Congressman Juan Edgardo ‘Sonny’ Angara (Lone District of Aurora) Kalye Escalera Interview Nov. 20, 2012/ 8 to 9am. DZRB 738 Khz/ Radyo ng Bayan

Congressman Juan Edgardo ‘Sonny’ Angara (Lone District of Aurora)

Kalye Escalera Interview Nov. 20, 2012/ 8 to 9am. DZRB 738 Khz/ Radyo ng Bayan

KE: Congressman Angara magandang umaga po!  Live po kayo dito sa 738 Kalye Escalera sa Radyo ng Bayan, Marlo Dailsay po at Jedah Legazpi ang inyong makakausap.

SA: Magandang umaga!

KE: Ano ang pinal na napag-kasunduan ng mga mambabatas kahapon dito sa panukalang ito Cong. Sonny at kung ano ang magiging epekto nito sa ating mga estudyante lalo na sa mga nag-aaral sa public schools?

SA: Ang epekto niyan ay hahaba yung school cycle natin dati ay 10 years ngayon ay gagawin ng 12 years at posible ding umiksi ang kolehiyo. Dahil ayon sa datos mas maraming porsiyento ang hindi na nakakatuloy sa kolehiyo. So gusto natin silang bigyan ng dekalidad na edukasyon habang sila ay bata pa I think yung datos is 1 in 5 lang ang nakakatapos ng kolehiyo. Tayo na lang sa buong mundo isa sa tayo sa tatlong bansa na may 10 years cycle kumbaga nahuli na tayo dito sa repormang ito na matagal ng hinahangad ng ating gobyerno ng mga education experts na talagang panahon dahil yung mga graduate natin sa high-school yun ang mga hindi nakakakuha ng trabaho karamihan. Dahil unang-una namatay na yung manufacturing sector natin wala na tayong masyadong mga pabrika doon na sana magta-trabaho ang mga high-school graduate dahil hindi na masyadong kailangang ng advance na training. And yet yung agricultural sector medyo nababawasan na rin yung empleyado dahil hindi po din siya masyadong masigla. So ang nangyari nga walang masyadong trabaho para sa mga high-school graduate ang gusto natin dito sa dagdag na dalawang taon ay bigyang ng kasanayan o skilled training ang mga high-school graduate. Dito sa pamamaraan na ito ay mas maging competitive sila kung ikukumpara nila sa ibang mga maghahanap ng trabaho yun ang ninanais natin.

KE:  Pero meron lamang akong konting clarification Cong. Sonny dahil ito po yatang pagdagdag ng school year ay ipinatupad na po ng DepEd nitong June ng kasalukuyang taon. Yung batas na dapat maging gabay ay panukala pa rin lamang at  kapapasa pa lamang sa third reading diyan sa Kamara wala ho ba itong magiging problema?

SA: Yung inimplement na ngayon ng DepEd is yung universal kindergarten at inisa na lang yung numbering ng mga school years natin. Hindi pa puwedeng i-implement hanggat hindi pa naisasabatas itong K+12 itong pagdagdag ng dalawang taon.

KE: So high school po ay mananatili pa ring apat na taon?

SA: Sa ngayon po habang hindi pa ho ito batas.

KE: Dito naman ho sa total napapag-usapan naman natin ang edukasyon at nitong mga nakaraang araw nga ay maraming pumutok na balita. Hindi ho kagandahan na yung ating mga teachers lalo sa bahagi ng Mindanao ay nabiktima ng pyramiding scam kayo ho ba kung saka-sakali na magle-level up na kayo at lilipat kayo from lower to higher house ano ho ang inyong naiisip tungkol sa mga problemang ito?

SA: Unang-una hindi pa natin masyadong iniisip yung paglipat dun dahil matagal pa naman ang kampanya. Siguro puwede nating repasohin ang mga batas para sa mga proteksiyon ng mga investors  meron tayong mga batas diyan yung securities regulation laws yung consumers code of the Phils. Siguro tignan natin kung may pagkukulang sa ilalim ng batas kung sapat naman ang batas at  nagkulang naman yung otoridad. Sa ngayon sinusubaybayan po natin yung imbestigasyon na ginagawa ng NBI at DOJ.

KE: Cong. Sonny marami sana akong itatanong sa inyo kaya lang ang programa natin hanggang alas-nuwebe lang.  Pupuwede ho bang sa Huwebes ay tawagan ho muli nami  kayo para maipagpatuloy ang ating usapan?

SA: Sa Huwebes may nag-imbita po sa akin na maging guest speaker sa isang paaralan dun sa bayan na yun. Kung saka-sakali hindi tayo matuloy puwede ho siguro magtawagan  na lang tayo sa inyong staff.

KE: Sige po Cong. Sonny maraming salamat at magandang umaga sa inyo!

