Asec.
Tonisto Umali (DepEd) Kalye Escalera Interview May 30, 2013/ 8 to 9am. DZRB 738
Khz/ Radyo ng Bayan
KE: Magandang umaga po Asec. Umali live po kayo
dito sa 738 Kalye Escalera sa Radyo ng Bayan po!
TU:
Magandang umaga po sa inyo at sa lahat po ng nakikinig at taga-subaybay ng
inyong programa!
KE: Si Marlo, si Ms. Tea at si Jedah po ang
inyong makakausap. Ito pong 23.8M na students na babalik sa eskuwelahan sa
lunes kami ay medyo nag-iisip lang dito kung nabilang niyo rin kung ilang ho ba
ang bilang dito ng mga repeater?
TU: Hindi po
actually meron kaming data para diyan hindi pa natin maibibigay ngayon dahil
hindi pa po ito nava-validate.
KE: So ito
pong 23.8M ito ay kinabibilangan ng elementary at high school ano po?
TU: Tama po
yun pati public at private yung numero na inaasahan natin.
KE: Yung mga
papasok sa lunes ano ho ba ang kanilang dapat gawin sa unang araw ng pasukan?
TU: Ang sabi
ng ating kalihim Armind Luistro dapat ay magsimula kaagad ang klase dahil po
yung preparasyon ay dapat nagawa na. Dito sa nakaraang linggo ay nag-brigada
eskuwela dapat ay nakapag-palista ang lahat at meron tayong early registration.
Enero pa lamang dun sa hindi nakakapag-enroll ay atin pong tatanggapin naman at
tatanungin lamang sila kung ano ang naging dahilan kung bakit hindi nila
nasunod yung early enrollment .
KE: Medyo
naisip ko lang yung pagbubukas ay natapat at yung panahon po natin ay Hunyo
hanggang Oktubre ay talagang dinadayo tayo ng matitinding sama ng panahon.
Meron na ho bang mas maayos na koordinasyon ngayon ang DepEd dito sa iba’t-ibang
mga lokal govt. units para po sa pag sususpinde ng klase kung sakali man yung
sama ng panahon na ating naranasan nung nakaraang panahon ay mauulit ngayon?
TU: Ang may authorization
na magdekalara ng walang pasok ay ang pamahalaang loka na ngayon hindi na ang
DepEd. May koordinasyon po tayo sa school division na offices umiikot po yan at
ang mga punong guro ay nakikipag-ugnayan sa opisyal ng barangay para
malaman kung may pagbaha maski wala
dahil maaring idekalara ang klase na kanselado kung hindi magiging ligtas ang mag-aaral meron tayong
koordinasyon ngunit ito ay gagawin ng pamahalaang lokal.
KE: Hindi na
nila kailangang magpaalam pa sa DepEd?
TU: Hindi na
kailangan.
KE: Papano
naman yung make-up classes nito halimbawa kung sino naman ho ang mag-determine
ng make-up classes kung halimbawang tumagal nga yung hindi magandang sitwasyon
dito sa mga lugar na nasasakupan ng LGU na nagsabing na wala munang pasok dahil
nga sa sama ng panahon.
TU: Sa ating
mga punong guro, division officers pagka nakita nila talaga na sumobra na ang
dami ng nakakanselang araw maaring magdeklara ng make-up classes.
KE:
Sila-sila ang mag-uusap dun sa local govt. units na sasakop sa kanila?
TU: Wala
pong kinalaman ang local govt. units sa pagdedesisyon kung magkakaroon ng
make-up classes yung DepEd po lamang . Ang punong-guro ang school division
offices at maari rin yung regional director.
Ngunit ang mungkahi ay mula po sa ating punong-guro .
KE: Balikan
po naman natin asec. itong mga usapin na financial na obligasyon ng mga
magulang o dito sa mga nag-papaaral sa mga elementary at high school sa mga
public schools. Mero ho bang talagang bayaran o talagang zero ngayon ang
obligasyon ng ating mga nagpapa-aral kung sila ay sa public schools pinapaaral?
TU: Wala
pong dapat bayaran ang ating mga magulang ngunit ang batas natin ay
nagpapahintulot ng boluntaryong kontribusyon at yun ang aming sanang pakiusap
sa ating mga magulang . Tandaan po natin ito ay bulontaryo at hindi naman ito
ginagawa ng DepEd dahil gusto itong gawin ng DepEd. Halimbawa sa boluntaryon
kontribusyon sa boy scout fees at girl scout fees kung ayaw ng mga magulang na
sumali ang kanilang mga anak kung ayaw magbigay ng kontribusyon wala pong problema.
