Sec. Dinky Soliman (DSWD) Kalye Escalera Interview Sept. 29, 2011 / 8 to 9am. 738 Khz DZRB (Radyo ng Bayan)

Sec. Dinky Soliman (DSWD) Kalye Escalera Interview Sept. 29, 2011 / 8 to 9am. 738 Khz DZRB (Radyo ng Bayan)

KE: Sec. Soliman, good morning po! live kayo sa DZRB ang Radyo ng Bayan, Marlo Dalisay at Jedah Legaspi ang iyong makakausap.

DS: Magandang umaga naman sa yo Marlo , Jedah at sa inyong mga tagapakinig!

KE: Ano po ang latest na pumapasok na mga impormasyon sa ating kagawaran tungkol po naman dito. Kasi taga DA ang kausap naman kanina ang itatanong namin sa inyo dito ay tungkol dito sa mga kababayan nating nangangailangan po ng kagyat na tulong sa pamahalaan?

DS: Ito po ba yung mga nasalanta ng bagyo?

KE: Oho kay Pedring po!

DS: So magmula nung nagsimula ang ating pagtulong sa mga nasalanta at nakaugnay po kami sa National Disaster Risk Reduction and Management Council at sa lahat ng probinsiya na naapektuhan yung Provincial Disaster Risk Reduction Management Council. Sa simula ng bagyo 466 evacuation center na natayo as of 11:00 ng gabi ay ang nakatayo na lang po ay 386, pinakamarami ang nakatayo pa ay sa Albay. Sa region 5 ang Albay ay wala na pong evacuation center sa Camarines Sur ay meron pa hong 20.

KE: Pag sinabi hong wala yung mga nakatira dati diyan nakikisilong ay bumalik na sa mga bahay nila.

DS: Opo! pag sinabing wala nang evacuation center bumalik na sila sa kani-kanilang mga lugar at wala na pong nakatayong evacuation center. Sa Albay sinarado na yung 41, Camarines Sur meron pa ring 20 out 40, Catanduanes wala na rin nakasara na at ganun din sa Camarines Norte. Sa region 3 ang medyo marami pa out of 147 nakatayo pa po lahat yun, meron po tayong dalawa sa Aurora, 43 sa Nueva Ecija, 5 sa Zambales, 88 sa Bulacan at 9 sa Pampanga. Sa region 2 naman 14 pa po, 10 sa Isabela, 1 sa Nueva Vizcaya, 1 sa Cagayan. Sa region 1 ay meron pa pong 39, 20 sa La Union, 18 sa Pangasinan, 1 sa Ilocos Sur at sa NCR po ay 112 naitayo at hanggang ngayon ay 112 pa rin po ang nakatayo, 20 sa Marikina, 8 sa Manila, 5 sa Pasig , 4 sa Paranaque, 4 sa Pasay, 13 sa Navotas, 5 sa Calooocan, 2 sa Pateros, 17 sa Malabon, 9 sa Quezon City, 3 sa Muntinlupa, 22 sa Valenzuela. Sa 4A po ay meron pa rin tayong 51.

KE: Ito po yung Calabarzon?

DS: Ito po yung Calabarzon kasama din po diyan ang Rizal at nandiyan po sa Montalban 14, sa Quezon sinarado na po, sa Batangas 6 at sa 4B Occidental Mindoro meron pa rin tayong 3 at CAR  Benguet, Baguio, Kalinga ay nag-uwian na po ang mga kababayan natin.

KE: Sec. total nabanggit niyo po yung mga nasalanta o yung mga nangangailangan po ng tulong. Bibigyan ko po sana kayo ng pagkakataon sa ngayon po maraming kritiko bumabatikos sa pagbibigay po ng pamahalaan ng ayuda sa Japan sa tsunami. Lilinawin po natin sa DSWD meron po tayong sapat na pondo para masuportahan dito po sa nasalanta sa ating lugar po naman?

DS: Ang aming budget para sa quick response fund ay P660M at ang nagagastos po namin ay 50% palang niyan. So may mahigit kumulang P300M ho tayo sa ngayon naka-stand by fund tayo ng P62,335,461 sa NCR , 1, 2, 3, 4A, 4B, 5 para ho sa darating pang sakuna kung sakaling dumating  yung bagyong Quiel. Pero ang mahalaga ho ay tuloy-tuloy naman po yung ating pagtulong at hindi naman po tayo nawawalan ng pondo sa ngayon. Kaya’t ang nakikita ko nga ho ay hindi naman ho natin dapat pagdamutan yung ating mga kasama o mga kaibigan sa Japan na malaking tulong ang ibinigay matagal na. Kung meron pong mga lugar na sa tingin niyo ay nagkukulang o hindi po nabibigyan ng atensiyon ipagbigay alam lang po ninyo sa pamamagitan ng Radyo ng Bayan o kaya ng ibat-ibang regional offices. Sapagkat ang tulong po na pumapasok para sa mga nasalanta ng bagyo ay dinadaan po yan sa ating mga lokal na pamahalaan sila po yung pangunahing kumikilos sa pamamagitan ng Municipal Disaster Risk Reduction Management Council. Kung meron pong lugar na sa tingin ninyo kulang ipagbigay alam niyo lang sa amin para ng sa ganun para madagdagan o mabigyan ng tulong yung local na pamahalaan na namamahala sa inyong lugar.

KE: Alright Sec. marami pa ho sana kaming mga detalye na gustong hingiin sa inyo kaya lang hind na ho aabot ang ating oras. Siguro po sa mga susunod na pagtatanghal ay muli namin kayong kakauganayin para sa mga updates pa rin dito sa ating pog-monitor sa mga lagay ng ating mga kababayan sa panahon ng kalamidad.

DS: Handa po kaming mag-update, maraming salamat sa pagkakataon magpaliwanag magandang umaga po sa ating lahat!

KE: Magandang umaga din po sa inyo!

Usec. Salvador Salacup (Dept. Of Agriculture) Kalye Escalera Interview Sept. 29, 2011 / 8 to 9am. 738 Khz DZRB (Radyo ng Bayan)

Usec. Salvador Salacup (Dept. Of Agriculture) Kalye Escalera Interview Sept. 29, 2011 / 8 to 9am. 738 Khz DZRB (Radyo ng Bayan)

KE: Secretary, good morning!

