Vocal
Michael Fermin (1st District of Bulacan) Kalye Escalera Interview Oct. 27, 2015/ 8 to 9
am. DZRB 738 Khz/ Radyo ng Bayan
KE: Vocal Fermin magandang umaga po!
MF: Magandang umaga po sa inyo at sa mga ating mga
taga-pakinig!
KE: Siguro ang una naming ikukumusta
sa inyo Vocal Fermin ano na ho ang latest ngayon diyan sa nangyayaring
pagsasalba ng ating mga kababayang magsasaka dito sa mga nabiktima ng mga Lando
sapagkat sa aming pagkakaalam po mukhang ang inyong distrito ay kabilang sa mga
medyo napuruhan ng din ng tubig na dala nitong si Lando?
MF: Tama po kayo kasamang Marlo sa taya ng PDRRMC
itong nakaraang pagtama ng bagyong Lando sa Bulacan ay particular na tinamaan
dito ay ang bayan ng Calumpit, Hagonoy part ng bayan ng Paombong at yung mga
sakahan dito sa bayan ng Pulilan. Sa kaitaasan yun pong San Miguel at San
Ildefonso ay tinamaan din po.
KE: At yan po lahat ay kabilang sa mga distrito na
inyong nasasakupan?
MF: Opo maliban sa San Miguel at San Ildefonso nasa
ikatlong distrito po yun.
KE: Ano na ho ang kasi ang kadalasan naman yung
ilang kapatid natin sa hanapbuhay ang kadalasan ini-interview sa mga ganitong
pangyayari. Kung hindi yung mga gobernador, Mayor ay yung kanilang Congressman
kaya parang nakakalimutan rin ng ating mga taga-pakinig na may nagtatrabaho din
naman na mga miyembri ng Sangguniang Panlalawigan at sa inyong bahagi po papano
naman tayo nagpapa-abot ng mga tulong sa ating mga kababayan na nasalanta?
MF: Una inasess natin yung pangangailangan sa
pagdedeklara ng state of calamity yung ating mga lower Sanggunian etong mga
Sangguniang Pambayan nakapag-deklara nitong state of calamity para magamit nila
yung pagtulong sa mga evacuation centers. Pati na rin doon sa mga kabahayan na submerge
ng tubig sa dala ng bagayong Lando sa kasalukuyan ay halos mangilan-ngilan na
lamang na naiiwan sa mga evacuation centers pinagpapasalamat namin sa Diyos na
dapat magtutuloy-tuloy na marami na ring kalsada ang passable at accessible nawala
na yung tubig sa kalsada at unti-unti ng nakakabalik, nakakapaglinis na ang
ating mga barangay, eskuwelahan para maihanda ulit sa mga bata dahil ginamit
ulit na evacuation centers. Ngayon po after backlogging na ito ay we would like
to also focus sa cause effect na kailangan gaya po ng mga pagtingin sa mga
sitwasiyong pangkalusugan naman ng mga tao assessment po sa mga losses kagaya
ng palaisdaan at sakahan na nakalulungkot dahil yung iba po ay halos aanihin na
ay natangay po lahat ng ating kabuhayan ng
mga kawawang magsasaka at manginngisda. Sa pinaka-huling report na sinumite sa
ating tanggapan aabot po sa halos P1B ang inaasahang nga losses.
KE: Grabe diyan lang sa inyong area of responsibility?
MF: Tama po kayo.
KE: Ang tindi so ano ho ang pinaplano ng Sangunniang
Panlalawigan borad para itong mga binabanggit niyo na tinamaan at medyo minalas
na kababayan ay nakabaon magpapasko pa naman ho?
MF: Susubukan po natin umupo kasama ang DA at BFAR
para sa rehabilitation program para maayudahan naman natin itong ating
magsasaka at mangingisda. Ganun din ho na panahon na dapat mgakaroon ng mas
malalim na pag-aaral hindi lamang po tayo ganitong reactive dapat ang paniwala
po natin na ang gobyerno ay Pro-active hindi poi sang beses taon-taon itong
dinadanas ng kababayan namin bakit walang maliwanag na plano na inilalatag.
Nung panahon nila Ka Blas Ople at Cong. Natividad nakakuha po ang mga
ka-distrito natin tinutuunan nila ng pansin kagaya nitong Labangan Channel
talaga naman na dapat mapadaloy itong mabilis ang pagbaba ng tubig pababa ng
Manila Bay. Etong pagdami ng mga subdidvidon na ito at pagharang sa mga water
ways at itong mga fish cages na nakaharang din along the channel ay
nakakapagpabagal sa pagbaba ng tubig at dapat pag-ralan din po na kasama sa
masterplan na hindi lang sa dala-dalawang kilong bigas ang pinaghahandaan natin
na parang nasisyahan pa ang iba kapag ganitong panahon dahil nagpapamigay ng
relief. Kailangan natin pati yung inpraskturang ilalatag dapat ay may maliwanag
na plano kung papano nating poprotektahan paniwala ko hindi lang kailangan ito
sa pagtataas ng mga kalsada kung hindi dapat magkaroon talaga ng proteksiyon
dike. Ang tubig na inaabot namin ay hindi tubig ulan ang tubig po kung
mapapansin ninyo kadalasang lumulubog ng walo hanggang sampung talampakan lubog
po ang mga tao dito sa pinaka-malalim na lugar dito sa Calumpit at Hagonoy.
