Executive
Director Benito Ramos (National Disaster Risk Reduction and Management Council
(NDRRMC)
Kalye
Escalera Interview Dec. 10, 2012/ 8 to 9am. DZRB 738 Khz/ Radyo ng Bayan
KE: Director
Ramos good morning po!
BR:
Magandang umaga po sa ating mga kababayan!
KE: Kami po
ay live dito sa Radyo ng Bayan sa 738 Kalye Escalera si Marlo Dalisay si Ms.
Tea at si Jedah Legazpi ang inyong makakausap. Sir ano ang latest dito sa body
count ng mga nabiktima ng Pablo yun pong mga namatay.
BR: Dumadami
naka-recover tayo kahapon ng bodies yung Armed Forces tumaas ito 647 ang count.
Ito naman missing medyo nabawasan na 780 ang still missing.
KE: Itong
mga data na ito saang probinsiya ang sakop nito?
BR: Ang
pinakamarami dito ang Compostela province at yung Davao Oriental lalo ng yung
tatlong munisipyo ng Boston Capiil at Baganga. Dito naman sa Compostela
province dun sa New Bataan yan ang hardest hit.
KE: Sinabi
niyo hong hardest hit ano na po ang ginagawa ng ating ahensiya ngayon in terms
of yung pagtulong naman sa mga biktima.
BR: Ngayon
ay tuloy-tuloy pa rin yung relief operations ng Armed Forces umabot na doon sa
tatlong isolated na tatlong munisipyo yung barko ng Navy at yung Coast Guard.
Itong Air Force naman depende ito sa climate kasi kung maulap ay hindi natin
magamit itong helicopter hindi makita ng piloto yung bundok ito yung Mt. Diwata
at Mt.Diwalwal yung army ay naglalakad papunta sa isolated area.
KE:
Nabanggit niyo po Director Mt. Diwalwal alam natin na maraming mga mining
operation diyan. Ito ho bang mga biktima natin ay kinabibilangan ng mga workers
ng mga mining site?
BR: Yung iba
diyan na landslide at na washout kasama na po sila.
KE: Pero
wala namang naiwan sa tunnel na hanggang ngayon ay hindi pa nakakalabas?
BR: Bago nag
landfall ay na-inform naman sila halos araw-araw Nov. 20 palang nga-warning na
tayo. Nasa Marshall Island palang ang bagyo nag-warning na tayo umabot diyan sa
Caroline Island pagkatapos yung Palau yan ang boundary natin. Ang importante
yung gaano pa ka-prepare ang ating local na pamahalaan at mismo yung taon
bayan. Kagaya nito si Pacquiao nag-training ito lucky punch ito dahil sa lakas
ni Pablo overwhelm tiwarik yung evacuation center kagaya ng gymnasium yung
eskuwelahan pati munisipyo let us accept it itong nangyaring ito let us not
blame each other.
KE: Mga
kailan magtatagal Director ang inyong search and rescue?
BR: Wala
tayong definite time nai-hold na ito ang mag call off nito ay man on the ground
Lieutenant General Jorge Segovia Eastern Mindanao Commander he has the
operational control of overall Armed Forces, Navy, Airforce, Army lahat ng ito
kasama na rin ang Coast Guard at PNP for the purposes of rescue, relief,
retrieval operation.
KE: Ano pang
complain ang inerereklamo sa inyo ng mga biktima na nakakausap niyo na
survivor?
BR: Mabagal
ang relief operation sana maitindihan ng ating mga kababayan na hindi ganun
kadali kasi nawasak ang mga kalsada nuasad din yung tulay. Itong helicopter
anim makalipad lang ito pag-clear ang weather pag maulap ipagpaumanhin po dahil
risky ang piloto natin.
KE: Kumusta
po yung paghahanda ng Pilipinas sa pagpapakawala ng missile ng NoKor?
BR: Naka red
alert tayo ngayon yung window time nila mula ngayon hanggang 22 nakatanggap
kami ng information kahapon na i-postpone muna for unknown reason. Definitely
yung 10 hindi matutuloy sa ngayon.
KE: Yung 11
hindi rin matutuloy?
BR: Hindi
natin alam kung itutuloy nila bukas dahil indefinite ito we have (DAFA) Defense
Armed Forces Attache South Korea ito sila ang nagmo-monitor sa North Korea
kasama yung DAFA natin sa Japan at itong Department of Foreign Affairs natin.
KE:
In-effect na ba director itong rerouting sa mga flights?
BR: Hindi pa
ngayon dahil wala pang definite time bibigyan naman tayo abiso nito hindi naman
sila puwedeng magpalipad diyan kung walang information lalo na dito sa
Pilipinas dahil dito ang bagsakan ng mga debris.
KE: Ibig
sabihin lifted muna yung red alert status?
BR: Hindi naka
red alert kami dahil kay Pablo.
KE: Pero
hindi dun sa rocket launch ng North Korea?
BR: Yes
kasama ko rin yung technical working group kay Pablo the same people na katabi
ko sa operation center.
KE: With
that Director Ramos ang hihingiin na lamang namin sa inyo ay kung meron kayong
gustong ipaabot na impormasyon dito sa mga tinutulungan natin sa mga nabiktima
ni Pablo?
BR: Oo lalo
na sa ating mga kababayan diyan sa Mindanao kaya yung office of Civil Defense
ng region 9, 10, 12 at Autonomous Region for Muslim Mindanao ay meron na silang
puwersa na pumupunta diyan at tutulong sa Office of Civil Defense region 11
dahil duyan ang hardest hit. So sa ating mga kababayan naman volunteer groups
ay yung mga may ginintuang puso idiretso na lang natin yung tulong natin sa
DSWD dahil yan ang patakaran ngayon one stop shop all local, national and
international assistance i-enforce natin sa DSWD para sila ang accountable at
responsible.
KE: Usec.
before we let you go dahil maraming namatay diyan sa bagyong Pablo meron po
bang mababago sa kahandaan sa kalamidad ng NDRRMC?
BR: Yung
preparasyon natin ipagpapatuloy natin para maibsan yung paghihirap ng mga
kababayan ngayon diyan sa evacuation center.
KE: Alright
maraming salamat po at magandang umaga at good luck sa mga efforts niyo diyan
sa NDRRMC!
BR: Maraming
salamat po!
Walang komento:
Mag-post ng isang Komento