SS: Good morning Marlo and Jedah!

KE: Ano ho ang inyong pinakahuling data na nakalap o pumasok sa inyong tanggapan kaugnay po dito sa naging resulta ng paghagupit sa atin ni Pedring?

SS: Kahapon nag-report si Sec. Alcala sa Senado yung budget hearing at ang initial figure po namin ay nasa P729M initial damage report from regions 2, 3 at Cordillera at majority po nito ay ang ating palayan kaya bina-validate nating mabuti ito. Yun namang P729M partial report at meron nama pong ibang areas na nasalanta ng makaka-recover yung kanilang mga pananim at of course may mga palayan naman na hindi makaka-recover. Yun nga po ang binibigyan namin ng emphasis yung mga magsasakang apektado hindi agad-agad makaka-recover ay aayaduhan ng national ang local govt. units para maka-recover po agad.

KE: Usec. nabanggit niyo kanina na initial report palang po ito, ganun may tendency na mas mataas at yan naman sana ay mas mababa ang bilang ng nasirang pananim?

SS: Yung sinabi kung initial it either go in both ways iva-validate pa kung sino yung makaka-recover. Usually yung kararaang bagyong Onyok nasa P1B pero nung nag-subside na yung water system nag-normalize na ay bumagsak lang ho P600M dahil nga may ibang palayan na naka-recover nakatindig ulit. Yung iba naman nasa planting stages naman ay madaling makaka-recover yan kaya nga ho that is how we define an initial partial report.

KE: Ito pong word na recover ito po yung nangangahulugang yung mga nakatanim na puwede ng anihin pero inabot ng bagyo ay mapapakinanbangan pa rin eventually?

SS: Puwede pa rin ho yan kasi may mga drying facilities na naipamahagi ang Dept. Of Agriculture at sa National Food Authority. Mabuti nga po yung advance warning signals natin ay nabibigyan ng immediate communication sa ating mga magsasaka na kung puwede na nilang anihin ay anihin na nila. Para hindi madapa at lalong malugmok sa mga baha and meron naman yung mga planting stage palang yung ibang pananim na madaling maka-recover.

KE: Hindi ho ma-anong problema yun kasi uulitin lang yung paglilipat tanim o pagsasaboy ng binhi?

SS: Ang ginagawa ni Sec. Alcala alam naman natin ngayon na magsasaka po ang ating kalihim agad-agad i-drain yung medyon nabahang lugar. Thru the help of the DPWH malilinis ang ating irrigation system, canals ay madaling makaka-recover po ang ating mga nasalantang magsasaka.

KE: Meron ho ba kayong mga datos Usec. kung ilang porsiyento ang pangangailangan ng National Capital Region ang pino-provide sa atin ng Region 2 at 3 sa usapin sa mga agricultural crops?

SS: Para diretso tayo sa punto, nag-monitor yung mga tagapag-masid ng palengke kaninang umaga at kaagad na-i-report sa amin ni Sec. Alcala. Na ang medyo gumalaw na presyuhan ay ang gulay tandaan po natin ang dinaanan ni Bagyong Pedring ay Region 3 at dito nanggagaling ang local low land type vegetables. Yung mga ampalaya, sitaw, talong at tinamaan din po ang Nueva Vizcaya at Benguet at Mountain Province at diyan din nanggagaling ang ating highland type vegetables yung pechay, lettuce, patatas. Kagabi nag-report din po sa atin yung Regional Executive Director sa Cordillera si Marilyn Sta. Catalina at ang report nga niya sa aming dalawa ni Sec. Alcala. Nung unang gabi na tumahak si Pedring ang bumaba ng truck na may gulay from La Trinidad Trading post ito po yung wholesale market ng gulay dun po sa Benguet ay 30 trucks lang po, sa normal day nasa 60 to 65 trucks po yan. At sa nasabing kadahilanan ay yung ating mga roads papunta sa gulayan natin diyan po sa Benguet province ay nagkaroon po ng landslide at mudslide.

KE: Bale ilang trucks ho ba sa isang araw ang bumabiyahe?

SS: 65 po!

KE: So mahigit po pala 50%.

SS: Kaya nga po nag-monitor ngayong umaga inaasahan natin nag-reflect na po sa retail price nag-increase ng 5%.

KE: Ang bilis naman wala ho bang buffer yung ating mga biyahero na halimbawa yung kanilang mga dalang gulay dito sa Balintawak o sa Divisoria ay kayang tumagal ng tatlong araw, na ang presyo ay pareho lang?

SS: Very perishable yan at isang dinadaing nila sa amin ay ang cold storage system pero mahal din po ang kuryente para po i-store natin yung mga vegetables and other perishable products. Benguet, Vizcaya 65% po ng ating highland type vegetables ay diyan nanggagaling kaya medyo sumagasa ang bagyo asahan natin na medyo hindi lang in a week’s time may konting aberya sa price and supply levels natin. Ang maganda pong development natin diyan ay sa programa ni Sec. Alcala dito po sa Mount Banahaw we are expanding our production areas for vegetable. Lalong-lalo na sa foothills of Mount Banahaw, Laguna, Quezon at sa Visayas and Mindanao at isang magandang development po diyan. A certain percentage of our vegetable here in the National Capital Region ay nanggaling sa Northern Mindanao sa Bukidnon plateau. Ang sinasabi natin yung mga farmers sa area Southern Tagalog pati diyan sa Mindanao ay already accepting the reality na yes they can supply the vegetable requirement of the big demands in terms of Mega Manila, Region 3, 4A. Again another statistics ang total demand for agricultural commodities dito sa ating bansa ay naka-sentro dito sa NCR, region 3, 4A mga 58% ng total agricultural commodities demand kahit anong produkto po yan dito mas maraming nangangailangan. Nakikita naman po natin ang production areas ng manok, baboy ay dito po sa region 3, 4A ang gulay po ay nandiyan sa North Luzon but slowly we are developing some areas in Southern Luzon. Sinasabi nga po natin ang Mindanao will be our food basket kaya kasabay niyan yung development production area may efficient logistics and transportation system tayong kailangan para masuportahan yung demand requirement dito po sa Luzon.