Dahil back clogging ibig sabihin pag
wala na ho ang mga baha sa mga kalapit nating lalawigan gaya ng Nueva Ecija ang
tubig ay aasahan nating dito bababa kaya yan ang dahilan kung bakit mataas na
po ang sikat ng araw lubog pa rin sa tubig ang mga ka-distrito natin
KE: Ang naiisip ko naman diyan di ba ang distrito
uno ay meron ding kinatawan sa lehislatura sa pambansang libel meron ho ba
kayong nakukuhang impormasiyon na may ginagawa na silang pag-aaral o mungkahi
patungkol dito?
MF: Sa ngayon po wala po kaming nalalamang ginagawa
kaya yna po ang aming sinasabi na dapat gawin huwag lang pagtuunan ng pansin
itong puro pagrarasiyon at mga bagay na alam naman natin nakatuon lamang sa
pulitika. Dapat po dito pag nasa gawain tayong national dapat maglalatag ng
maliwanag na plano kung paano maiiwasan at mapoprotektahan itong mga mamamayan
na nasasakop ng iyong distrito lalo sa na ito hindi lang isang beses ito
mauulit pa ito. Paano kung may tumama na namang bagyo ano ang gagawin natin
hihintayin na lamang natin ang mga tao
na lumikas kung hindi kaya ay wala ng halos kabuhayan ay tatangayin ng baha na
para tanggapin natin natural na it’s the new natural the new standard of
natural kami ho ay naniniwala na dapat isulong na magkaroon ng maliwanag na
plano dito hindi lamang ito pagrasyon-rasyon. Kahit sa pagpapasa at
pag-identify ng mga projects taun-taon kung hindi naman kaya by bases ang
Pangulo natin nagbibigay ng tulong nung nakaraan nagbigay po ng for flood
mitigating kung meron lamang pong ilang daang milyon ang pinagkaloob sa Bulacan
inuwi po lahat sa pagtataas ng mga kalsada . Tiganan niyo naman ang nangyari
halos lubog din po lahat ng kalsadang itinaas kung yun ay ginamit lamang para magkaroon ng
protection dike yung tubig na galing sa river na umaapaw sa mga kabayanan sa lupa maaring hindi po sigurong naging ganun
at nagkaroon ng protection yung ating mga kababayan.
KE: Yun nga po naisip ko tuloy na itanong sa inyo
kung ano ang sitwasiyon sa larangan ng pulitika diyan lalo na ho dito sa usapin
sa paghalal o mga kumakandidatong sa kinatawan ng unang distrito ng Bulacan sa
mababang kapulungan ng kongreso?
MF: Sa kasalukuyan ay matatapos ang termino ang
ating kasalukuyang Cong. sa Bulacan at after sa isinagawang filing sa COMELEC
dalawa lamang kami na naghain ng COC.
KE: Sino ho yung isa pa?
MF: Tayo po at itong anak naman po ng kasalukuyang
kongresista at gobernador ng Bulacan.
KE: Siguro sa ngayon kung pagbabatayan po ang inyong
isiniwalat dito sa amin ay parang sa ngayon palang ay may maayos naman kayo na
plano diyan sa inyong distrito?
MF: Hopefully po dahil ang ating lakas ay isang
consultative leadership paiiralin natin panahon ang maging gawaian ng ating mga
kongresista ay sa tinig ng kailangan ng ating mga mamamayan. Dapat ay
kunsultahin natin sila hindi lamang yung gusto nilang gawin yan ang inilalapit
natin.
KE: Baka meron pa kayong pahabol na panawagan o mga
mensahe diyan sa mga kababayan niyo diyan meron pa ho tayong ilang minuto na
maari kong ipagkaloob sa inyo?
MF: Nagpapasalamat po ako sa ating istasiyon sa
Radyo ng Bayan nagpapasalamat kami sa lahat ng nagpahatid ng tulong kung sa
kasalukuyan po ay meron pa ring dumarating talaga pinagpapasalamat namin at
damang-dama namin ang pakikisama ninyo at pag-alalay sa panahon ng kagipitang
ito. Sa Phil National Red Cross sa Phil Army sa lahat ng none govt.
organization na nagpadala ng truck, tubig, gamot, pagkain maraming salamat po. Nais
ko na ring samantalahin ang pagkakataon po na ipanawagan sa ating tanggapan ng
Meralco para mai-assess yung mga lugar na wala pa ring kuryente na nagpapahirap
po naiintindihan din po namin they need to shutdown dahil kailangan po nilang
balikan at inspeksiyunin para walang maka-disgrasya mgayon namang mababa ang
tubig hirap po lalo yung may mga bata na nabaha na po wala pa rin silang
kuryente hanggang sa kasalukuyan amin pong ipinanawagan at nag-coordinate na
rin kami sa tanggapan ng Meralco na tiyaking maging maayos po. Sana po sa mga
kababayan natin na ngayon po ay naka –tune in alam po lalo po kayo ang nagiging
kasama nila sa magdamag may mga transistor po yung iba nasa bubong lakasan lang
po natin ang ating loob ingatatn natin ang ating sarili ang mga anak gaya lagi naming
advice kung hindi naman kailangan ay huwag ng lumusong sa baha hindi lamang sa
sobrang lakas ng agos in fact may mga casualties kami nung nakaraan may mga
namatay na nalunod alam din natin ang panganib ng leptosphyrosis yung
dumui ng mga daga na kasama diyan sa
baha konting ingat po sa ating mga kababayan maraming salamat sa lahat.
KE: Maraming salamat din ho!
MF: Mabuhay kayo!
Walang komento:
Mag-post ng isang Komento