from our local supplier.

KE: Wala bang hoarding na nangyayari?

SS: I don’t know with Asec. De Luna kasama ho yan sa investigation na ginagawa nila. Kasi nga ho we have to flush out in the market alam ho natin may magsasamantala ho diyan. Kasi nga po normal buying day nasa P12.50 mataas na  po ang P13.00 per kilo but the past 2 weeks  P15.50 nga daw po lumalabas ang bentahn ng mais.

KE: Kung may nagho-hoard ho siguro ay sampolan na ho natin kasuhan na agad sapagkat naituturing yan na pagsabotahe sa ekonomiya.

SS: Economic sabotage po yan, magandang suggestion po yan. I will report this to Asec. De Luna I’m sure it’s part of his strategic planning na talagang mailabas ang karapat-dapat na supply ng ating mais. And proper review and evaluation of forthcoming harvest it’s very very important. We don’t want a situation na bumagsak ang prices to the sacrifice of our corn producers.

KE: Tungkol naman sa bigas dun ako natatakot, alam niyo naman very Pinoy kailangan may sinaing?

SS: Alam po natin yan in a report of Adminsitrator Lito Banayo NFA Administrator to Sec. Alcala up to this week level we have around 72 days buffer stocks. And of that 72 ang sa NFA po diyan ay nasa 37 days. So available po ang ating bigas bagamat may konting damage po sa Region 2 and 3 stiil we are very safe to have that basic stable of ours available to the end of the year. At sa commercial level naman balanse ng 37 days ay available naman yan sa ating mga commercial millers. Our review of the prices for the past 2 weeks tama naman po yung stability ng supply natin na nandiyan po ang price levels from P28 to P31 eto po yung pinakamurang commercial rice variety. And it’s been that price level since the past year kaya nga po very confident ang ating NFA administrator na available po ang ating basic stable na bigas. Ngayon I’m sure Joee na itatanong mo paano po next year ganito po yan ina-asses po namin together with our Usec. for Operation yung planted rice production area natin. Kasi po Mindanao is already ready be harvesting the middle of Nov. and parts of Dec. and of course sa nangyaring damage sa Region 2 and 3 meron na po tayong support mechanism  for the provision for feeds and other inputs such as fertilizer, for our farmers to recover immediately doon sa mga nasalanta ng bagyong Quiel at Pedring. Ngayon po ina-asses po namin standing crops and projected harvesting to give us a picture of how much we will be sorting from abroad for the coming 2012. It is the fact that we will be importing the amount or the volume ay ia-asses po ngayong Nov.

KE: Importation is inevitable?

SS: It is part of our plan the very-very reduce level as compared to the previous years. In fact ang vision here is by the end of 2013 we should not be importing rice for the following year which is 2014. Maraming self sufficiency target is for rice particularly is by the end of 2013. So 2012 talaga naman pong nakaplano meron pa rin po tayong aangkatin. But is what to exact volume malalaman ho siguro natin by the first week of Dec.

KE: Magandang assurance yan na kahit papano stable pa naman ang supply bigas although may importation tayong konti for 2012?

SS: Hindi ho naman namin inalis na talagang kailangang mag-import for this year we imported 860,000 metric ton a big difference from the previous years umabot pa nga po ng  2 million metric ton. So this year 860,000 metric ton and of course as we fully assess the damage of Quiel and Pedring then we will announce the volumes for 2012 importation.

KE: Asec. ano naman ang gusto niyong pang Noche Buena?

SS: Traditionalist po ako, I would like native foods. I would like to encourage our listeners and our citizens tangkilikin po natin ang produktong Pilipino yung native suman, puto at lalo na yung pag new year kailangang may bilog sa hapag kainan. We are encouraging local and native fruit huwag po yung imported mas gusto ho natin ang ihanda natin ay produktong itinanim at inani ng magsasakang Pilipino. Lalo na sa kapaskuhan and as we celebrate the welcoming of the new year kailangang tangkilikin natin ang produktong Pilipino.

KE: Asec. thank you po!

SS: Anytime at it was a privilege, nagpapasalamat po kami na naco-communicate namin ang mga programa at mga latest updates dito po sa Dept. of Agriculture thru your program, magandang umaga po sa inyong lahat!

KE: Thank you so much!