KE: Usec. nabanggit niyo po yung agricultural commodities kabilang na rin po dito yung sa livestock , meron pong ulat partikular sa La Union halos umabot sa P170,000 na worth ng tatlong toneladang tilapia ang nawala. At halos hindi na natin alam kung mapapakinanabangan pa namo-monitor din po ba natin yung mga presyo po nga mga isda kasama na rin sa presyo ng mga manok  o baboy kung magataas nga po?

SS: Ngayong umaga immediately nagpatawag si Sec. Alcala ng monitoring reports at sabi ko nga po gulay ang nag-register ng konting angat na P5 to P10. Yun pong manok is very stable P120 ang karneng baboy ay nasa P170 to P180 per kilo normal po yan. At ang isda po particularly tilapia, bangus they are still at normal levels P70 to P80 ang tilapia per kilo at ang bangus ay naglalaro pa rin sa P90 to P100. Kaya nga po ang bungad ng ating report ay is only register in prices of vegetables we already anticipated kasi sinagasaan yung Central Luzon, Nueva Vizcaya part of Region 2 at of course the Cordillera Region kaya nga po just to assure the public thru your radio program kino-convince natin ang mga mamayan huwag mag-alala. We have available supply that are stable no. 1 yung bigas, just to give you another figure ang stock po natin ng bigas ay nasa 76 days may buffer level po tayo niyan yan po ay mangagaling sa NFA, commercial millers, yung statistics ng nasa household so wala po tayong problema sa bigas.

KE: Usec. maraming salamat po! at sa mga susunod na pagkakataon na muli kaming makikipag-ugnayan sa inyo para sa iba pang mga updates, sakaling tumama nga itong susunod na bagyo na huwag ho sangang ganung katindi nang hindi na madagdagan ang pinsala.

SS: Huwag naman po sana, maraming salamat po at naipamahagi natin sa ating mga mamayan ang sitwasyon sa ating agrikultura!

Commissioner Kim Henares (Bureau of Internal Revenue) Kalye Escalera Interview Sept. 22, 2011/ 8 to 9am. DZRB 738 Khz/ Radyo ng Bayan

Commissioner Kim Henares (Bureau of Internal Revenue) Kalye Escalera Interview Sept. 22, 2011/ 8 to 9am. DZRB 738 Khz/ Radyo ng Bayan

KE: Commissioner Henares, magandang umaga po!

KH: Magandang umaga rin ho!

KE: Ang mga nalalagay sa mga balita po ngayon ay itong mga kooperatiba o ilang malalaking pribadong kumpanya na nagpapanggap bilang mga kooperatiba.  Ano ba ang mga tinatamasang benepisyo ng isang kooperatiba sa obligasyon nito sa gobyerno. Gaya ng pagbabayad ng buwis sa BIR?

KH: Alam niyo under the new cooperative development act meron ho silang exemption sa VAT hindi ho kung anong kategorya. May exemption sa VAT, income tax para dun sa kooperatiba. May mga exemption sila sa mga buwis.

KE: So sa lahat ng pribadong kumpanya na may word na cooperative sila ay ligtas sa VAT?

KH: Hindi ho, may proseso yan kailangan i-register nila ang sarili nila sa cooperative development authority. At meron silang mga kailangang i-submit may qualification. Pagkatapos kailangan nilang pumunta sa BIR at titignan natin kung talaga bang entitled sila sa exemption tsaka sila bibigyan ng certificate ng tax exemption. Kung wala silang certificate of tax exemption hindi ho sila exempted.Hindi sila kasama dun sa mga exemption na binibigay ng batas.

KE: Kagaya ho nitong mga prominenteng pangalan dito sa National Capital Region kagaya ng Meralco may word na cooperative yun. Itong Maynilad at Mania Water Company sila ho ba ay kasama?

KH: Hindi ho sila kooperatiba, corporation po sila. Iba ang corporation sa cooperative they are private corporation. if you look at your bill sinisingil kayo may VAT yan at sila rin ay nagbabayad ng income tax. Hindi naman ho sila humihingi ng exemption at hindi naman sila entitled sa exemption hindi naman po sila kooperatiba.

KE: Itong nadiskubre ng IMF na mag cooperatives na nandadaya sa pagbabayad ng buwis. Meron ho ba kayong partikular na mga pangalan ng mga kooperatibang ito?

KH: Meron kaming mga hinahabol na kooperatiba na lalo na yung mga electric coop. at water district. Pero lahat ho yan ay confidential maliban kung na-file na namin yung kaso. Other than that if our confidential information hindi ko naman puwedeng sabihin sa publiko. Pero alam naman ho ng mga kooperatiba na yung kung sino yung hinahabol namin.

KE: Kahit po nalaman natin itong supposedly na mga cooperatives na mga ito ay nag-misdeclare ng kanilang taxes at meron silang pagkukulang sa pagbabayad. At this point yun ang gusto kung klaruhin at this point we have not filed cases against them yet?

KH: There are two levels against tax payers, one level is the assess taxes even if you don’t know about tax evasion case are ongoing assessment that one is confidential. When were investigating if It’s very blatant that the only time na nagpa-file kami ng tax evasion case. At yun ho ay nalalaman ng buong mundo kasi complainant po kami sa Dept. of Justice criminal case ho yan public information na yan. Pero hindi ibig sabihin kung wala kang naririnig hindi ibig sabihin na wala kaming hinahabol .

KE: Pero itong mga kumpanyang ito considering na malalaki rin ang mga ito. Lalo na these cooperatives are operating in the provinces, how were they able to do that. Ano po ang ginagawa nila para makapag-under declare ng kanilang taxes?

KH: Actually hindi naman sila nag-u-under declare kasi sinasabi nila yung public service sila. Pero sa totoo lang negosyo sila kailangan nilang magbayad ng buwis at marami sa water district ay pulitiko rin. Kasi   ang water district amg miyembro yung mga tao sa community and normally yung mga directors, management, members ng family ng politician or supported by politician. I think everyone understand why is sad to say.

KE: Yes we do, you mention politician naalala ko po may hinhabol tayong tax cese na, na-i-file na rin natin laban sa mag-asawang Ligot . Ano na po ba ang update dito?