KE: Problema
po baka ibagsak at may asignatura pong related diyan?
TU: Wala
pong problema ang importante po ay maunawaan talaga pag mayroon pong
magpupumilit na ito ay sapilitan ang gagawin lang naman ay panawagan namin na
ipagbigay alam sa amin ganun lang po kasimple yun. Kailangang maunawaan po
natin ito hindi ho siguro nating masabi dahil hindi natin nababantayan araw-araw
lahat ng ating paaralan. Ngunit ang mahalaga unawaan ng magulang na ito po ay
boluntaryo kung may nagpaparinig sila ay pinaparusahan itawag po sa 636-16-63
puwede mag-text sa 0919- 456- 00-27 unti-unti na po nating talagang nadidiinan
na ito sa lahat ng ating paaralan. Alam
niyo po ang sitwasyon na yan noong araw pa po yan marahil maari po nating
sabihin na hindi lamang ito naipapatupad dahil sa kautusan ng ating kalihim.
KE: Kasi ang
iniisip ko naman dito ay kung yung mga kontribusyon related dito sa boy scouts
at girl scouts. Aminin man natin o hindi talagang kinakailangan din nila ng
pondo para umusad kung anuman yung mithiin nila hindi rin ho ba maapektuhan
kung sakaling sabihin natin na voluntary lang yung contribution?
TU: Ganun po
talaga nauunawaan ko yung sinabi niyo kailangan lang limikom ng pondo hindi
naman nila puwedeng obligahin yung mga mag-aaral. Alam po ninyo may mga mag-aaral
na nais po lang sumali ng boy scouts at
singkuwenta pesos po lang ang donasyon diyan halimbawa. Marami po tayong
magulang na magbigay nun yun po ay
nangyayari. Ngunit kung sasabihin po nating sapilitan itong gagawin may problem
tayo doon.
KE: Itong
mga natutunan dito sa pagbo- boy scouts para na rin nating natutunan sa loob ng
eskuwelahan hindi kaya pupuwedeng kumbaga yung boy scout at girl scout i-separate
na lang natin sa paaralan
TU: Maganda
mungkahi yan pag-aaralan natin yan kung ano po yung limitasyon o itinakda ng
batas kasi meron tayong batas sinusunod diyan.
KE: Yung boy
scouts maganda hong mungkahi yan may kagandahang asal tama ho ba?
TU: Tama po
yan.
KE: So dapat
walang binabayaran kung boluntaryo walang pilitan ano pa po ang ipinaalala ng
DepEd dito sa ating magulang at mag-aaral na babalik sa lunes.
TU: Tulad ng
aming sinabi uulitin namin na wala po silang dapat bayaran wala pong sapilitang
kontribusyon na puwedeng i-obliga ng ating mga paaralan mula grades 1 to 4
whether voluntary or not bawal pong mangolekta grades 5 hanggang high school po
yan. Tayo po ay nanawagan sa lahat ng ating kababayan sana ay suportahan niyo
ang kagawaran dahil po dito ay inaasahan natin na tayo ay magtatagumpay na
magbigay ne edukasyon para sa ating mga anak.
KE: Yung mga
repeater po na maabutan ngayon na may additional 2 years dahil sa K2 to 12 program nakarating po sa amin ang ilan sa
kanila parang tinatamad ng pumasok bagkus ay kanila na lamang hihintayin yung
Alternative Learning System o yung examination na pag sila ay nakapasa ang
equivalent nun ay sila ay nakapasa ng high school. Ano po ang masasabi niyo
tungkol diyan?
TU: Ang
gagawin po lamang natin ay pagpapaliwanag kung talaga pong naabutan po sila ay
para sa amin po ay mas nakakabuti para sa kanila para dun sa hindi nakaabot.
Dahil nga po tinatama natin yung ating sistema ng edukasyon kabalikataran ng
iniisip ng iba kung natutuwa at hindi naabutan para po sa DepEd kung sila po ay
dadaan sa labing-dalawang taon at kindergarten o labin-tatlong taon ng basic
education pabor sa kanila yun lalo na sa pampublikong paaralan. Alam po ba
nating lahat na maski wala pa pong K2 to 12 ang DepEd dun po sa may kayang
makapag-aral sila po ay nagbabayad ng labindalawang taon ng edukasyon. Yung may
mga kaya nagbabayad po yan nursery pa lamang kinder 1, kinder 2 tatlong taon.