SA: Maraming salamat!

Ms. Maricar Bautista (Asst. Vice President for Corporate Communications-PAGCOR)

Ms. Maricar Bautista (Asst. Vice President for Corporate Communications-PAGCOR)

Kalye Escalera Interview Nov. 20, 2012/ 8 to 9am. DZRB 738 Khz/ Radyo ng Bayan

KE: Ms. Maricar Bautista magandang umaga po! on air na po kayo dito sa Kalye Escalera sa Radyo ng Bayan with Marlo Dalisay and Jedah Legazpi.

MB: Good morning!

KE: Parang matagal-tagal na tayong di nag-kakausap, ano ba ang pinagkaka-abalahan ngayon ng Pagcor lalo pa’t  malapit na ang panahon ng kapaskuhan. Noong nakaraang taon kasi marami din kayong mga events na ginanap ngayon ba ay kagaya din dati?

MB: Yes kagaya din ng dati yan kasi yan ay annual event namin ang annual thanksgiving namin ang tawag diyan ay Pamaskong Handog ng Pagcor. In fact magsisimula na kami Nov. 29 hanggang Dec. 18 or 20 siguro over 40 institutions ang mapapasaya at mabibigyan natin ng regalo.

KE: Yung mga championships dito sa mga competition ng Pagcor kailan ba idadaos ito?

MB: Last Saturday ginanap na yung event coronation meron na  nga tayong Miss Casino 2012 along with 4 runner-ups. Yung Ms. Casino Filipino na yan ay ginawaran natin P500,000 in cash at P200,000 na ido-donate natin sa kanyang chosen charity and then mabibigyan din sila ng pagkakataong ma-interview magtrabaho sa casino at sa Pagcor.

KE: Nasa kanila ngayon ang choice kung sila ay sasama sa inyong grupo diyan maghahanap sila ng pupuwede nilang pagka-abalahan.

MB: Yes choice nila yun.

KE: Napag-uusapan ito ma’am itong choice ano? choice din kaya ngayon ng mga dating namumuno ng Pagcor na harapin o pagtaguan itong kasong kanilang kinakaharap lalo na ang mataas na kapulungan kongreso ay pumasok na dito. Napabalita kahapon na mga pahayagan na mukhang nagkaroon talaga ng ayusan o may kumita sa mga opisyal ng Pagcor na inyong sinundan?

MB: Actually yung una naming pahayag kami ay nagulat din sa incumbent management. Gayun paman we welcome itong mga ginagawang imbestigasyon para talagang matumbok na kung ano talaga yung pinagmulan at nangyari noong nakaraang administrasyon.

KE: Ito bang si G. Rodolfo Soriano na sinasabing consultant ni dating Pagcor Chairman Genuino mero na ba kayong alam sa whereabouts nito ngayon?

MB: Wala kaming alam noong pumasok kami diyan 2010 actually hindi ko siya nakita at gayudin ang mga kasamahan ko hanggang ngayon wala kaming alam kung asan sila.

KE: Itong pagkaka-diskubre sa pagkakasiwalat nga nitong reuters dito sa $5M na suhol dito kay former Chairman  Genuino. Itong mga datos ba dito ay kasama sa inyong mga gagamitin para ipatuloy ang pag-uusig dito sa mga opisyal na ating napapag-usapan?

MB: Si Atty. Jay Santiago our chief legal counsel will coordinate and write a letter to NBI and DOJ para humingi ng tulong para makipag-ugnayan sa FBI na I understand na gumagawa rin ng imbestigasyon. Sa tulong ng NBI at DOJ ay makapag-coordinate tayo sa kanila at willingly tayo makikipag-cooperate kung anuman ang kailangan nila para masulosyunan itong kasong ito.

KE: Pero kung anuman po ang madidiskubre pa na kaakibat sa paghingi ng tulong sa DOJ at NBI ay ano po at kung meron na ay ano ang magiging epekto nito sa mga proyekto na isinusulong ngayon nitong si Chairman Naguiat?

MB: Pertaining to this particular case kay Okada kung mapatunayan na talagang may naganap na  bribery noong nakaraang time na na-acquire niya yung lisensiya. Then maaring kanselahin na yung kanyang lisensiya siyempre dadaaan siya sa due process ang stand ngayon ng management.

KE: Yun ang direction na tina-target kumbaga ay ganap ng malinis itong ganitong uri ng transaksyon diyan sa Pagcor.

MB: Yes!

KE: Siguro sa panghuli kumusta naman ang kita ng Pagcor dito sa huling dalawang quarter although itong Dec. hindi natin mababanggit sapagkat patapos palang ang taon?