KH: Naka-file yun sa Dept. of Justice and is ready for the resolution of the Dept. of Justice. So antayin na lang natin yung resolution ng Dept. Justice kun g may probable cause o wala.

KE: Pasensiya na po ang napaka-excited ng taong bayan talaga para malaman itong bagay na ito.

KH: Naiintindihan ko yun kami rin gusto na naming malaman at siyempre may prosesong dapat sinusunod ang Dept. of Justice at kailangan din naming sundin.

KE: Tungkol naman po dun sa mga tiangge, una  na po niyong sinabi na ang mga ito ay dapat na magbayad ng buwis at mag-isyu ng resibo. Ngayong nalalapit na yung kapaskuhan marami hong mga kababayan natin yung gustong magtinda-tinda sa kanilang lugar. Ito po ba ay mituturing tiangge kapag ganun po?

KH: Under the law when you start anything na mag-negosyo gaano man yan kaliit dapat mag-rehistro tayo yun ho ang nasa batas at yun lang ang sinasabi namin. Pero kung yung nga occasional na parang garage sale although yan ang nakasaad  sa batas siyempre may prayoridad yung BIR hindi namin sila nahahabol. Kusang loob na lang yun ng mga tao na ito yung batas dapat sundin pero they are required but for practical purposes hindi ho namin kayang habulin ang lahat ng tao. ito yung requirement ng batas pero for practical purposes hindi na namin namo-monitor ang lahat ng tao. Ngayon kung hindi sumusunod at nahuli namin sila pasensiyahan na lang tayo.

KE: May mga nagtitinda po dun sa sariling bakuran nila kaya ang tanong nila dapat bang ipa-rehistro yung ganung klase ng negosyo sa kanilang sariling bakuran ginagawa. At konti din naman yung kita doon?

KH: The fact na nagne-negosyo kayo maski maliit ang kita dapat rehistrado yun. Kasi pag ganun ag argument ng lahat ng tao tingin ko mas malaki po yung kita nila kaysa sa empleyado. Pero nagbabayad po ng buwis ang empleyado.

KE May nakita ako dito na a newsweek article rank the Phils. we came in 17 bilang one  best places for women all over the globe ay ang Phils.  I think we garner a score of 86. 3% out of a hundred. Ma’m would you agree na maganda yung level ng pagtrato natin ng kababaihan dito sa ating bansa?

KH: From my own assessment I believe the woman in the Phils. are the best of both World. They ca n go up with the career ladder at same time we are still taken care of. Hindi katulad sa ibang bansa dahil sa woman slave yung mga lalake hindi na gentleman.

KE: Gentleman pa rin ho dito Commissioner.

KH: We have the best of both World you’re being taking care of at same you are also given a place in society.

KE: Commissioner, maraming salamat po at hanggang sa susunod na pagkakataon po!

KE: Sige ho, thank you ho!

Ms. Fe dela Cruz (Director Corporate Affairs-Bangko Sentral ng Pilipinas) Kalye Escalera Interview Sept. 13, 2011/ 8 to 9am. DZRB 738 Khz/ Radyo ng Bayan

Ms. Fe dela Cruz (Director Corporate Affairs-Bangko Sentral ng Pilipinas) Kalye Escalera Interview Sept. 13, 2011/ 8 to 9am. DZRB 738 Khz/ Radyo ng Bayan

KE: Ma’am Fe good morning po!

FDC: Magandang umaga sa inyo Marlo at Ms. Tea!

KE: Kayo po ay nakiki-umpok dito sa 738 Kalye Escalera sa Radyo ng Bayan. Gaya po ng binabanggit namin kanina Dir. dela Cruz yun ho bang mga lumang pera ito yung previous version nung issued under PNoy administration. Kailan ho ito mawawalan ng bisa or hanggang kailan namin itong puwedeng gamitin at puwedeng pambili ng load?

FDC: Marami pa yan hindi natin kaagad pawawalan ng bisa siguro mga 2014 magkakaroon po kami ng kaukulang anunsiyo para sa ating mga kababayan. Ang mangyayari ganito pag sinabi na hanggang dito na lamang magkakaroon ng isang taon pag nag-announce kami ng 2 or 3 yrs. may palugit pa ulit para ma-redeem yung mga salapi. Kumbaga sasabihin namin magsisimula na tayong mag-demonetize siguro mga a year or 2 puwedeng ng ipalit doon sa iba-ibang bangko. Yung mga bangko na yan ay ifo-forward yan sa Bangko Sentral papalitan namin ng mga bagong pera. 

KE: Definitely po this year yan mawawalan ng bisa?

FDC: Hindi naman mga dalawa hanggang tatlong taon pa. Ayaw naman nating sayangin yung mga salapi na pupuwede pa yung tinatawag nating fiat currency napag-usapan niyo nga kanina nakikinig ako. Kasi napag-usapan niyo na yung present na pinalitan ng design meron ding inisyu dun na si Pang.Aquino na ang nakapirma. Meron pa tayong natitirang mga inbentaryo nung mga papel dun sa present design uubusin natin yun.

KE: Pero Dir. parang konti lang yung nakalabas ngayon na bagong pera natin?

FDC: Actually araw-araw nadadagdagan ang supply ng ating bagong salapi. Yung iba kasi natutuwa masyado sa pera natin hindi nila pinambabayad huli nilang pinambabayad kung may pagkakataon silang bibili.

KE: Totoo po yun, tinatago nila.

FDC: Actually nakakatuwa na punto yan sa amin sa Bangko Sentral nagagandahan yung mga kababayan natin sa ating bagong pera. Kasi kung hindi naman maganda hindi mo naman siguro makakatuwaan na itabi, ipagmalaki. Ang sinasabi lamang namin yung iba nagsasabi binibili nila yung bagong pera sabi ko hindi kailangan kasi lahat ng denomination nakalabas na.

KE: Parang hindi ko maintindihan yun bibili ka ng pera na piso rin yung pambibili mo na pareho din ng halaga?

