Atty. Romulo Macalintal (Election Lawyer) Kalye Escalera Interview Nov. 24, 2015/ 8 to 9 am. DZRB 738 Khz/ Radyo ng Bayan

Atty. Romulo Macalintal (Election Lawyer) Kalye Escalera Interview Nov. 24, 2015/ 8 to 9 am. DZRB 738 Khz/ Radyo ng Bayan

KE:  Atty. Magandang umaga po!

RM: Magandang umaga sa inyong lahat diyan at sa ating mga taga-pakinig!

KE: Ang inyo pong makakausap ay si Marlo Dalisay, Jedah Legaspi at Ms. Tea dito sa 738 Kalye Escalera sa Radyo ng Bayan. Ano una po naming itatanong sa inyo hong tingin at batay sa inyong kaalaman sa mga batas sa eleksiyon puwede ho bang maging substitute candidate sa pagka-Pangulo ni Martin Dino itong si Davao City Mayor Rodrigo Duterte?

RM: Ito ay base lamang sa aking opinion hindi ko pinapangunahan ang iba ginagalang ko rin ang kanilang opinion. Kung ang pagbabasehan natin ay yung mga reports na nabasa na natin at yun ang katotohanan maaring hindi na puwedeng mag-substitute si Duterte kay Dino kasi yung COC ni Dino ay depektibo dahil ayon sa COC ni Dino ang inilagay niya ay he was running for the position of Mayor ng Pasay City pag nagkaroon ng substitution si Duterte ang tatakbuhan niya ay tumakbong Mayor ng Pasay City. Hindi naman siya siguro tatakbong Mayor ng Pasay City ang tatakbuhan niya ay bilang Pangulo ng Pilipinas ay ang kanyang papalitan sa pagka-Pangulo na yung nag-withdraw na si Dino ay tatakbong Mayor ng Pasay City ito ang problema natin dun.

KE: Eto po ay naklaro na talagang ang tinatakbuhan ni Brgy. Captain Dino ay yung nasa COC niya ay talagang for Mayoralty race sa Pasay City ano?

RM: Yes yun naman ay nasa internet na nabasa ko na yan pero pag titignan naman ninyo yung sinasabi naman ni Duterte na tatakbo siya sa ilalim ng PDP-Laban hindi naman niyang sinasabing tatakbo na bilang replacement ni Dino. Malay natin meron siyang inihirit na isang Presidential candidate na na-nominate ng political party na baka yun ang magwi-withdraw na kanyang papalitan  hindi niya sinasabing si Dino hindi niya sinasabing sa PDP-Laban siya tatakbo. Kaya kung merong biglang may mag-withdraw na isang Presidential candidate who is nominated by a political party yun ang papasukan ni Mayor Duterte.

KE: Pero ganito po di ba yung filing ng COC ay natapos nung Oktubre at ewan ko lang kung tama ang aming paniniwala na pupuwede ka lang mag-substitute kung yung papalitan mo ay kauri mo o iisa ang inyong partido o kaya naman ay kamag-anak mo o asawa mo?

RM: Hindi puwede yung kamag-anak kung ikaw ay miyembro ng isang sinasabing partido puwede mong palitan yung nag-withdraw sa political party. Kung si Duterte ay kukunin ng ibang partido kung miyembro lang naman si Duterte sa nasabing party ay yun pupuwede na kaya bago siya ma-nominate gagawin siyang miyembro ng nasabing political party. Abangan siguro natin baka may iba naman silang political strategy baka may kinausap sila na isang Presidential candidate na magwi-withdraw at bilang magiging miyembro ng nasabing partido si Duterte yun lamang ang paraan para si Duterte ay makatakbo. Pero kung aasahan natin ay yung COC ni Dino ay mukhang mahirap yun.

KE: Pero eto naman atin-atin lang naman sa tingin niyo ba may nakikita kayong magwi-withdraw dito sa mga Presidentiables na nag-file ng COC?

RM: May mga bali-balita na may magwi-withdraw hinatyin na lamang natin yan sa tamang panahon.

KE: Pero talagang yung pagiging miyembro naman po ay wala itong sinasabing kumbaga guest station period kumbaga pag sa itlog ng manok ay nagbibilang tayo ng ilang araw bago maging sisiw. Sa pagiging miyembro po ba ng isang partido sa pag-a-apply as a member ay wala hong ganun?