MB: Yung 3rd quarter malaki yung inangat ng kita ng Pagcor compare to the previous year alam ko umabot yan  ng P4.3B ang laki ng kita ng Pagcor. Kapag mas malaki ang kita ng Pagcor mas malaki din ang contribution na naibibigay natin dahil meron tayong mandated contribution na ibinibigay for example 5% sa BIR, 50% sa National Treasury and 5% sa BSP at sa iba pa.

KE: With that ay siguro pansamantala pakakawalan na muna namin kayo sapagkat alam namin na abala kayo sa paglista ng inyong papadalahan ng Aguinaldo ngayong Pasko. Maraming salamat at magandang umaga!

MB: Maraming salamat at magandang umaga din!

Atty. Hernando Cabrera (Spokesperson-LRTA) Kalye Escalera Interview Nov. 12, 2012/ 8 to 9am. DZRB 738 Khz/ Radyo ng Bayan

Atty. Hernando Cabrera (Spokesperson-LRTA) Kalye Escalera Interview Nov. 12, 2012/ 8 to 9am. DZRB 738 Khz/ Radyo ng Bayan

 

KE:  Atty. Cabrera magandang umaga po! Live po kayo sa dito sa 738 Kalye Escalera si Marlo Dalisay at si Jeddah Legazpi po ang inyong makakausap live sa DZRB sa Radyo ng Bayan!

HC:  Marlo, Jeddah good morning at sa ating mga tagapakinig!

KE: Ang una naming ihihingi ng paglilinaw sa inyo sposkeman Cabrera ay itong nabanggit ni Sec. Abaya ng siya ay dumalo diyan sa pagdinig ng budget ng DOTC. Sigurado ho ang pagtataas ng pamasahe ng LRT at MRT sa darating na taon at meron na kayong natatantsa kung kailan uumpisahan?

HC: Sabi ng  DOTC through Sec. Abaya tuloy ang ating fare adjustment kaya lang unang-una wala pa yung specific date nito. So tinitiyak natin na Jan. 1 ay wala pa kasi may umiikot na balita na nagsasabi na Jan. 1 nga meron. Actually wala pa specific date pangalawa wala pa rin yung actual final na tinatawag nating fare matrix yung kalalabasan ng pamasahe natin yung station to station basis wala pa yung ganun. Ito ay ipapa-finalize pa natin and then ipu-publish din naman natin itong magiging fare matrix natin.

KE: Ano po ba usually ang basehan ang pag-adjust natin ng pamasahe kagaya rin  ba yan ng ilang transport sector na pinapakinggan ang hinaing ng mga mananakay. Pinapakinggan din yung sinasabi ng mga taong nasa likod pagse-serbisyo sa publiko?

HC: Tama yun nangyari na yan ating public consultation actually itong fare adjustment na ito last year pa ito na-approve to mga February. Kasama sa approval process idaan ito sa public consultation nagkaroon tayo ng dalawang araw kasama yung mga estudyante lahat na mga active na students group. In another day yung mga labor groups naman ang sumama sa ating public consultation, aside from that dinaan din natin sa konsultasyon sa LTFRB.

KE: Ano yung partikular na aspeto na kinunsulta niyo sa LTFRB iba po yung sistema dito pagkat ang mga tren po natin pinapatakbo ng kuryente. Ang LTFRB diesel fed sasakayan yung pinapangasiwaan nila?

HC:  Ganito yan yung authority mag-set ng fares para magkaroon ng fare adjustment ay nakasalalay yan sa power ng LRTA at sa DOTC. Walang nakalagay dun na kailangang aprubahan ito ng LTFRB ang nakasaad lang sa batas ay sa anumang fare adjustment ito ay aprubahan ng LRTA board at ikunsulta sa LTFRB. So consultation lang ang ginawa natin sa LTFRB kasi wala sa jurisdiction kung tutuusin ang rail transport ang jurisdiction lang ng LTFRB ay sa land transport na yung gulong nga na goma. Nakalagay dun sa kanilang mandato na while sa kanila ang road transport nakalagay dito yung exemption ng railroad transport. Kaya lang pagdating sa fare adjustment kailangang ikunsulta sa kanila ganun ang nangyari. After nung public consultation ipinunta natin ito sa LTFRB at ang nangyari nga nagbigay naman nag LTFRB ng kanilang concurrence.

KE: Akala ko kasi kanina naiisip ko aba kinukunsulta  kako nila Atty. Cabrera ang LTFRB baka hindi kaya sila makipag-kumpetisyon dito sa pamasahe  ng mga rubber  base na mga uri ng transportasyon?

HC: Hindi naman consultation lang talaga wala silang authority kung titignan mo yung naging proseso nun nakaraan. Kaya kinunsulta sa LTFRB para more or less hindi masyadong malayo yung kanilang magiging  mga fares sa road transport at sa rail transport para magingb reasonable ang ating fare adjustment.