FDC: Correct! kasi may tumawag sa amin na nagsumbong na may nagtitinda dito sa amin ng bagong pera. Ang sabi ko kung yun naman ay bumibili may nagbebenta yun ay kanilang karapatan. Pero pag ibig sabihin ay kulang na kulang hindi naman po dahil patuloy pong dumarami. Siguro sa ngayon mga 20% to 25% na ang perang umiikot na bagong pera na. Nakakatuwa nga nung nasa Bicol kami last month ang mga sukli na natatanggap namin ay mga bagong pera na. So merong mga lugar na siguro matuwain  kasi ang ginawa po ng Bangko Sentral hindi lang po dito sa Metro Manila sini-circulate yan gumawa po kami ng programa para buong Pilipinas magkakaroon ng exposure sa bagong salapi.

KE: Kasi po yung iba naman ay nagtatanong bukod daw sa bagong bills ay mag-i-issue din ang BSP ng bagong coins. Kasi may namimili na rin ng lumang piso yung lumang piso ng may kalabaw ay binibili daw ng P4.25. Ako po ay nagbenta binili nga sa akin kaya lang yung sinasabi kung P4.25 yung piso bibil ng apat na bente-singko yun ang ipambibili sa yo, piso rin yung halaga ng pinambili sa inyo.

FDC: Kasi ganito yun, yung may kalabaw demonetize na yan eto yung may apat na kanto . Demonetize na yan kumbag tradable yan puwede kayong magbilihan. Ang focus ko ngayon ay yung ating mga present design ng barya natin ang concern natin diyan ay yung kakulangan ng pag-ikot. Kamukha nung pera nating bago yung iba nating mga kababayan isinasantabi at kinakalimutan na may nakatago silang barya. So nagkakaroon tuloy ng artificial shortage ng barya sa ibang lugar natin.

KE: Tulad na iba nating kababayan ang ginagawa sa barya tinutunaw, kinokolekta tapos ginagawang mga alahas, accessories.

FDC: Paalala po sa mga kababayan natin krimen po yan kasi po property ng government yan na hindi po dapat tunawin. Nagkaroon nga tayo ng programa na palitan na yung metal content ng piso. Nabalitaan niyo siguro 3 years ago 4 years ago ini-smuggle ang ating mga piso kasi kasagsagan ng economic boom nun wala pang krisis noon sa buong mundo. May construction boom so pati nga yung mga railings mga tulay inuubos yung bakal na dapat na proteksyion ng mga tao para di maaksidente. So pati mga barya natin yung piso pinadiskitahan kasi ang pinaka-metal content niya ay higit pa kaysa sales value kung tawagin. Pero nakita nga natin na maraming attempts at mga nakalusot din ng pang-smuggle so pinalitan natin yung metal content hindi siya copper nickel. Dumaan kasi ang panahon na napaka taas record high ang naging prices ng mga metal noon sa panahon na yun bago nagkaroon ng economic low down. Pero ngayon nagkaroon na ng pagco-correct nagkaroon na rin tayo ng pagpapalit ng metal content ng ating mga barya. Kaya ang mga pakiusap natin sa ating mga kababayan yung mga barya na natatanggap natin paikutin po natin at ang sinasabi po namin ang barya ay mahalaga huwag balewalin gamitin.

KE: Yun ho bang paglalagay sa alkansya krimen?

FDC: Hindi po huwag lang kukulungin ng isang taon yung ating mga barya.

KE: Hindi ho napupuno ng isang taon lang ang hirap pong mag-ipon.

FDC: Alam mo maganda yung tanong mo kasi yung iba nagtatanong in fact turuan po natin ang ating mga kabataan na grade one na mag-ipon. Meron na pong lesson on saving and money management.

KE: Parang ang hirap mag-ipon sa bangko dahil kagaya po ng LBC bank magsasara kung doon po ako nag-alkansya di lalo di ko naipon yung barya ko.

FDC: Ang pakiusap namin sa ating mga kababayan yung perang pinag-ipunan natin maging mapanuri tayo sa mga bangko ng pagkakatiwalaan natin. Para yang investment kung saan tayo magtatayo ng bahay kung saan tayo bibili ng sasakyan napakahalaga ho niyan. Alam niyo po ang mga bangko ay required ng Bangko Sentral na ilagay po sa kanilang opisina kung saan makikita ng publiko yung kanilang kliyente yung tinatawag nating financial statement requirement po yan. Kasi po makikita po ninyo dun kung kumikita yung bangko kung sino yung mga opisyal nito at dun po sa mga community malalaman po natin yung mga matitino sino po yung may mga tsismis. Hindi po ibig sabihin yung mga maliit na bangko ay hindi safe ay hindi po marami po tayong maliliit na bangko na matitino at talagang maasahan at katuwang po natin ng paglago ng ating negosyo. Subalit merong mga bangkong nagkakamali nagkaroon ng maling desisyon kaya nagiging bankrupt ang operation. Pero kaya naman po nagkaroon ng deposit insurance na ngayon po ay kalahating milyong piso. Yung aking payo sa mga kababayan natin para po yung risk management kamukha pag hindi ka pa masyadong marunong magmaneho huwag kang magmaneho sa Edsa risk management dun ka muna siguro sa mga side street parang ganito rin sa pagpili ng mga bangko. Pag nag-deposit po kayo ng pera niyo huwag ilagay lahat ng pera mo never put all your eggs in one basket. Ito yung kasabihan kung yung pera niya ay mahigit kalahating milyon ilagay naman yung iba sa ibang bangko para naman covered din siya dun sa kabila. Kasi per bank po yan hanggang P500,000 so ito po yung ibang risk management na dapat gagawin ng ating mga kababayan.

KE: So Dir. tama po yung ginagawa na iba nating mga kababayan na kalat-kalat yung kanilang pera hindi lang isang bangko yung pinagtitiwalaan nila.

FDC: Tama yun at tsaka ang paglalago ng ating naipon kasi ang pag-iipon is just the beginning anong gagawin mo sa inipon mo. Yung sinasabi nga ni Marlo puwedeng ilagay sa alkansya, sa bangko at least mas safe ang pera mo at kung yun naman ay mababayaran sa iyo up to P500,000 huwag mo na sigurong palampasin. Ther e are other investments na available sa atin merong mga nag-nenegosyo na naghahanap ng capital yung tinatawag nating silent partner. Kumbaga isa ka sa mga ngabibigay ng puhunan pero iba ang nagma-manage meron namang bumibili sa stock market. So maraming pamamaraan at kung ikaw naman ay busy meron po tayong tinatawag na mga brokers sa stock market o kaya yung mga trust officers sa mga bangko matutulangan nila kayo palaguin ang inyong pera in a professional manner.