Yung mga may kaya nagbabayad po ng pitong taon ng edukasyon kasi alam nila na
mas magiging handa ang kanilang anak sampung taon na po yun apat na taon sa
high school that’s 14 years. Ngayon po ang Pangulong Noynoy Aquino yan po ang
kanyang sinabi bago po siya maupo nais niyang ipantay ang oportunidad na maari
pong ibigay sa ating mga anak sa pampublikong paaaraln po pupunta. Kung hindi
dahil sa ating pangulong Noynoy Aquino o kalihim Bro. Armind Luistro ito pong
walang kakayanang pumasok sa pampribadong paaralan ay sampung taon po lamang ang
kanilang pagdadaanan. Hindi po sila dapat matuwa kung hindi sila nakaabot dito
sa K2 to 12 pag sila ay naabutan dapat po silang mas maging masaya dahil
matatanggap po nila yung reporma na ating pinapatupad sa ating K2 to 12 basic
education.
KE: Sana
lalong dumami yung masaya kaysa dun sa mas nalungkot. Pero Asec. magkakaroon po
ba ng bago dun sa mga exam na ipinagkakaloob po niyo para dun sa mga gustong
halimbawa hindi nakatapos ng high school tapos pag nakakuha ng exam na yun may
ibibigay po bang diploma ang DepEd?
TU: Ang
tawag po diyan ay equivalency exam po namin kung maari po yun hindi po nag-aral
ng pormal kung sila po ay kumukuha ng some form of informal education maari po
silang kumuha ng equivalency exam at mapatunayang halimbawa na maski sial ay
sobra na sa edad at hindi pumasok sa formal na edukasyon at maipasa ang exam
para mapakita nila na sila ay may kaalaman katumbas ng grade 6 makukuha nila
yun at parang gumadruate na rin po sila.
KE:
Magkakaroon po ba ng changes dun sa ibinibigay na klase ng examination?
TU:
Magkakaroon dahil mababago po ang curriculum ngunit kung may pagbabago man ay
YAN po ay hindi mahihirapan ang ating mga anak. Dahil yan po ay unti-unting
maipapatupad ang K2 to 12 sa ngayon yung curriculum ay pinapatupad natin sa
grades 1 to 7 at 8 at sa susunod na taon po naman ay sa grades 3 and 9 hanggang
sa dumating tayo sa unang grupo grades 11 to 12 ay mangayayri sa taong 2016
hanggang 2018.
KE: Para naman dun sa mga mag-aaral na medyo
natatakot pumasok sapagkat siguro biktima sila ng bullying sa eskuwelahan meron
po ba kayong mensahe sa kanila?
TU: Meron po tayong child protection policy na
tinatawag na inilabas ng ating kalihim nung nakaraang taon. Dito po tinatakda
kung ano ang polisiya natin na ukol sa bullying klaro po na dapat parusahan
yung kinokonsiderang bullying kung ano ang dapat gawin ng ating mga magulang at
yan po ang ating kagandahan ng pagpapalabas ng ating kalihim ng patakarang ito.
KE:
Napapagusapan kanina yung pagpasok sa mga pribadong paaralan parang recently
may expansion yung program ng DepEd para sa mga pagbibigay ng subsidy dito sa
mga estudyanteng magiging qualified na makatanggap ng parng P10K kada grantee
para naman NCR at P6.5K para sa mga nasa
probinsiya. Ano po kaya ang mga qualifications para naman yung isang
estudyante ay para maka-avail?
TU: Govt.
assistance to students and teachers in private education ang tawag diyan
kailangan po lamang nilang dumulog sa ating pampribadong paaraalan at alamin
kung sila ay accredited schools ng DepEd. At basically yung kanilang mga kita
ng kanilang pamilya ay tignan na may kakayanan silang mag-paaral sana sa
pribadong paaralan. Ngunit kung hindi po sila ay matutulungan ililipat nila ang
kanilang anak sa pampublikong paaralan. Halimbawa po ang tuition ng isang pampribadong
paaralan ay P15K sa NCR. Kung may kakayanan silang magbayad na extra na P5K
maari po silang maging kuwalipikado dito. Ngunit kung sila naman po ay malaki
ang kinikita hindi sila magkaka-qualified sa programa pong ito . May mga
profile po ang mga estudyante ginagawa po yan ng ating paaralan.
KE: With
that kami ay magpapasalamat na para sa inyong pagbibigay ng oras sa amin ngayong
araw Asec. Umali at hanggang sa mga susunod na pagkakataon po magandang umaga po
sa inyo!
TU: Isa pong
magandang karangalan at marami pong salamat mabuhay po kayong lahat!
KE: Salamat
po!