KE:  Itanong po namin parang ngayon mas maraming volume ng tao na sumasakay sa MRT at LRT may extra ba tayong preparation kaugnay dito sa paglapit ng pasko?

HC:  Unang-una balikan ko yung naging policy ng DOTC sa fare adjustment nabanggit ko kanina yung dalawang factor yung una wala pang exact date at wala pang exact fare matrix at ang pangatlo ay isa sa mga kondisyon ni Sec. Abaya ay kailangan munang magkaroon ng improvement sa ating services. Dalawang aspeto ito yung long term at short term, yung short term natin ito yung panandaliang puwedeng matapos kaagad bago nating ma-implement yung fare adjustment  ito yung patakbuhin ng maayos ang ating escalator at elevators.  Tapos ayusin yung mga CR natin at pangatlo yung mga basic na services natin sa istasyon kasama na yung mga security services pag-improve sa mga teller natin at sa lighting bago tayo mag-implement ng fare adjustment. Pangalawa naman yung long term naman ito yung mga nangangailangan ng mahabang panahon para maisakatuparan una yung pagbili natin ng karagdagang bagon  hindi natin mabibili basta-basta yan. It will take time yung bidding process ide-design mo pa yan at ima-manufacture at yung delivery pa niyan manggagaling pa sa abroad yan. Aside from this yung mga rehabilitation project natin tulad sa line 1 pagpapalit ng mga riles natin alam niyo naman yung line 1 natin ay 30 yrs. old na yan matinding rehabilitation project na ang kailangan.

KE: Pakiramdam ko Atty. yung line 1 kumpara dito sa line 2 yung along EDSA parang mas steady ang takbo ng line 1 kumpara dito sa nasa EDSA. Kumabaga sa eroplano medyo shaky itong nasa EDSA yung nasa Taft naman steady.

HC: Actually ang problem natin sa LRT talagang sobra-sobra na yang tao na pasahero ang solusyon talaga sa line 1 at line 2 ay madagdagan yung mga bagon. So yan ang long term na projects natin ang kagandahan dito ay inuumpisahan na natin at sa MRT yung pangangailan natin ng karagdagang bagon . Pag naumpisahan natin yan luluwag kahit papano yan at bibilis ang takbo at hindi tayo matatambakan ng tao sa isatasyon. Sa line 1 naman may kakulangan na rin tayo ng tren diyan hindi na nating kailangang bumili ng bago ang kailangan lang rehab lang.

KE: Kailan mag-uumpisa itong biyahe ng  Taft Edsa na loop kasi dugtong na rin yung kanilang mga riles pero yung biyahe na loop parang hindi pa matuloy-tuloy?

HC: Tatlong phases kasi yan unang phase  apat kung tutuusin ang unang phase niyan ay yung pagdugtungin mo yung riles. Nagdugtong na yung riles ng line 1 at MRT 3 so tapos na tayo diyan second step mag patayo ng isang transport station na kung saan yung mga tao ay puwedeng magtagpo sa isang istasyon kasama ng pasahero ng line 1.

KE: Bakit Atty. hindi na lang puwedeng magtuloy-tuloy yung tren total dugtong na rin yung mga riles?

HC: Stage 3 yan explain ko muna yung stage 2 natin ay yung magtatagpo yung pasahero natin ng dalawang linya sa isang common station. Ang pangatlo yung tinatawag natin na  total na yung integration natin ibig sabihin yung line 1 puwede ng tumagos sa MRT 3 matagal na process dahil magkaiba ang kanilang signaling system  kailangan ng matinding project at funding para ma-assimilate mo yung signaling system nila. Pangalawa magkaiba ng automatic fare collection system nila so hindi pa integrated yung mga ticket. In the meantime ang puwede nating gawin na pinaka-convenient ay gawin muna yung common station at isusunod yung phase 3 yung total integration.

KE: Tagpuan ang tawag dun sa phase 3.

HC: Ang mangyayari diyan sa phase 2 na yan flatform to flatform transfer ang objective natin ibig sabihin lilipat ka lang ng tren di ka na masaydong maglalakad ng malayo. Kung makikita mo sa Cubao station at line 2 napakalayo ng lalakarin mo para lumipat ka ang objective natin diyan ay flatform to flatform transfer para maging convenient sa ating mga pasahero.

KE: Ok with that siguro bibitiwan muna namin kayo Atty. Cabrera sapagkat nauubusan na rin tayo ng oras. Ang importante po ay naipalam natin sa publiko na yung sinasabi na fare adjustment sa MRT at LRT ay wala pa tayong eksaktong petsa at ekasaktong halaga kung magkano talaga ang idadagdag ng ating mga mananakay dito sa kanilang budget sa pagsakay sa mga tren na operated ng ating pamahalaan. Maraming salamat po at magandang umaga sa inyo!

HC: Magandang umaga  po at maraming salamat po!