KE: Ngayon pong humihina ang economy ng US masasabi po ba na matatag pa rin po yung pagba-bangko dito sa Pilipinas?

FDC: OO, sa katunayan ang ating banking system in general is one of the strength sa ating ekonomiya ngayon. Siguro natatandaan ninyo nagkaroon ng crisis 2007, 2008 na yung napaka-higanteng mga multi-national bank and financial institution na talagang yung iba nawala. Yung iba naman ay halos lumuhod at madurog na yung kanilang institusyon at nagkaroon ng credit freeze kung tawagin. Walang maka-utang ganun din ang slowdown sa economy nila kasi yung mga big companies kagaya ng Gen. Motors humina ang benta nung nagpautang ng mga bibili ng mga kotse nila. Nagkaroon ng bankruptcy pero dito sa Pilipinas patuloy ang mga pagpapa-utang ng mga bangko patuloy na malaki ang capitalization ng mga bangko natin. Sa katunayan ang capital ng mga bangko natin  on the average ay sobra-sobra dun sa international standard.Kumbaga 8% capital yung sa buong mundo dito sa atin umaabot ng 16% so doble ng international standard on the average ng ating mga bangko. Kaya patuloy ang pagalago ng ating ekonomiya humihina pero patuloy ang paglago hindi katulad ng iba nagkakaroon ng recession. Dahil ang mga bangko natin ay patuloy na nakakasagot doon sa mga pangangailangan credit requirements nga ating ekonomiya. Alam niyo ba na 90% of the funding requirements of our economy ay nanggagaling pa rin sa mga bangko. At saan ba nanggagaling ang mga pera ng bangko sa ating mga depositors. Sana tayo po ay inter-connected yun pong pera nating itinatabi sa alkansya okey po yun pero pag nasa bangko po yun mag-e-earn ng intertest at mapapautang sa mga sector na nagpro-produce ng mga item na kailangan natin. Nag-generate po yun ng employment na siyang mag-generate ng demand para sa mga produkto. So tayo po ay inter-connected sa ating ekonomiya.

KE: Ano ang forecast ng BSP sa mga interest rates ng mga bangko in the next 3 to 4 yrs.?

FDC: Siguro natatandaan niyo nung middle 80’s kung kayo ay nag-a-aspire magpatayo ng bahay ang interest rate nun umaabot ng 36% sa bangko. Ngayon nakikita niyo naman ang daming advertisement merong 5.5% yung huli kung nakita 5% ang ibig sabihin ang mga bangko natin ay may kapasidad na magpautang ng long term sa maraming tao. Kaya mababa ang interest rate marami po silang pondong puwedeng ipautang in fact nagco-compete pa yung mga bangko. Tignan din natin minsan pinagbabawal po ng Bangko Sentral yung mga hidden charges  dapat maliwanag at ipapaliwanag sa inyo para hindi tayo maloloko. Dapat transparent at dapat maliwanag  pag nag-loan ka sa bangko pang long term para sa pabahay mo, para sa pamboili ng traktor sa mga kababayan nating nasa agricultural sector. Ikumpara natin yung mga terms na ini-offer sa atin bago tayo magdesisyon na itong bangkong to ang tutugon sa ating pangangailangan. Bago niyo ako i-goodbye ito ay pansin na pansin ng Bangko Sentral na tuwing darating ang mga panahon na kailangan natin ng additional na pera yung tuition bago magpasukan o bago magpasko. May mga attempt yung iba nating mga masasamang loob na magpasa ng mga pekeng pera o kaya magkaroon ng maraming text scam na bago ibigay sa inyo ang pera kailangang magbabayad po kayo. Yan po ang sinasabi nating pag sinabing congratulation sabihin niyo po salamat akin na ang pera ko hindi yung sasabihing may withholding tax. Puwede niyong sabihin ibawas niyo na lang sa ibibigay niyo sa akin ang pera kasi kadalasan talaga namang raket ito. Kasamaang palad yung iba nating kababayan na OFW na gusto nilang umuwi may isa tayong kababayan sa Hong Kong nagbayad ng P20,000 para di umano ay transfer fee ng isang milyong piso. After 1 week tumawag siya sa Bangko ng Sentral ng Pilipinas hindi pa raw niya natatanggap yung pera niya. Ang sabi po namin ayn ito po ay scam huwag kayong maniniwala mabuti yung iba nating mga kababayan tumatawag sa amin bago maglitaw ng pera. Nag-isyu na tayo ng paulit-ulit na advisory thru the Dept. of Labor, DFA at dito sa ating bansa sinasabi natin na paalalahanan yung mga kaibigan ninyo na hindi totoo na may raffle ang Bangko Sentral. Hindi po kami kamukha ng ibang bangko na nagpro-promote dahil ang Bangko Sentral ay bangko ng mga bangko hindi po kami nagpapa-raffle para sa mga kababayan natin.

KE: Maliwanag po, Salamat po!

FDC: Maraming Salamat sa iyo Ms.Tea, Marlo at magandang umaga!

Sec. Sonny Coloma (Presidential Communications Operations Office) Kalye Escalera Interview Sept. 8, 2011/ 8 to 9am. DZRB 738 Khz/ Radyo ng Bayan

Sec. Sonny Coloma (Presidential Communications Operations Office) Kalye Escalera Interview Sept. 8, 2011/ 8 to 9am. DZRB 738 Khz/ Radyo ng Bayan

KE: Sec. Sonny Coloma, good morning po!

SC: Magandang umaga  sa iyo Marlo, Ms.Tea at sa lahat ng taga-subaybay ng inyong popular na programa!

KE: Kasama rin namin dito si Jedah Legaspi Sec.

SC: Good morning din kay Jedah!

KE: Dahil pumapasok na  nang “ber” month siguro kami na ang unang babati sa inyo ng Merry Christmas!