RM: Wala naman depende yan sa rules and regulations ng sinasabing partido basta siya ay sumunod at mag-comply sa mga requirements ng mga nasabing partido yun lamang ang kailangang gawin.

KE: Medyo malawak pala itong kanilang ginagawang diskarte sa kanilang plano.

RM: Medyo mahirap pumasok nasa pagkakamali kasi yung COC.

KE: With that Atty. Macalintal at maraming salamat pasensiya na po sa abala at magandang umaga sa inyong napaka-busy na schedule.

RM: Thank you!

KE: Maraming salamat po!

Commodore Joel Garcia (Phil. Coast Guard) Kalye Escalera Interview Nov. 12, 2015/ 8 to 9 am. DZRB 738 Khz/ Radyo ng Bayan

Commodore Joel Garcia (Phil. Coast Guard) Kalye Escalera Interview Nov. 12, 2015/ 8 to 9 am. DZRB 738 Khz/ Radyo ng Bayan

KE: Kami po ay makikibalita lang sapagkat ang concentration ng media ngayon ay yung magiging problema sa traffic sa mga sasakyan sa lupa at sa himpapawid. Gusto rin namin sanang malaman kung ano ang inyong pabatid na ibibgiay sa publiko kaugnay naman dun sa mga bibiyahe particular na dito sa Manila Bay sa  mga naturang petsa?

JG: Kami po ay malugod na nakikiusap sa ating mga tagapakinig na kung maari po ay makipagugnay tayo sa naturang petsa between Nov.16-20 na dito sa Manila Bay meron po tayong tinatawag na no sail zone in fact on that matter umikot na tayo ang kawani ng Phil. Coast Guard sa mga coastal barangay para kausapin yung mga kapatid na mga coastal fisher folks tungkol dito na kung maari sa petsa na ito ay talagang huwag na sanang sadyain yung naturang lugar dito sa malapit sa shoreline ng Roxas Blvd.

KE: Ano po yung mga particular areas na meron kayong direktiba para sa no sail zone?

JG: Pag sinabing no sail zone dito po sa may bandang galing sa Pasig River papunta sa Paranaque at magbilang tayo ng 2 nautical miles magmula sa shore line yan an gang tinatawag na exclusive zone. Ang ibig sabihin nito ay walag gagalaw na mga sasakyang pangdagat otherwise hihingi sila sa atin ng pahintulot at magbibigay po tayo ng escort kung sila ay dadaong sa ating pier.

KE: Ang mangyayari pala nito dahil yung boundary dito sa bandang baba yung Pasig River at yung marker naman sa bandang taas sa Paranaque yan ay parang nadadaan din minsan ng mga international ships na dumadaong dito sa South Harbor. So yun ang gagawin natin lahat ng dadaong at aalis may marshal na kasama?

JG: Meron po tayong escort at sa marshal bino-board po natin na tinatawag na CIQS o Customs Immigration Quarantine Security. Mga Phil. Coast Guard po ang mga ito na may mga K-9 at mga ibang gadget para ma-detect natin yung mga explosives kung meron man.

KE: Lilinawin lang natin Commodore na hindi apektado ng restrictions na ito yung mga passenger vessels na dumadaong ng North Harbor  normal ba ang magiging biyahe nila?

JG: Normal ang magiging biyahe  nila ngunit yung mga tao na nanggagaling sa probinsiya meron tayong tinatawag na notice para sa tinatawag na profiling. Although ginagawa na natin ito ng ilang taon na pinaigting natin yung pag-conduct ng profiling sa mga suspicious looking persons from Visayas and Mindanao na papuntang Maynila. Kaya pagdating ng barko na pampasahero dito sa North Harbor hindi po kasama sa exclusive zone ay talagang hinigpitan din namin an gating pagmamatyag sa ating segurida.

KE: So ano ang advice niyo magdala ng proper identification ano?

JG: Yun po at katulad sa ating mga naririnig, nababasa, napapanood sa TV patungkol sa mga pangyayari anting-anting sa NAIA ako po ay nanawagan na huwag po tayong magdala ng anting-anting sa barko pag kayo ay papuntang Maynila hinuhuli din natin yan.

KE: Hindi naman yata kailangan yun Commodore Garcia pag walang bagyo na bumiyahe yung barko hindi kailangan ng anting-anting?

JG: Hindi po!

KE: Ang iniisip ko lang dito papano namna yung mga nanghuhuli ng banak diyan sa binabanggit niyo na no exclusion ay pag ako ay nadadaan ay marami malilit na bangka na kumbaga nalalambat ng mga banak kasi marami diyan sa Manila Bay?