SC: Ganun din ang pagbati ko sa inyong lahat!

KE: Sec. marami hong nagtatanong sa amin kung lalo na yung mga sumasakay ng LRT at MRT. Kung kailan daw po sila maghanda ng karagadagan o magkano yung idadagdag na pambili para sa mga tickets nitong ating dalawang govt. operated mass transport system?

SC: Wala pang tiyak na petsa na inanunsiyo ang DOTC hinggil diyan. Ang narinig lang natin at nailahad na sa publiko ng DOTC at ang ating  Pangulo na siya ay kinapanayam sa Dumaguete City kahapon. Hinggil lang sa isyu kung bakit itataas o babaguhin ang singil sa MRT. Yung sa petsa at kung kailan wala pang katiyakan wala pa rin sinasabi kung magkano.

KE: Ito ho bang mga balaking ito ay pormal ng naipaabot sa Presidente at ito po ba ay natanggap niyo na rin ang rekomendasyon ni DOTC Sec. Mar Roxas?

SC: Hindi naman po bago yung isyu maging noong nakaraang panahon ay tinatalakay na ito. Ang naging decision point ay kung kailan ito ipapatupad sapagkat kinikilala naman natin yung sitwasyon diyan na kung saan yung singil sa MRT ay talagang mas mababa kaysa doon sa ginagastos. Ang resulta ay yung tinatawag nating subsidy ibig sabihin hindi sapat yung MRT at LRT fares para tustusan yung kanilang mga gastusin for operation nitong public transport nitong mass transport facility natin. Ang resulta po niyan ay pinupunuan sa national budget at alam naman natin yung ginagastos din na na-a-ayon sa  national budget ay nanggagaling sa lahat ng mga mamamayan na nagbabayad ng buwis. Kaya ang magiging epekto nito ay kahit po yung mga kababayan natin na nakatira sa ibang bahagi ng Luzon at palabas ng Metro Manila at sa Visayas at Mindanao. Ni hindi naman sila gumagamit ng LRT/MRT maliban na lang siguro kung dadalaw sila o nagpupunta sa Maynila. Hindi po nila napapakinabangan ang serbisyo at pasilidad na ito. Ganun pa man nagbabayad din po sila dahil yung kanilang buwis yun ang ginagamit bilang subsidy dahil nga sa mas mababang sinisingil na fare.

KE: Nakikita naman siguro ng publiko na ang gobyerno ay maraming pinaghahandaan na mga proyekto. Kaya ang pinang-aabono ng MRT/LRT ay panahon naman siguro para magamit dito sa mga proyektong iba na nais maipatupad ng administrasyong Aquino.

SC: Ganun nga, ganun pa man nais nating ipabatid sa ating mga mamamayan na hindi naman nais bawiin ng ganap yung diperensya dun sa sinisingil at actual na operating cost. Itataas lamang ng bahagya para naman mabawasan lamang yung halaga ng subsidy. Sapagkat batid din natin na yung mga gumagamit ng LRT/MRT pinapasan din nila yung mas mataas na persyo ng bilihin. Lalo na ngayon tuloy pa rin yung pagtaas ng presyo ng mga produktong petrolyo binanggit ng Pangulo kahapon na nais ng pamahalaan yung fair at reasonable hindi naman lubos na babawiin ito tataas lang ng bahagya. Para mabawasan lang naman yung subsidy o abono na nagaganap sana maunawaan din ng ating mga kababayan. Ang panawagan naman ay para po mag-share lang tayo na makibahagi tayo dun sa pagpasan ng mga ilang sakripisyo tulad niyan. Para naman sa pang-matagalan ay bubuti na rin ang ating sitwasyon at uunlad pa rin ang ating kabuhayan.

KE: Napag-uusapan po ang mga gastusin marami ang nag-o-observe dito sa itinatakbo ng pagdinig ng mababang kapulungan ng Kongreso, sa panukalang pambansang budget para sa susunod na taon. Kapansin-pansin at hindi na natinn dapat ipagtaka yung pagiging hindi cooperative ng minorya. Ano ho ang ba ang umuugong na nakakarating sa inyo at ang mga miyembro ng mga minorya diyan sa Kamara ay parang kung sa salitang pangkabataan ay dedma yung ating deliberasyon sa pambansang budget diyan sa Kamara?

SC: Meron naman pong pagkillos ng ating mga kinatawan mula sa minorya at may dynamics din po sa proseso ng pagpasa ng budget. Una yung kanilang hindi dinaluhan ng mga naunang pagpupulong ay panimula pa lamang ng budget process. Andun pa lamang sa level ng Committee of Appropriations at minabuti nila na huwag silang dumalo sa mga pagpupulong na iyon. Karapatan naman po nila yun hindi naman natin itinatatwa na may karapatan silang lumahok o hindi dumalo. Yung susunod na yugto na nagsimula na sa linggong ito ay yung tinatawag na plenaryo. Siguro naman  po ay mas mainam na lalahok na sila dahil diyan na tatalakayin kung dapat aprubahan o hindi aprubahan yung ibat-ibang panukala na budget ng mga kagawaran ng ating executive branch. Nagpahiwatig din po yung mga leader ng Kamara na sana ay lumahok na diyan ang ating mga kinatawan na binibilang nila ang sarili nila sa minority block of House of Representative. Andiyan pa rin yung posibilidad na kapag plenary discussion na at ang tatalakayin ay yung mismong pag-a-approve nga ng budget at hindi lamang yung committee hearing. Lalahok na ho sila at dahil yan naman po ay tungkulin nila na gagampanan sa mandato na binigay sa kanila ng mga taong naghalal.

KE: So hindi ito Sec. nakikita o hindi itinuturing ng Malacanang na problema o sagabal para maipasa on time itong ating pambansang gastusin para sa susunod na taon diyan sa Kamara?

SC: Hindi naman dahil talagang naghanda ang Dept. of Budget and Management at ang buong gabinete para maging papatak ng tamang oras yung pagtalakay. Kung maaalala natin kinabukasan lamang ng paglalahad ng SONA ng ating Pangulo sa muling pagbubukas ng session ng Kongreso nung July 25, July 26 mismo isinumite na kaagad yung national expenditure plan o yung proposed general appropriation kaya on schedule tayo. Meron nga ring prinsipyo sa ating batas na rule of the majority kaya kung hindi po sila dadalo at makatamo naman ng quorum at majority naman po ang magpapasa niyan. Ayon po sa batas ay legal pa rin yung magiging resulta ang pagakapasa niyan. Hindi nga lang lumahok ganun nga ang mangyayari maganda pa rin kung ang minorya ay lalahok at ito naman ay usapin ng buong bansa at hindi lamang yung numero ang dapat magpasa  sa resulta.

KE: Sa mga ganyang bagay Sec. ang ginagamit namin diyan ay yung lumang kasabihan na sa hinaba-haba man ng prusisyon  sigurado sa simbahan din ang diretso niyan.

SC: Ganun na nga ho siguro pero sana nga ay dinggin naman nila yung ating panawagan yun ang ninanais ng ating mga kababayan kaya po sila inihalal, ang tawag nga po sa kanila ay kinatawan. Dapat ay maging kinatawan sila dumalo sila dun dinggin nila yung mga paglalahad makipagtalakayan sila, suriin nila , punahin nila, baguhin nila kung gusto nila yan po ang dynamic nang  ating demokrasya. Sana naman ay tuparin nila ang kanilang tungkulin marami naman sa mga nasa minorya ngayon ginampanan nila yung tungkulin nila nung mgan nakaraang panahon sila naman yung nasa majority block, sapagkat tungkulin po yan na dapat tuparin.

KE: At kabaligtaran naman yan sa nangyayari sa Senado dahil ang minorya naman dun ay very cooperative very active sa lahat ng mga committee hearings, kaugnay pa rin sa ating pambansang gastusin para sa susunod na taon Sec.?

SC: Yan na nga po, dahil dun  sa isang malusog at masiglang demokrasya ay isyu ang pinag-uusapan wala naman pong personalan. Hindi po dinadaan sa patampo o pagiging mapanira na dinadaan dun sa constructive discussion at debate. Ito ang pinang-gagalingan ng pagiging masigla at demokrasya.

KE: Sir sasamantalahin namin itong pagkakataon na ito para mabigyan linaw ang iba pang mga isyu. Tungkol po dun sa karagdagang singil sa serbisyong ibinibigay ng ibat-ibang govt. agencies kasi may mga planong itaas ang singil diyan. May mga kababayan po tayong na tumatawag po dito sa Radyo ng Bayan kung kailan daw ito talagang pormal na maipapatupad Sec.?

SC: Ang nabalitaan ko lang diyan ay yung plano siguro po ay sisikapin nating magkaroon ng specific na paglalahad kung ano yung mga serbisyong tinuturing. Para naman po mauunawaan nang ating mga kababayan maari pong ang dahilan para diyan ay yung mga sinusunod nating mga service fees. Ilang taon na ring umiiral at hindi na rin na-a-ayon dun sa kasalukuyang level ng gastusin mina-match yan dun sa operating expenses sa pagbibigay ng serbisyo. Para hindi magkaroon ng aspect na naman na subsidy dahil hindi naman lahat ng tao nag-a-avail sa mga serbisyo na yun. Nakakatiyak po tayo kung ano mang pagtaas ng presyo ng mga serbisyong yan ayon naman dun sa nararapat lamang at gagawing mangatwiran at yung kaya namang bayaran ng ating mga kababayan. Yan po ang basic guidelines na susundinn sa apetong yan.

KE: Meron po bang P100 yung karagdagang singil yung inyong panukala na binabalak?

SC: Hindi ko pa nga ho natutunghayan ang gagawin po namin ay kukunin yung impormasyon sa mga basic services na maaapektuhan at ilalahad po natin yan. Para naman  makita ng ating mga kababayan dahil committed naman po ang ating adminsitrasyon dun sa talakayan ng transparency. Hindi naman po gugulatin o bibiglain ang ating mga kababayan at siguro naman ay magkakaroon ng malayang talakayan sa pagpapaliwanag bago ito tuluyang ipatupad.

KE: Sec. sa pag-a-appoint naman po ng Cabinet members ni Pres. Noy may nagsasabing kulang pa raw sa kuwalipikasyon ang ating bagong kalihim sa Dept. of Tourism at may mambabatas na nagsasabing dapat bakante muna yung puwesto. Dahil hindi pa raw dapat makaupo ano po yung inyong masasabi sa bagay na yan?

SC: Yan po ang nabalita noong makalawa at tila si Sen. Lacson ang naglahad diyan. Kung hindi po ako nagkakamali kahapon ay nagkaroon ng budget hearing sa Senado humarap na si Sec. Ramon Jimenez at nakaharap na niya ang mga Senador maaring kabilang na dun si Sen. Lacson. Ayon po sa naulat ay hindi naman po kinuwestyon yung qualification o yung legality nung panunungkulan ni Sec. Ramon Jimenez. Ang masasabi lang natin diyan ay meron naman pong legal staff sa Malacanang sa tanggapan ng Executive Sec. at meron din tayong chief residential legal counsel. Makakatiyak naman tayo sa bagay na yan katulad nung Presidential appointment ay nag-ingat naman po at tinitiyak na sinusunod ang mga batas at kung merong mga mambabatas o iba pang mamayan na gustong maglahad ng pormal na question tungkol diyan maari po naman itong talakayin. Ang masasabi lang po natin sa panig po ng executive branch tanggapan ng Pangulo ay legal at wala naman irregularidad dun sa pagtatalaga kay Sec. Jimenez. Nandun po ako nung siya ay nanumpa at nadinig ko po, nasaksihan ko sa kanyang panunumpa sabi niya na ang kanyang posisyon ay acting Sec. Sa makatuwid siya ay tumatalima naman sa prinsipyo na ini-invoke nung ibang sector at yung pag-comply sa mga legal requirements na kailangan nga po ng confirmation sa Commission on Appointment yung paghirang ng magiging pinuno ng mga kagawaran sa executive branch.

KE: Okey malinaw na malinaw na po yun, maraming salamat po sa panahon na inyong iniukol para sa 738 Kalye Escalera Sec.!

SC: Maraming salamat at magandang araw sa mga taga-subaybay ng Kalye Escalera!