JG: Yung mga naghuhuli ng mga banakna sinasabi niyo hindi ito nakasama sa tinatawag na exclusion zone kasi ang exclusion po natin ay name-measure lang natin 2 nautical miles lang from the shoreline. Galing sa shoreline ng Roxas Blvd. mag-measure po kayo ng 2 nautical miles hindi po maabutan na walang nanghuhuli ng banak sa exclusion zone.

KE: Talagang ang mahigpit lang na tagubilin ay yung loob  ng 2 miles kung sa kilometro ilan yan mahigit na apat na kiliometro ano?

JG: More or less mga apat na kilometro.

KE: Ayun paglabas dun so dun muna sila Cavite muna sa hindi sakop nitong exclusion at tsaka sila mamingwit o manlambat pagkatapos dun din sila dumaong sa no exclusion shore dun sa labas nun?

JG: Opo katunayan nga po nagsimula po tayo na pinaigting yung seguridad sa Manila Bay simula nung bumisita yung Santo Papa at yung mga subsequent na APEC  meetings malaki ang naitulong sa atin ng mga kapatid natin sa coastal area naintindihan po nila na yung kanilang kooperasiyon ay talagang nakakabuti para sa ikakaunlad ng ekonomiya ng bansa.

KE: Yun pong cruise yung may libreng pagkain ay magbabayad ka yata ng P350 per person yung nanggaling diyan sa CCP at iikot dun sa harap nung isang malaking mall diyan at babalik. Ano ho yun kanselado yun sa mga dates na yan?

JG: Kanselado po yan bet. 17 to 20 Nov. katulad sa airport walang flight sila din po wala rin po sila kasi talagang hinigpitan natin ng husto at ito ay naipaliwanag na sa kanila yung may ari ng mga cruise wala pong tour sa mga ganitong petsa.

KE: Sayang marami kasing nagsasabi na holiday pa naman sarap mamasyal sa hapon pero yung lugar talaga ay wala tayong magagawa dahil yun ipinagbabawal pansamantala ang pagpunta ng publiko. So sa pangkalahatn ano po ang inyong advice dito sa ating mga kababayan lalo na ho dito at hindi lang sa mga apektado ng paghihigpit dito sa APEC o yung sasamantalahin itong mahabang bakasyon next week?

JG: Ako po ay nanawagan na kung maari na talagang binigyan tayo ng ating gobyerno ng pagkakataon na mag-holiday kung ako po ay tatanungin hinihikayat ko lahat na kung pupuwede mamasyal na lang sa karatig na probinsiya. Ito po ang panukala Dept. of Tourism pangalawa po ako ay nanawagan na sana kung puwede maunawaan po natin lahat yung ating pinapatupad na maritime security sa exclusion zone at sa no saill zone dito sa malapit sa South Harbor hanggang Paranaque kasi pa rin ito sa seguridad ng ating mga foreign delegates at mga APEC leaders sa ikakaunlad ng  bansa.

KE: Pati daw po yung mga yate na nandiyan sa may headquarters ng Phil. Navy itong mga yate na miyembro ng Manila Yacht Club ano po yan bawal din ba silang gumalaw sa inclusive dates na yan?

JG: That matter nga po nakausap natin yung mga yacht owners ng Manila Yacht Club sa katunayan tumutulong pa nga sila mag-contribute ng kanilang mga yate upang madagdagan ang ating floating asset sa mga security area natin. Malaking tulong sa atin yung mag nagma-may-ari ng yate.

KE: Ang gaganda ng mga yate diyan Commodore.

JG: Oho na talagang tumutupad sila sa ating panukala patungkol sa ating paglalaganap ng seguridad sa Manila Bay.

KE: So yung ating BRP Pampanga ay talagang magigin visible diyan sa area na yan sa mga petsang yan?

JG: Opo mga floating asset po ng Phil. Coast Guard ang nakalaan po dito combination ng Coast Guard ng PNP maritime group at ng Phil Navy ang ilalatag natin dito para makasiguro tayo na mapaigting ang maritime security sa naturang area.

KE: Alright with that maraming salamat Commodore Garcia at good luck sa inyong magiging pagbabantay dito sa mga delegado ng APEC.

JG: Maraming salamat din po at mabuhay po kayo at sa mlyun-milyon na tagapakinig ng Radyo ng Bayan.